Hibru 10:10 - Hano Niu Testamen

¹⁰ La alen̄an tataroi tuntun gara God mwa lin̄ Jisas Kraes be men mate vatuvwa n̄ano be men lol gida tam melmelo, tam sabuga, kunia be mwa doronia.

Hibru 10:10 ပူးပေါင်းရင်းမြစ်များ

Leo Tavuha gabe Jon nu Ravae 17:19

Nam lin̄iau siboku lalainigo bwatuna kera, huribe kera mulei, mwa du be rav lin̄ira sibora lalainigo.”

Leo Tavuha gabe Jon nu Ravae 19:34

Haḡe atatun bwaloana vwate mwa derai non sari lol ḡaḡaun Jisas, i daga mai wai ram rovo ninia.

Leo Tavuha gabe Jon nu Ravae 6:51

Inau haḡea bereti rahu gabe mwa himai nin lol ute atamare. Be ihei tehe be mwa ḡan bereti geki kea vi rahu vai tuai. Bereti gabe nav laia lalainia gabe vigohoku, gabe nam laia be ureure vi rahu ginia.”

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Ifisas 5:26

be vi lolia gi bilan God. Kraes mwa avoinia gin avoana be men lol uloilua gim melmelo ginia be mwa bwagae gin wai.

Hibru 10:12

Take Kraes mwa lin̄ rahuna be men lai dagai vuron atatu duluai. I alen̄a be mwa lolia be mwa mate vatuvwai mwa lai dagai vuron atatu vai tuai be si hav nogo tehe dumwi. Ataguna mwa dogo mahuri la mwatuan God.

Hibru 10:14

La tataroi tuntun gaituvwa n̄an gea Kraes mwa lol atatu duluai ram sabuga i ran vavtutu duluai, i gov togo kunia vai tuai.

Hibru 10:20

Jisas mwa havan̄ hala gara vwate huri gida huba. Kea n̄ano hala i rahuana kunia be mwa sivi gavu be nu tuḡoro vwavwana be nu Sabuga be nu Sabuga Mutai.

Hibru 10:29

Ke kun hanigi huri atatu be mwa lai binihiv hantai huri Nitun God? Binihin atatu kera gea mwa hantai huri dagan tatauleo non God be vi lol dum melmeloinira nin vurora? Ram bevea be daga gea kea ginau vuroi n̄ano i ram av hantai vai alun hogoi non Vui Sabuga? Atatu gea non vevegi vi wasi liu!

Hibru 10:5

Bwatuna ginau kerageki, amua Kraes mwa lol vatuvwai be vi mai lol ureure, mwa bevea lalai God be, “Gom barihai be atatu rav lol hogoi i tataroi tuntun, take gom lol vatuvwai rebehiku vwate huba.

Hibru 13:12

Jisas mulei mwa mate avare dagai nin bwatutun vanua. Bwatun ginau geki dagana mwa lol melmeloi atatu nin vurora.

Hibru 2:11

Jisas mai sinombu gabe mwa lolira ram sabuga, kera duluai ram bora vara gaituvwa. Bwatuna haḡea kea mwa hav busbusi tehe be men uloinira be ira tuana mai ira hogosina.

Hibru 2:14

Kamai sinombu lol rebehi i daga. Bwatuna haḡea Jisas mwa bora kun kamai vwate. Kea nu mate huri be vi lol kaburai atmate, kea nu muramura ḡoro mateana.

Hibru 5:7

Lol taro be Jisas nu rahu teti lol ureure, lol mahavan non tataro mwa hudaligi gin deiana gaivua i mataruana mwa duturu lalai God. Huria be God nu muramura be vi varahua atagun mateanana. Haḡe bwatuna be alen̄ana nu vavtutu i nu maḡemu bwatuna gea God mwa ron̄oe.

Hibru 7:27

Kea nu hav vora te kun ira muai tataroi dodolua be ran wehi sipsip vataha gubwen̄i be vi lol melmeloinira nin vurora amua, i ataguna rav siv wehi sipsip huria be vi lai dagai vuron sinombu dodolua. Hala gabe tataroi dodolua ran lolia kunia, Jisas nu nogoi nona la hal maron̄ron̄o vatuv mamaha n̄ano, mahavana be nu mahin̄ainia be men mate huri be vi lai dagai vuron sinombu.

Hibru 9:12

Kraes nu haroro huba lol vwavwana be Ute Sabuga Liu take nu hav lai te dagan buluki i nani. Take nu lai dagana sibona i nu lai varahuva be mosmosianana nu sigai.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Hibru 9:26

Be sivora kunia Kraes si lin̄ muleinia vaivusi la bwatun tauva vaivotu garigi. Ninia gea nu lin̄ dagana vatuvwa n̄ano batena be ureure mwa abena be men nogo. Kea nu lin̄ dagana vatuvwa n̄ano be nu dadariha be men lai dagai vuron atatu.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

1 Pita 2:24

Kraes nu tatal vuroda alolon rebehina la volovolo i gida mwa du be tas lin̄ rahuan vuroga i tav tau bwatuna ba rahu lol rahuan vavtutu. I gida tam rahu bwatuna halan duru alun volovolo.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Jon 5:6

Jisas Kraes haḡea atatu gabe nu mai mai wain garuhisabuga i dagan mateanana. Take nu hav mai te n̄an mai wai, take wai i daga. Vui sibona mwa bev seserai ginau geki be mwasigi bwatuna be Vui kea mwasigi.