Hibru 1:3 - Hano Niu Testamen

³ I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.

Hibru 1:3 ပူးပေါင်းရင်းမြစ်များ

Matiu 22:24

I ram hudaligi be, “Vagahi, Moses mwa bevea lol non silo vagahi be, ‘Be atatu mwa lagi vavine vwate nituna sigai radu i mwa mate, kunia mwa du be tuana vi lai bwerona huri be raru vi bav atatu huri tuana be nu mate.’

Leo Tavuha gabe Mak nu Ravae 16:19

Haḡe ataguna be Jisas nu avo vuvuri maira, kea mwa hae mulei vai amare mwa dogo la mwatuan God.

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Leo Tavuha gabe Jon nu Ravae 1:29

Haḡe gubwen̄ dolua Jon mwa ḡita Jisas mwa mai huria, mwa bevea be, “Kea ha kahaḡa be Nitui Sipsip bilan God, gabe mwa lai dagai vuron ureure!

Leo Tavuha gabe Jon nu Ravae 1:4

Avoana uhu kea bwatun rahuana, i rahuana geki mwa lai gigita lalai atatu duluai.

Lalaḡova 2:33

God nu lol domareinia vai amare huba, be vi togo la mwatuana. God Tamanda nu lai Vui Sabuga lalainia huba, kun gabe nu tatauleo huba huria lalainia tuai. I ginau duluai gea be gim du gim ḡitae, i gim ron̄oe, kea rovoga non Vui Sabuga duluai gabe Jisas mwa laia lalai kamai.

Lalaḡova 7:56

Mwa bevea be, “Gitae! Nam ḡita ute atamare mwa mahavan̄i i nitun atatu mwa du la mwatuan God.”

Ravrava non Pol lalai ata Rom 1:16

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

Ravrava non Pol lalai ata Rom 8:34

Ihei haḡea vi vev dumwia be atatu non God ram bahala? Atatu vwate sigai, huribe Kraes Jisas nu mate, i ta nu tomare mulei nin mateana, i kadogaha mwa dogo la mwatuan God, i mwa avo lalai God huri gida.

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

Kolosi 3:1

Lol taro be gon tomare nin mateana mai Kraes, gov binbinihi huri hano be mwa du amare, aia gabe Kraes mwa dogo la mwatuan God.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Hibru 1:13

God nu hav vevea tehe lalai non ira enjel vwate be, “Gov togo la mwatuaku vaivotu be nav tau nom ivwalu gi tanon vavarahin bwalagemwa!”

Hibru 10:12

Take Kraes mwa lin̄ rahuna be men lai dagai vuron atatu duluai. I alen̄a be mwa lolia be mwa mate vatuvwai mwa lai dagai vuron atatu vai tuai be si hav nogo tehe dumwi. Ataguna mwa dogo mahuri la mwatuan God.

Hibru 12:2

Matada vi tutu alun Jisas vataha mahavana, huria be alen̄an nonda binihimwasigi garagusi nu mwalue n̄an ninia, i nu bwativuga la vavorana vai votui nogonana. Mahavana be nu hae be men mate la volovolo, nu hav derai te dagai hala gea. Nu gita batoia, be kea vi ron̄ mwa davuha nu hav mom binihia tehe be non duleana la volovolo gea vain busbusiana lalainia, kea nu samsamwara n̄ano. I kadogaha, kea mwa dogo lol ute ata amare la mwatuan Tanon togotogon Ratahigi God.

Hibru 4:14

Gida tav haḡo wasi nonda binihimwasigi garagusi gabe tan vev luae huba. Huribe nonda muan Muai Tataroi gabe mwa hae i mwa du la lolmatan God sibona, kea Jisas nitun God.

Hibru 7:27

Kea nu hav vora te kun ira muai tataroi dodolua be ran wehi sipsip vataha gubwen̄i be vi lol melmeloinira nin vurora amua, i ataguna rav siv wehi sipsip huria be vi lai dagai vuron sinombu dodolua. Hala gabe tataroi dodolua ran lolia kunia, Jisas nu nogoi nona la hal maron̄ron̄o vatuv mamaha n̄ano, mahavana be nu mahin̄ainia be men mate huri be vi lai dagai vuron sinombu.

Hibru 8:1

Geki haḡea kun be muana huri bwativun nomai avoana duluai. Nonda muai tataroi gaituvwa, be nu vavtutu kun gabe kamai gam bevea. Kea mwa dogo lol ute atamare huba, i mwa dogo la mwatuan God gabe muramura duluai nona.

Hibru 9:16

Be atatu vi lol non tatauleo be batena be vi mate non vataha ginau vivora non atat dodolua, nu melmelo mwasigi be atatu gea vi mate amua huria be tatauleo gea vi tu.

Hibru 9:26

Be sivora kunia Kraes si lin̄ muleinia vaivusi la bwatun tauva vaivotu garigi. Ninia gea nu lin̄ dagana vatuvwa n̄ano batena be ureure mwa abena be men nogo. Kea nu lin̄ dagana vatuvwa n̄ano be nu dadariha be men lai dagai vuron atatu.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

1 Pita 3:22

Kadogaha Jisas nu vano vai lol ute atamare i mwa dogo la mwatuan God i mwa ḡitaḡoro ira enjel, ira roron̄o i ira muramura.

2 Pita 1:16

Lol taro be gan vevea lalai kimiu huri muramuran maiana non Kraes nonda Ratahigi Jisas Kraes, Kamai gan hav vev te vevuri mataisaoga n̄ano be mwa mai nin binihin atatu gaituvwa. Take kamai gan gita ute lavoa non Jisas gin matamai sibomai.

2 Pita 1:17

Jisas nu ron̄ silon God, sarisari lavoa, lol taro be nu lai binihi marahi i sarisari nin God tata. Silo mwa bevea be, “Geki nituku, kebe nam dabea, i nam ron̄ mwandavuha ginia.”

1 Jon 1:7

Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

1 Jon 3:5

Gim iloe be Kraes nu mai be vi lai dagai vuron sinombu. I vuro vwate sigai aluna.

Ravrava nin Jud 1:25

lalai God gaituvwa nonda varahuva, la ihan Jisas Kraes nonda Ratahigi, lalainia samwarana, sarisari, muramura, i mwasigi huri taro be nu nogo, kadogaha i vai tuai. Amen.

Visirai 3:21

I lalainira be ram muramura, nav lai tanoi lalainira be rav tomahuri bul maiau lol tanon togotogon ratahigi, kun gabe inau nam muramura, i garigi inau bul mai Tamaḡu lol non tanon ratahigi.”

Visirai 4:11

“Nonda Ratahigi i God! Giḡo gon dadariha be gov lai muramura, i roroa, i sarisari. Huri be gon tau ginau duluai, i gin nom binihiva gon taura i ram du.”