Hibru 1:14 - Hano Niu Testamen

¹⁴ Ira enjel havanau? Enjel kera n̄an ira vui gabe mwa horara be rav lalaḡo lalai sinombu be rav lai varahuva.

Hibru 1:14 ပူးပေါင်းရင်းမြစ်များ

Matiu 1:20

Mahavana mwa do mwa binihia kunia, enjel non God mwa bisirai abena lol maturubore. Enjel mwa bevea lalainia be, “Giḡo Josep, varan Deved, gosav matagu tehe be gomen lai Mere uhu gi tasalamwa. Bwatuna be Vui Sabuga mahaḡea mwa hogoi naturigi lalainia.

Matiu 13:41

Inau Nitun Atatu nav hora noḡu enjel rav lai luara duluai gabe ram hav tabeau tehe kun nora Ratahigi, kera gabe ram lol atatu ram buroga, i kera gabe ram lalaḡo hantai,

Matiu 18:10

“Giv gitaḡoro be gisav vev te kaburai ihei ninira naturirigi kera geki. Nam bev mwasigi lalai kimiu be nora enjel amare ram du tagaro lolmatan Tamaḡu lol ute atamare.

Matiu 2:13

La mahavana be ira atat mataisaoga ram mwalue, enjel vwate mwa mai aben Josep bon̄i lol maturubore, mwa bevea be, “Gov tomare, gov lai naturigi mai ratahina i gitol vi mwalue vai Ijip. Gitol vi togo aia vai votu gabe nai vev muleinia abemwa be gitol vi tabagilu mulei. Huri be lavoa Herod mwa hiḡehiḡe be vi wehi naturigi uhu.”

Matiu 24:31

Haḡe taiva vi tatan̄ gaivua, i nav derai noḡu enjel vai la sigun ureure duluai, i rav haraḡoḡo noḡu atat gitalua nin tavalun ureure vai tavaluna.

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Matiu 4:11

Haḡe Vui hantai mwa siv derainia, haḡe ira enjel ram mai ram ḡitaḡoro Jisas.

Leo Tavuha gabe Mak nu Ravae 10:17

Mahavana be Jisas mwa dau bwatun non lagoana mulei atatu vwate mwa rovo vai abena mwa sisiabwau ḡoroe mwa hudalinia mwa bevea be, “Vagahi Tavuha, nav lol hano be nav haḡo dum rahuana vai tuai?”

Leo Tavuha gabe Luk nu Ravae 1:19

“Inau uhu Kebrol. Nam du la lolmatan God, i mwa horau mai be namen avo maigo ba bev sera Roroi Tavuha geki lalainigo.

Leo Tavuha gabe Luk nu Ravae 1:23

Haḡe baten gubwen̄in non lalaḡova mwa nogo lol Imwa Tataro, kea mwa dabagilu mulei vai la imwana.

Leo Tavuha gabe Luk nu Ravae 16:22

“Haḡe batena be hiru mwa mate ira enjel ram dataloe ram daua hurin Ebraham lol ginaganian lavoa lol ute atamare: batena be ratahigin homu mwa mate ram davinia,

Leo Tavuha gabe Luk nu Ravae 2:13

Haḡe darihou vatugin enjel atamare ram ḡoḡo bulbul aben enjel, ram lol roroai God, ram bevea be

Leo Tavuha gabe Luk nu Ravae 2:9

Haḡe enjel non Ratahigi mwa bisirai abera, i sarisarin Ratahigi mwa ḡigita dalisira. I ram matagu maragai,

Lalaḡova 11:22

Haḡe roroi huri ginau geki mwa botui uloilua Jerusalem, i kunia ram hora Banabas vai Antiok.

Lalaḡova 12:23

Darihou n̄an enjel non Ratahigi mwa rabas dul Herod vai ata, bwatuna be mwa hav gogonai te God. Haḡe ulehi ram ḡan sisivi rebehina i kea mwa mate.

Lalaḡova 12:7

Haḡe darihou n̄an enjel non Ratahigi mwa du darihou aia, haḡe gigita mwa ḡigitai vwavwan imwa kolo lol imwa vauvauhi. Haḡe enjel mwa rabas Pita la isibwana mwa bamatae mwa bevea be, “Tomare vilvilehi.” Haḡe gao talai mwa hovi nin liman Pita darihou.

