Filipae 4:8 - Hano Niu Testamen

⁸ Ira tuaku giv binihi huri ginau be ran tavuha i ran dadariha huri avkariana. Binihi huri ginau be ran mwasigi i binihi marahi i ran vavtutu, i ran melmelo i ran gabwola i mwa ḡogonaiana.

Filipae 4:8 ပူးပေါင်းရင်းမြစ်များ

Matiu 22:16

Haḡe ram hora nora roron̄tai rituai maira gabe ram huri Herod vai aben Jisas, ram bevea be, “Vagahi, gam iloe be giḡo atat mwasigi. Gom bagahi mwasigi sinombu hurin hala gabe God mwa doronia, i gom hav matagui te atatu gaituvwa, son̄o be atatu gaivua sa tirigi.

Leo Tavuha gabe Mak nu Ravae 6:20

Herod nu matagun Jon bwatuna nu iloe Jon atat vavtutu i atat sabuga, mwa hav doron te be vi lol hano lalainia. Kea mwa doron be vi roron̄tai hano mwa bevea. Gaituvwa n̄an be mwa hav ron̄ te mwandavuha gin ginau mwa bevea take kea mwa ḡoḡoi ḡoro silona.

Leo Tavuha gabe Luk nu Ravae 16:15

Jisas mwa bevea lalainira be, “Kimiu haḡea atatu gabe gim lol kimiu sibomiu kun be atat vatutu la lolmatan atatu duluai, take God mwa ilo nomiu binihiva duluai lol lolomiu. Huri havanau tehe be ran marahi lol binihiva non atatu kea ginau vuroi n̄an la lolmatan God.”

Leo Tavuha gabe Luk nu Ravae 2:25

La mahavan gea atatu vwate ihana Simion nu togo Jerusalem. Kea atat vavtutu mwa ḡogonai God i mwa hohovi huri gubwen̄ ribwesiva nora ata Israel. I Vui Sabuga mwa do maia,

Leo Tavuha gabe Luk nu Ravae 23:50

Atatu vwate nin aia ihana Josep, nin Arimatia gabe bwatutun vanua vwate Judia. Ke atat binihimarahi i atat tavuha, mwa hohov huri maiana huri Rahuan gara gabe God mwa bora Ratahigi Lavoa ḡoro non sinombu alolona. Kea atatun Kansel vwate, take nu hav dame te la nora binihiva be rav lolia.

Leo Tavuha gabe Jon nu Ravae 7:18

Atatu gabe mwa avo gin non roron̄o sibona, wani gea mwa lol ron̄oe be vi lol roroainia sibona. Take wani gabe mwa doron be vi lol roroai wani be nu horae, kea mwa lol ginau mwasigi i kea mwa hav lol te ginau vahala.

Lalaḡova 10:22

Haḡe ram bwaliua ram bevea be, “Tomuai Konilias mwa hora kamai. Kea mwasin atat tavuha mwa ḡogonai God i ira Jius ram binihi marahi maragainia. Enjel non God nu vevea lalainia be vi warego vai la imwana, huribe vi ron̄ hano be mwa du be goi vevea.”

Lalaḡova 22:12

“Lol bwatutun vanua gea atatu vwate ihana Ananias, gabe mwa binihimwasigi God maragai i mwa dabe nonda Silo, i ira Jius be ram dogo aia ram binihi marahinia.

Lalaḡova 6:3

Mwa du be giv gita lua atatu gaibitu alolomiu be ran masiri gin Vui sabuga i mataisao, vuvuri tav tarira huri ginau geki.

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

Ravrava non Pol lalai ata Rom 13:3

Kera be ram bavtutu lolmatan God rasav matagun te ira tomuai; kera n̄ano be ram bahala rav mataguinira. Ke kimiu gim doron be gisav matagun te ira tomuai? Haḡe giv lol alen̄ vavtutu, i kera rav uloi roroai kimiu.

Ravrava non Pol lalai ata Rom 14:18

Atatu be mwa lol rovoga non Kraes, be mwa dogo la rahuana geki, kea haḡea mwa lol samsamwarai God, i atatu dodolua rav dara aluna.

Ravrava non Pol lalai ata Rom 2:29

Atatu be mwasin Jiu n̄ano kebe mwa bora ira Jiu alolona, mwasin tav dovon̄a mwa loliana alolomwa gin Vui Sabuga, vorate gin silo be mwa ravana. Atatu kunia mwa lai avkari nin God, ninia be vi laia nin atatu vuroi.

1 Korin 4:5

Haḡe kunia gosav vevegi te amua nin mwasin tarona be vi mai; gov hohovi vaivotu Ratahigi vi mai mulei. Kea vi lai bisirai ginau duluai be mwa du dahuligi lol ute meto vai lol ute ran maita. Ratahigi vi vaseserai ginau duluai be mwa du dahuligi alolon sinombu. I batena gea, God vi lol roroai ihan atatu gaitutuvwai, nu hurin ginau tavtavuha be ran lolia.

2 Korin 13:7

Gam dataro lalai God be gisav lol te havanau be nu vahala. Nu hav vora te muan ginau be vi gitana be gan van sivi dum haḡo ron̄o, take muan ginau be vi gitana be kimiu gim lol havanau be nu vavtutu, gaituvwa be gitanana kun be kamai gan hovi.

2 Korin 6:8

Atatu rituai ram dul bonogai vai alumai. Atatu ram bev ginau hahantai vai alumai, take rituai ram bev ginau tavuha. Rituai ram bevea be kamai atatun tenteneana, take kamai gam bev mwasigi.

