Filipae 4:5 - Hano Niu Testamen

⁵ Giv lin̄ kimiu duluai rav gitae be kimiu atat maḡemu i sine tavuha. Ratahigi vi himai sihav vora te n̄ava.

Filipae 4:5 ပူးပေါင်းရင်းမြစ်များ

Matiu 6:25

“Bwatuna gea, nam bevea lalai kimiu be gisav binihi te dadaligi lol nomiu togoana, be gim binihia be, ‘nav gan hano garigi?’ sage ‘nav mwin hano garigi?’ sage ‘nav sagasagai hano?’ Giv iloe be rahumiu barabe vi rahu n̄an alun ginaganiana, take nu liu ninia. Sage rebehimiu si hav rahu te alun gaisaga, take nu liu ninia.

Matiu 6:34

Take gisav binbinihi te dadaligi huri vaigogo, huri be vaigogo matanhalana mwa eno huba. Ginau gagarasi huri gubwen̄ gaituvwa si hav mom dari houana tehe.

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,

1 Korin 16:22

Be vwate si hav tabe te God, lin̄ia na togo dagai nin God. Nomai Ratahigi, gam doron be gov mai vilvilehi!

1 Korin 6:7

Alen̄a be gim ban lol tanon vevegi be gimen vavtutui nomiu videvideo, ginau gea mwa lolia mwa ḡigilaga be kimiu gin vahala huba. Hurihano kimiu gim hav lin̄ia tehe lalai atatu vwate n̄an alolomiu be men lol hantai lalai kimiu? Hurihano gim hav lin̄ia tehe be vwate alolomiu men surai kimiu? Kea nu tavuha maragai nu liu alen̄amiu.

1 Korin 8:13

I ginaganiana be nam ḡania mwa lolira be ramen hovi lol vuro, na sa mom ḡan te bigi mulei be nav lol ira tuaku rav hovi lol vuro.

1 Korin 9:25

Kera duluai be ram rovo lol taron rovoana, ram n̄aitai gin nora muramura be rav harav ira tuara. Tabeana gea kea ginau n̄ano ata lol ureure be mwa dogo vwelvwele n̄ano, take nonda na tabeana si hav lolian te kaburai dumwi.

2 Korin 10:1

Inau, Pol, nam hudali kimiu gin alen̄ maḡemu i alen̄ tavuha non Kraes. Atatu rituai ram bevea be nam lolia mwa maron̄ron̄o alumiu batena be inau mai kimiu i nam lol alen̄ wasi baten be nam do dagai.

2 Tesalonaeka 2:2

Gosav lol te binihimwa vi lalan̄aga sa gosav matagu tehe be gov ron̄oe be gubwen̄i non ratahigi nu mai huba. Atatu vwate vi vevea kungeki lol toretore sa lol roroi sage lol ravrava vwate be ran vevea kunabe kamai gan ravae.

Taetas 3:2

rasav vev te ginau hantai lalai ihei tehe, rav togo lol tamwata, i rav maḡemu i rav lol alen̄ vavtutu lalai sinombu duluai.

Hibru 10:25

Tasav lin̄ te ḡoḡoana lol imwa tataro kunia be rituai ram lolia. Ninia gea tav turatura gida gaitutuvwai tagaro, bwatuna be gubwen̄in Ratahigi mwa abena be men mai.

Hibru 10:37

Baebol mwa bevea be, “Lol taro vwelvwele n̄ano wani gea be vi mai vi visirai, i ginau vwate sigai be vi tuḡoroe.

1 Pita 1:11

Vui non Kraes nu togo alolon ira atatun vev sera, nu vev daua huri ron̄ ḡagarasi non Kraes i huri sarisari be vi huri ron̄ ḡagarasi gea Ira atatun vev sera ran lol ron̄oe be rav hiḡehiḡe huri havanau be Vui Sabuga mwa bagahira, lol taro be ginau kerageki ran loli, i havanau haḡea ureure vi kunia lol taro gea.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

Visirai 22:20

Wani gabe nu vev avoan vevsera geki nu vevea be, “Nai mai n̄an darihou!” Uwe, Mwasigi, Ratahigi Jisas, mai darihou!

Visirai 22:7

Jisas mwa bevea be, “Giv roron̄tai!” “Nai mai mulei n̄an darihou! God vi vatavuhainira be ram daibwero huri roroi ata lol buka geki.”