Filipae 4:6 - Hano Niu Testamen

⁶ Gisav lai te binihiva huri hano be gin doronia, take giv tataro i giv hudali God huri ginau duluai be gim doronia, tagaro giv lai avkari.

Filipae 4:6 ပူးပေါင်းရင်းမြစ်များ

Matiu 10:19

Batena be rav lai kimiu be rai vevegi kimiu, gisav matagu tehe huri havanau be giv vevea sage giv vev haninia. La mwasin mahavana, vi lai lalai kimiu havanau be giv vevea.

Matiu 13:22

Biri gabe mwa hovi lol ḡauli, nu ḡun atatu gabe mwa ron̄ avoana, take kalkalianan ureure i doroniva non rosomiu mwa haravui avoana tavuha be nu ron̄oe, i mwa hav vwae tehe.

Matiu 6:34

Take gisav binbinihi te dadaligi huri vaigogo, huri be vaigogo matanhalana mwa eno huba. Ginau gagarasi huri gubwen̄ gaituvwa si hav mom dari houana tehe.

Matiu 6:8

Kimiu gisav lolia te kunira geki. Mahavana gim hav hudali te Tamamiu radu gin ginau be gim doronia, kea mwa iloe huba.

Leo Tavuha gabe Luk nu Ravae 10:41

Take Ratahigi mwa bwaliua be, “Mata, Mata! gom n̄ala bonogai gin binihivanan ginau ivusi, haḡe ta ginau gaituvwa n̄an nu dadariha.

Leo Tavuha gabe Luk nu Ravae 12:22

Haḡe Jisas mwa bevea lalai non roron̄tai be, “Nam bevea lalai kimiu be gisav binihi te dadaligi lol nomiu togoana, be giv gan hano huri be giv rahu sa huri gaisaga gim doronia huri rebehimiu.

Leo Tavuha gabe Luk nu Ravae 12:29

“Gisav binbinihi te maragai huri havanau be giv gania sage giv mwinua.

Leo Tavuha gabe Luk nu Ravae 18:1

Haḡe Jisas mwa bev avoan dalogai geki lalainira non roron̄tai be men vagahira be rav tataro tagaro huri be rasav mandamanda tehe.

Leo Tavuha gabe Luk nu Ravae 18:7

Kun hanigi God sihav tabe te non sinombu gabe ram dan̄ihi buluiana ninia bon̄i i rani? Matu kea vi ron̄mwan̄ava huri be men buluira?

1 Korin 7:21

Be gon vora turin rovoga lol taro be God mwa uloinigo, gosav vinihia tehe. Take be gov mwalue dumwi, gov gitaḡoro tavuhai nom mwasigi.

1 Korin 7:32

Nam doronbe giv togo dagai nin binbinihi. Atatu be mwa hav lagi tehe kea haḡea mwa du be vi lol doroniva non Ratahigi, huribe mwa lol ron̄oe be men lol doroniva non Ratahigi.

2 Korin 1:11

I kimiu giv bului dum kamai gin nomiu tataro. Vuvuri sinombu ivusi rav lai avoan avkari huri kamai huribe God mwa batavuhai kamai bwatuna be alun nora tataro ivusi.

Ifisas 5:20

Giv avkari God huri vataha ginau duluai, lol ihan Ratahigi gida Jisas Kraes.

Ifisas 6:18

Tataro lol Vui Sabuga vataha mahavana gin lalan̄an tataro, gov hudaligi huri ginau n̄oto be gom doronia. Huria be gov lolia kunia gov lol vatuvwai i si hav savigo tehe. Gov tataro vataha mahavana huri sinombu non God.

Kolosi 3:15

Gov lin̄ tamwata gabe Kraes mwa laia vi vwalau binihimwa, bwatuna be nu uloi kimiu duluai vai lol rebehi gaituvwa be giv haḡo tamwata. Giv lai avkariana vataha mahavana.

Kolosi 3:17

Ginau n̄oto be gom lolia i gom bevea vi loli be men gogonai Jisas nonda Ratahigi. I lol ginau n̄oto be gom lolia, gov lai tabeana lalai God tamanda sivi Jisas.

Kolosi 4:2

Giv tu rahurahu lol nomiu tataro, giv mamata, i giv avkari God.

1 Timoti 2:1

Muana, nam bevea lalainigo be gov tataro bului sinombu, hudali God huri havanau ram doronia i gov lai avoan avkari lalainia.

1 Timoti 5:5

Mwasin bwero, be mwa do gahena, mwa dau non doronhohov alun God i mwa dataro ḡaoḡao lalai God bon̄i i lol ute rani mwa hudali buluiana non God.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

1 Pita 5:7

Giv lai nomiu binbinihi bovonosi duluai lalai nia, bwatuna kea mwa ḡitaḡorogo.