2 Korin 8:18

Gam hora Taetus mai tuada vwate kea ira binihimwasigi ram hagai maragainia huri non rovoga mai toretore huri Leo Tavuha.

2 Korin 8:21

Gam lol rovoga hahavwani be gav lol havanau be Ratahigi vi dameinia kun be nu vavtutu kunia.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Ifisas 4:25

Haḡe mwa du be giv lin̄i be gim dentene. Giv vev mwasigi lalai vatvataha kimiu, bwatuna be gida duluai ira ududun vatvataha gida lol rebehi gaituvwa.

Ifisas 5:9

Gigita mwa lai mwasin lalan̄an tavuha duluai, i togoan vavtutu i mwasigi.

Ifisas 6:14

Giv tu wasigi mai gaiweswesin mwasigi be gom sisia dalis bugimwa i gitaḡoro huri vavtutu lol bwabwamwa.

Filipae 3:1

Ira tuaku, giv masiri gin samsamwara lol Ratahigi. Mwa hav vora te taro ririhai lalaiau be nav rav mulei ginau gaituvwa lalai kimiu, i vi bului kimiu be giv lol vatuvwai maragai.

Kolosi 4:5

Giv mataisaoga lol alen̄amiu mai kera be ram hav binihimwasigi tehe, giv lol nomiu mwasigi duluai.

1 Tesalonaeka 4:12

Be giv lolia, kunia sinombu be ram hav binihi te mwasigi rav binihi marahi kimiu, i kimiu gisav butu tehe alun atat dodolua huri havanau be gim doronia.

1 Timoti 2:2

Tataro huri ira tomuai i kera be ram haḡo roron̄o huri be tav lai rahuana be nu mahuri i nu masiri gin tamwata i gogonai i binihi marahi huri God.

1 Timoti 3:11

La hala n̄an gea, ira vavine mwa du be atatu rav binihi marahinira. Kera rasav vev te bwarebware atat dodolua. Rav vwalaunira sibora, i rav binihimwasiginira lol ginau duluai.

1 Timoti 3:4

Kea vi vora tomuai tavuha vai la imwa, mwa haḡo naturirigi be ram bulbulu gin binihi marahi be nu masiri.

1 Timoti 4:12

Gosav lin̄ te atatu be rav gita bahivoinigo huribe giḡo mwalaḡelo n̄ano, take gov vora malele lalai ira atat binihimwasigi lol nom avoana, nom lalaḡova, nom lolotabetabe, nom binihimwasigi garagusi, i lol nom togoan melmelo.

1 Timoti 5:10

Vi iloana mulei na non rovoga tavuha, rovoga be nu gitaḡoro tavuhai ira nituna, nu laiḡoḡo ira tausala, nu bwaga lolonen atat sinombu non God, nu buluira be ran togo lol taro ririhai, i nu lin̄ rahuna be vi lol lalan̄an rovoga tavuha.

1 Timoti 5:2

Ira vavin metuaga kun be ira ratahi, i ira daulato kun be ira hogosi. Gov lol maira lol hala be nu melmelo tagaro.

Taetas 1:8

Tomuai wani be mwa lol vatuvwai be vi lai ḡoḡo tausala, vi tabe havanau be nu tavuha, vi mataisaoga, i vi to bavtutu, vi togo la hala be nu sabuga, vi togoinia sibona.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Taetas 2:2

Gov vagahi ira atat metuaga be rav togonainira sibora, lol binihi marahi, lol mataisao, lol binihimwasigi garagusi, lol lolotabetabe i lol alen̄ara.

Taetas 2:7

Lol hala duluai gov vora malele huri lalaḡov tavuha duluai. Batena be gom bagahi, gov vagahi gin vavtutu i binihi marahi.

Taetas 3:14

Nonda sinombu ran huhuinia be rav lai rahura huri lalaḡov tavuha be mwa lai havanau huri nora togoan tavuha be sihav hantai tehe.

Hibru 11:2

Binihimwasigi garagusi, kea haḡea hano be tam binihi dumwia lol taron ira sibida amua.

Hibru 13:18

Giv tataro huri kamai. I lol nomai binihiva gam samsamwara, i gam lol ron̄oe be nomai lalaḡova vi vavtutu vataha mahavana.

Jemes 1:27

God mwa laiḡoḡo binihimwasigi be nu melmelo, i vahalana sigai binihimwasigi geki mwa domuai atatu be ramen gitaḡoro ira mandue, ira bwero be ram hahagavi huri buluiana i vi lolira rav melmelo dagai nin alen̄an rahuana ata lol ureure.

Jemes 3:17

Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Pita 4:8

Liuhage haḡea, giv tabetabe kimiu maragai, bwatuna be tabetabe haḡea vi lol voro ivusi be vi vinihi kaburaiana.

2 Pita 3:1

Ira tuaku, geki gairuan avoana be nan ravae lalai kimiu be vi bului mwasigi binihimiu be giv vinihi dumwia.

1 Jon 3:18

Naturirigi gisav avo tehe n̄an huri lolotabetabe, take gin nom lalaḡova.

1 Jon 3:3

Atatu duluai be ram haḡo doronhohov huri Kraes, rav melmelo kunia be Kraes nu melmelo.

1 Jon 4:1

Ira noḡu buluana, gisav vinihi te mwasigi kera be ram bevea be ram haḡo Vui Sabuga, take giv haḡo ron̄ora be vui be ram haḡoe mwa mai nin God. Ira atatun vevsera tentene ivusi ram ban lol ureure duluai.