Lalaḡova 13:2

Mahavana be ram lol rovoga lalai Ratahigi i ram ḡaragaravwavwa, Vui Sabuga mwa bevea lalainira be, “Nam doron be giv tari Banabas mai Sol, huri rovoga be nan uloinira huria.”

Lalaḡova 16:26

I darihou n̄an mwa sogai gaivua, i mwa rihui maragai imwa vauvauhi vaivotu bwatbwatuna ataa. Haḡe gatava duluai ram mahavan̄i, i sen ram matugu nin limara duluai lol imwa vauvauhi.

Lalaḡova 27:23

Bwatuna be kahabon̄i enjel non God be nu horau i nam ḡogonai nia nu visirai abeku,

Lalaḡova 5:19

Take baten gea bon̄i, enjel non Ratahigi mwa havan̄ gatavan imwa vauvauhi, mwa domuai bwihavarei ira hala, mwa bevea lalainira be, “Gin van lol Imwa Tataro gaivua ba bevea lalai sinombu duluai huri rahuan gara.”

Ravrava non Pol lalai ata Rom 11:14

Nam binihia be nav lol noḡu atatu siboku rav binbinihi hantai, i hala geki vi bului be nav varahu dum tavalura.

Ravrava non Pol lalai ata Rom 13:6

Geki mulei huri hano gim bol homu. Ira tomuai ram lol rovoga non God i ram lai taro huri nora rovoga.

Ravrava non Pol lalai ata Rom 15:16

huri be nav vora atatun rovoga non Kraes Jisas lalai nira Lolobon̄i. Nam lol rovoga non God be nam bagahi non Roroi Tavuha, be kera be ira Lolobon̄i rav vora ira hogoi be God vi dara aluna hogoi be nu lolian Sabuga nin Vui Sabuga.

Ravrava non Pol lalai ata Rom 15:27

Kera ram ron̄ mwandavuha be rav lolira geki, i mwasigi ran laia lalainira. Geki atatu be ira Lolobon̄i nu harae lalainira na vatavuha Sabuga non ira Jius, i kera ras lai nora vatavuha be nora abena lol ureure ba bului ira Jius.

Ravrava non Pol lalai ata Rom 8:17

Kebe tai vora ira nitun God, tau lai vatavuha nin God saraḡo mai Kraes. Tav tau ron̄ḡagarasi kunia be Kraes nu ron̄ḡagarasi huribe tav sarisari kunia be Kraes nu sarisari.

1 Korin 1:21

Alolon mataisao non God ureure mwa hav ilo te God sivi non mataisao sibona. Haḡe kunia God mwa ḡita luae be vi varahu atatu n̄ano be ram binihihimwasigi toretore bwaḡelega be tam doretore aluna.

2 Korin 9:12

Rovoga geki be gim lolia mwa hav bului te sinombu non God n̄an, ita mulei mwa lai avkari gaivua lalai God.

Kelesia 3:29

Be giḡo lalai Kraes, i giḡo vara ata la Ebraham. Giḡo gov lai tanoi duluai lol vatavuha non God bwatuna tatauleo be God nu laia lalai Ebraham.

Kelesia 3:7

I gov iloe be ira mwasin nitun Ebraham kera be ram haḡo binihimwasigi garagusi.

Kelesia 3:9

I kera be ram binihimwasigi kun gabe Ebraham be nu binihimwasigi ram lai vatavuha kun Ebraham n̄ano.

Ifisas 3:6

Geki haḡea ginau dahuligi gea: be sivi Roroi Tavuha, ira Lolobon̄i rav bulu mai ira Jius lol vatavuha non God. Kera bilan rebehi n̄an gea, i ram bulbulu utegaituvwa lol tatauleo be God mwa lolia lol Kraes Jisas.

Filipae 2:17

Nomiu binihimwasigi garagusi mwa lol kimiu gim lin̄ rahumiu kun be tataroi lol rovoga lalai God. Nam lai mwasin dagaku mai nomiu tataroi tuntun, nav ron̄ mwandavuha i nav masiri lol samsamwara gin kimiu duluai.

