Hibru 10:23 - Hano Niu Testamen

²³ Tav haḡo wasi nonda doronhohov be tav bev luae, bwatuna be tam dau nonda butuana alun God be vi haḡo batugehi non tatauleo.

Hibru 10:23 ပူးပေါင်းရင်းမြစ်များ

1 Korin 1:9

God kea atatu be tav binihimwasiginia, i mwa ḡita lua kimiu be giv togo bulgaituvwa mai nituna Jisas Kraes nonda Ratahigi.

1 Korin 10:13

Kalkalianan vuro n̄ano be mwa mai lalai kimiu kea haḡea be mwa mai lalai gida duluai. Take gov butu dum alun God, be si hav mahin̄ainigo tehe be gov hovi liua be si loli. Take lol taro be gov hovi lol kalkalianan vuro, kea mulei vi lai hala lalainigo i muramura be gov tu wasigi i dagai ninia.

2 Korin 9:13

Dovon̄an nomiu binihimwasigi, sinombu ivusi rav vev roroai God bwatuna be kimiu gim ron̄ maḡemu alun Leo Tavuha huri Kraes, Leo Tavuha be gim bevea be gim binihimwasigi i bwatun be gim bete vuroinia maira i mai atat dodolua.

1 Tesalonaeka 5:24

Giv butu be kea be mwa uloi kimiu mwa lolia kunia lalai kimiu.

2 Tesalonaeka 3:3

Ta nonda Ratahigi kea nu mwasigi i vi lai lalainigo muramura i vi gita ḡorogo nin Vui son̄son̄o.

Taetas 1:2

Binihi mwasigi gea i iloute gea mwa mai nin doronhohov huri rahuana vai tuai, taro mwa siv bwativuga, i God sihav tentene te dumwi.

Hibru 11:11

Bwatuna be mwa binihimwasigi garagusi, Ebraham mwa mai gi tama len̄len̄a be mwa bwatmetuaga i Sera mulei mwa bwatavwega. Ebraham mwa dau non butuana alun God i mwa haḡo wasi non tatauleo.

Hibru 3:1

Ira tuaku mai ira hogosiku, God nu uloi lua gida huba. I Jisas kea atatu vwate be God nu uloi luae, be vi vora hala i muai Tataroi lalai gida be tam haḡo binihimwasigi garagusi.

Hibru 3:14

I gida duluai tam bulu alun rovoga non Kraes la bwativuna huri be tav haḡo te dum alun udun tatauleo non God vai votui nogonana.

Hibru 3:6

Take Kraes, kea nitun God, i mwa binihi garagusi be vi gitaḡoro la imwan God. Batena be tav binihimwasigi wasigi alun God, i tam dau nonda binihiva mwa du wasigi aluna, gida tam mai gi imwan God.

Hibru 4:14

Gida tav haḡo wasi nonda binihimwasigi garagusi gabe tan vev luae huba. Huribe nonda muan Muai Tataroi gabe mwa hae i mwa du la lolmatan God sibona, kea Jisas nitun God.

Hibru 6:18

Avoana gairua kera gea, raru sihav leahi te dumwi, i alun avoana gairua gea God sihav tententene tehe dumwi. Gida gabe tam habwe ute tavuha huba, avoana gairua gea ramuru lol nonda binihiva mwa wasi liu, i tav haḡo wasi alen̄a gea be God nu laia huba lalai gida, gabe tam dau nonda doronhohov be mwa du wasigi alun non tatauleo.

Jemes 1:6

Take batena be gom hudali God mwa du be gov binihimwasigi take gosav binihi te gairuruai. Atatu be mwa binihi gairuruai kea kun navo lol tahi be lan̄i mwa hereinia.

Visirai 3:11

Nai mai mulei vilvilehi, giv gitaḡoro tavuhai havanau tehe gabe, gin laia huba, huria be atatu vwate sihav surainigo tehe alun tavwen nom rihu maragai.