Filipae 3:5 - Hano Niu Testamen

⁵ Inau nan lai tav dovon̄ana atagun gubwen̄ gaivwelu be nan vora. Inau ata Israel nin houn Benjemen, inau mwasin dagan ata Hibru. Binihiḡu nu wasi maragai alun Silo non ira Jius bwatuna haḡea be nan mai gi Varise.

Filipae 3:5 ပူးပေါင်းရင်းမြစ်များ

Leo Tavuha gabe Luk nu Ravae 1:59

Haḡe atagun wik gaituvwa ram mai be ramen tav dovon̄ana alun naturigi, i be rav huri ihana gi Sakaraia hurin ihan tamana.

Leo Tavuha gabe Luk nu Ravae 2:21

Haḡe atagun wik gaituvwa, mahavana mwa mai huri tavdovon̄ana alun naturigi, ram huri ihana gi Jisas, kun gabe enjel nu vevea amua batena naturigi mwa hav bulus te radui ratahina.

Leo Tavuha gabe Luk nu Ravae 5:38

Take, waen gara vi sisiaiana vai lol bwelehu gara!

Lalaḡova 22:3

“Inau Jiu, nan vora Tasas la vanua Silisia, take nam hamai vai teti Jerusalem bwatuna nan sikul aben Kamaliel. I nan lai silo vagahi wasi alun Silo non ira sibida, i nan lin̄iau siboku lalai God la hala gea kun kimiu n̄au haḡea be gim du teti garigi.

Lalaḡova 23:6

Pol mwa ḡitae be atatu rituai lol sinombu gea kera Sadusi i tavalura kera Varise, haḡe mwa av lua lol nora Kansel mwa bevea be, “Ira ata Israel! Inau Varise, bwatuna inau nitun Varise vwate. I inau lol silo vevegi teti kadogaha bwatuna, noḡu doronhohov be nai vevea, sage nam bevea be mateana vi tomare huri rahuana.”

Lalaḡova 6:1

Lol mahavana ataguna gea ira hala non Jisas ram ivusi, haḡe vigaigaiana mwa domare lol davolan ira ata Krik be ram avo la avoan ata Jius mai ira mwasin ata Jius. Haḡe ira tausala ata Krik ram bigaigai ram bevea ginaganiana be mwa harana vataha gubwen̄i mwa hav dadariha tehe mai nora bwero.

Ravrava non Pol lalai ata Rom 11:1

I nam hudaligi be: Mwasigi be God nu vohai dagai non sinombu? Sigai! Inau siboku inau vara ata Israel nin varan Ebraham, i varan Benjemen.

2 Korin 11:22

Matu kera ata Hibru? Inau mulei? Matu kera ata Israel? Inau mulei. Matu kera nin varan Ebraham? Inau mulei.