Filipae 2:25

Epavrodaetas, tuaku lol Kraes, mwa lol rovoga i mwa lalaḡo maiau gi atatun bwaloana non Kraes. Batena be nan doron buluiana, gin horae vai abeku. Nam binihia kadogaha be nav hora muleinia vai abemiu,

2 Tesalonaeka 1:7

I vi lai mabuana lalai kimiu be gim ron̄ ḡagarasi i lalai kamai mulei lol taro be Ratahigi Jisas vi visirai mai gabi oda nin amare mai ira non enjel muramuraga.

Taetas 3:7

Tam mai bavtutu mai God alun non hogoi, tam lai dum doronhohov be tav lai rahuana be sihav nogo tehe.

Hibru 10:11

Vataha gubwen̄i ira tataroi non ira Jius ram lol nora rovoga be vaivusi ram lol tataroi la alen̄a n̄an gea. Take alen̄a gea sihav lai te dagai vuron atatu.

Hibru 2:3

Be gida tas varihai hal gaivua geki huri halan varahuva, i kunia tav lol haninia be tamen romaragai nin silo vevegi? Ratahigi sibona kea muana be nu vevea huri varahuva, i sinombu gabe ran ron̄ roroi lol taro gea mwa seserainia lalai gida be mwasigi.

Hibru 5:9

Mahavana be kea mwa bavtutu, i mwa bora gi bwatun varahuva be mosmosianana nu sigai huri kera be ram dabea.

Hibru 6:12

I gan hav doron tehe be giv bwatiḡoruga. Take kamai gam doron be giv huri alen̄ara gea be ram binihimwasigi wasigi i nora binihiva n̄an̄ava, i rav lai dum havanau be God nu tatauleo be vi laia lalainira.

Hibru 6:17

God nu lol non tatauleo huba, i mwa doron be vi lolira kera gea be rav lai dum ginau be nu tatauleo huria, i ram iloe be non binihiva sihav leahi te dumwi. Haḡe bwatuna haḡe gea mwa avo alun ihana sibona, be men lol non tatauleo sibona gim wasi mulei. I kadogaha avoana non God gairua, i avoana gea non tatauleo, mai avoana gea be men lol non avoana gim wasi.

Hibru 8:6

I take tam ḡitae be rovoga gea be ira tataroi tuai ran togo ram lolia. I la hala n̄an mulei kunia, tatauleo non God be Jisas nu lai bisirainia lalai atatu, kea mulei nu tavuha maragai liu tatauleo gea ata tuai, huri be avoanan ginau rav tavuha liu, be vi lol wasinia vi tu.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

1 Pita 1:12

God nu seserainia lalainira be nora rovoga nu hav vorate hurira Sibora take huri kimiu, lol taro be nu veveana na ira mwasigi be gim ron̄oe kadogaha. Kera be ram doretore huri Roroi Tavuha lalai kimiu ran vev ginau kerageki mai buluiana non Vui Sabuga gabe nu horana nin ute atamare ginau alolona gabe ira enjel ram doronia be rav gitae.

1 Pita 1:4

Kadogaha tam hohov ira vatavuha be God mwa do maia huri ira nituna. Ira vatavuha, gabe sihav lol te dum kaburainia sage sihav lol te dum bwarebware i sihav vano te dumwi na nora ute mutai, ram dogo lol ute atamare huri kimiu.

1 Pita 3:7

La hala n̄an gea, kimiu ira ahoai mwa du be giv togo mai ira tasalamiu la hala be mwa ḡita batoiana, Be kera ran mandamanda liugo. Take giv vinihi marahi nira, bwatuna God mwa lai vatavuha n̄an gea lalainira kebe nu laia lalainigo vatavuha be mwa lai rahuan mwasigi. Giv lol ginau kera geki bwatuna be ginau Vwate sihav tu te ḡoro nomiu tataro.

Ravrava nin Jud 1:14

Enok, gaibitun vara ata la Adam, mwa bevea huri atatu kerageki be: “Gitae, Ratahigi mwa mai, mai non ira enjel vasan̄vul vavasi be

Visirai 5:6

Haḡe nam ḡita nitui sipsip mwa du boralolon tanon togotogon ratahigi, haḡe ginau rahu gaivasi ran dalisia mwa bulu mai ira bwatmetua. Haḡe nitui sipsip mwa bisirai kun be nu wehiana huba. I mauana i matana gaibibitui, i geki ira Vui non God gaibitu, gabe nu horana vai lol ureure duluai.