Hibru 10:22 - Hano Niu Testamen

²² I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 10:22 ပူးပေါင်းရင်းမြစ်များ

Matiu 3:11

Inau nam ḡaruhisabugai kimiu gin wai, bwatuna be gim binihileahi huri vuromiu. Take atatu vwate abena vi mai radu ataguku. Wani gea lavoa liuau, i inau siboku nam hav dadariha tehe be nav haḡo non sus. Wani gea vi garuhisabugai kimiu gin Vui Sabuga i gabi.

Leo Tavuha gabe Luk nu Ravae 1:1

Ratahigi Tiovilas: Atatu ivusi ran lol ron̄oe huba be ramen rava roroi huri ginau duluai gabe ran lolia abemai.

Leo Tavuha gabe Jon nu Ravae 3:5

Take Jisas mwa bwaliua mwa bevea be, “Nam bev mwasigi lalainigo be, ihei si hav dalin̄oro te dum lol rahuana gara gabe God mwa ratahigi alolona be kea si hav vora tehe gin wai i vui.

Leo Tavuha gabe Jon nu Ravae 8:9

Mahavana be ram ron̄ avoana geki kera duluai ram biroromaragai gahegahera, mwa dau bwatuna la ira bwatmetua. Ram bano vaivotu Jisas mwa do gahena, mai vavine haḡea mwa du radu aia.

Lalaḡova 22:16

Matu kadogaha gomom hohovi huri hano? Tomare ba lai garuhisabuga i vi bwaga kaburai vuromwa ginia be gov tataro lalainia.”

Lalaḡova 8:21

Giḡo gom hav vora te gaituvwa mai kamai, bwatuna be lolomwa nu hav vavtutu tehe mai God.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

Ifisas 3:12

Lol Kraes tam mai la lolmatan God mai binihiv rahurahu i mai mataguana sigai. Tav lol dumwia geki sivi binihimwasigi lol Kraes Jisas.

Ifisas 5:26

be vi lolia gi bilan God. Kraes mwa avoinia gin avoana be men lol uloilua gim melmelo ginia be mwa bwagae gin wai.

Ifisas 6:5

Ira turin rovoga, giv tabe ira nomiu ratahigi lavoa lol ureure geki gin mataguana i binihimarahi i gin irubwimiu, kunia n̄ano be gom dabe Kraes.

1 Timoti 4:2

Silo vagahi kunia ram mai nin avoan tentene be atatun tenteneana kera be nora binihiva ram lol kaburainia kun be vat aruaru memea mwa lol kaburai ginau.

Taetas 3:5

kea nu varahu gida bwatuna non sine hagavi. Nu hav vora te bwatun be huri rovoga tavuha be tan lolia haḡe tam bavtutu maia. Nu varahu gida sivi bwaga melmeloi gida gi sinombu gara sivi Vui Sabuga.

Hibru 10:1

Silo be God nu laia lalai Moses, kea vorate nun tavuha huri mwasin ginau be ram dogo, i ran hav melmelo te tavuha kun mwasin ginau mwasigi be rav mai. God vataha taulu ira tataroi ram lol tataroi la hala gaituvwa n̄ano be rav lai lua vuron atatu. Take la hala geki silo geki si hav lol te dum atatu be ram mai aben God be rai vavtutu.

Hibru 10:19

Ira tuaku, bwatuna be Jisas nu mate huri gida, kadogaha tan dadariha be tav haroro lol vawavwana be Ute Sabuga Liu.

Hibru 11:28

Huria be kea mwa binihimwasigi garagusi alun God, bwatuna gea kea mwa dau bwatun Halbisḡalau. Kea nu vevea lalai ata Israel be rav tau dagan sipsip la gai duluai la gatavan imwara. Kera ram lolia kunia huria be Enjel gea be God mwa horai be vi wehi atatu sihav wehi te dum nora muai bwana.

Hibru 12:24

Giv mai huri Jisas, gabe kea atatu be vi tari mulei Tatauleo gara non God. I kimiu giv mai alun dagan Jisas gea gabe nu lol melmeloi kimiu, gabe mwa bev lua ginau gabe ran tavuha liu, ninia gea be dagan Ebol mwa bev luae.

Hibru 4:16

Bwatuna gea tav tau nonda binihimwasigi aluna, i tav mai la lolmatan God bwatun non hogoi vataha mahavana. Aia tav lai sine hagavi i tav habwe hogoi be vi bului gida lol taro ririhai.

Hibru 6:11

I kamai gam doron maragai be nomiu binihiva vi tu wasigi tagaro, i giv lai dum ginau gea be nomiu doronhohov mwa du wasigi aluna.

Hibru 7:19

Silo non Moses gea nu hav dadariha te dumwi be vi vavtutui ginau vwate be nu vavtutu. Take kadogaha alen̄a vwate dolua be nu tavuha nu visirae huba, huria be tav tau nonda doronhohov wasigi aluna. I alen̄a gea mwa do mwa lai gida tan mai sosori gin God.

Hibru 9:10

Ira silo gea ram bevea huri ginaganiana i wai mai alen̄an bwagabwaga ginau. Ira silo geki rav tu vaivotu be God vi leahi ginau duluai vi mai gi ginau gara. Take kadogaha Kraes nu mai huba gi muai tataroi huri ginau tavtavuha be vi mai.

Hibru 9:19

Moses mwa avo maira ata tuai mwa bev ira silo kokolo rituai be ram mauri la silo lalavoa. Ataguna mwa lai dagan ira buluki i nani mwa salil roroia mai wai. Mwa lai raun gai mai ilun sipsip be nu memea mwa darudaruainia la bukan silo i la sinombu.

Jemes 1:6

Take batena be gom hudali God mwa du be gov binihimwasigi take gosav binihi te gairuruai. Atatu be mwa binihi gairuruai kea kun navo lol tahi be lan̄i mwa hereinia.

Jemes 4:8

Mai sosori vai aben God, i God vi mai sosorigo. Giv bwaga limamiu ira atat vuroga! Giv lol melmeloi irubwimiu, kimiu ira hoḡoiḡoro!

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

1 Pita 3:21

I wai gea nu ḡun garuhisabuga be kadogaha mwa barahugo, i nu hav bwaga te dagai han̄ora nin rebehi, take tatauleo be nu loliana lalai God nin binihiv tavuha. I geki huribe Jisas Kraes nu tomare nin mateana.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.