Filipae 3:9 - Hano Niu Testamen

⁹ i bilana. Kadogaha nam bavtutu mai God, nu hav vora te huria be nan huri silo, take bwatuna be nam binihimwasigi garagusi alun Kraes. God mwa haḡo noḡu binihimwasigi garagusi mwa loliau nan bavtutu maia.

Filipae 3:9 ပူးပေါင်းရင်းမြစ်များ

Matiu 9:13

Take giv vano ba hiḡe binihiva ata lol Ravrava Sabuga non God geki, nu vevea be, ‘Inau nam hav doron tehe be giv gogonaiau gin tataroi tuntun, take gin tabeana.’ Inau nam hav mai tehe be nav uloi ira vavtutu, take ira vev duli.”

Ravrava non Pol lalai ata Rom 1:17

Roroi Tavuha mwa bagahi kun hanigi God mwa lol atatu mwa bavtutu maia sibona be mwa dau bwatuna i mwa nogo mai binihimwasigi garagusi. Ravrava Sabuga mwa bevea be, “Kera be ram bavtutu mai God huri be ram binihimwasigi garagusi, kera rav habwe rahuana.”

Ravrava non Pol lalai ata Rom 10:10

Tam binihimwasigi garagusi lol irubwida, i tam lol bavtutu mai God. I tam bevea gin bwan̄oda be tam binihimwasigi, i kea haḡea tam rahu.

Ravrava non Pol lalai ata Rom 16:7

Avoan helheloi mulei lalai Andronikas i Junia, ira havaku, gabe rav togo vauhi maiau. Kera raru vora atatu be ira hala ran ilo tavuhainira. Kera raru vora atat binihimwasigi non Kraes vuri mwa sivora inau.

Ravrava non Pol lalai ata Rom 5:21

Vuro nu lol mateana be vi tomuai gida, take mwa lai hogoi non God sivi vavtutu i vi lai rahuana vai tuai sivi Jisas Kraes nonda Ratahigi.

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Kelesia 2:16

Radu, tam iloe be atatu mwa lolian bavtutu mai God vorate huria be mwa huri silo, take be mwa dau binihimwasigi garagusi alun Jisas Kraes. I gida mulei, tan tau nonda binihimwasigi alun Kraes Jisas, huribe tav vavtutu mai God bwatuna be tam binihimwasigi garagusi alun Kraes. Nu hav vora te bwatuna be tam huri silo, bwatuna be atatu vwate si hav vavtutu tehe lolmatan God gabe mwa huri silo.

Filipae 3:6

Nan masiri gin doroniva be nav lol ron̄oe be nav lol ḡagaras uloilua. Tuara vwate nu hav habwe te dum vahalana mai hala be nan ron̄ tabetabe alun silo non Moses.

2 Timoti 1:9

Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

Taetas 3:5

kea nu varahu gida bwatuna non sine hagavi. Nu hav vora te bwatun be huri rovoga tavuha be tan lolia haḡe tam bavtutu maia. Nu varahu gida sivi bwaga melmeloi gida gi sinombu gara sivi Vui Sabuga.

Hibru 6:18

Avoana gairua kera gea, raru sihav leahi te dumwi, i alun avoana gairua gea God sihav tententene tehe dumwi. Gida gabe tam habwe ute tavuha huba, avoana gairua gea ramuru lol nonda binihiva mwa wasi liu, i tav haḡo wasi alen̄a gea be God nu laia huba lalai gida, gabe tam dau nonda doronhohov be mwa du wasigi alun non tatauleo.

Jemes 3:2

Gida duluai tam lol vahalana ivusi. Kebe atatu rasav vev te ginau vahala, kera rav vavtutu i rav vwalau dum rebehira sibora.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

1 Jon 3:4

Ira hei duluai be ram buroga, ram n̄andu silo non God, bwatuna be vuroga kunia be mwa n̄anduana na silo non God.