Filipae 3:20 - Hano Niu Testamen

²⁰ Take mwasin vanuanda kea amare, i gida tam hohovi huri varahuda Ratahigi Jisas Kraes, be vi himai nin amare.

Filipae 3:20 ပူးပေါင်းရင်းမြစ်များ

Matiu 19:21

Haḡe Jisas mwa bevea lalainia be, “Be gom doron be gov to vavtutu rahurahu, vano ba salei nom viloḡoana, i gov lai homuna lalai ira hiru. Kunia, gov lai rosomwa lol ute atamare. Vuvuri gov mai ba huriau.”

Leo Tavuha gabe Luk nu Ravae 12:21

Haḡe Jisas mwa bev nogonogoinia be, “Geki haḡea vi ḡunia lalai irahei gabe ram dau ḡoḡo rosora hurira sibora take ram hav rosoga tehe la lolmatan God.”

Leo Tavuha gabe Luk nu Ravae 14:14

I kunia vi vatavuhanigo huria bwatuna be kera uhu rasav ḡele te dum mulei ginaganiana gabe gon van̄anira ginia. Take God sibona vi ḡelea lalainigo lol mahavana be ira vavtutu rav tomare mulei nin mateana.”

Lalaḡova 1:11

Ira tarua geki ramuru bevea lalainira be, “Ata Kalili, huri hano gim du gim ḡarere vai hae lol mahao? Jisas geki, gabe God mwa laia nin kimiu hae vai lol mahao, vi himai mulei la hala n̄an kunia be gim ḡitae mwa hae vai lol ute atamare.”

1 Korin 1:7

Lol taro be gim dogo hohov Jisas Kraes be vi mai mulei, gin lai vatavuha n̄oton̄oto.

1 Korin 15:48

Ata lol ureure ran kun muan atatu lol ureure be mwa mai nin taniavu. Take kera be ata amare ran kun atatun ute amare.

2 Korin 4:18

Gam hav tau te nomai binihimwasigi alun hano be matamai mwa ḡitae, take alun hano be gam hav gita te dumwia. Hano be tam ḡitara rav tu mahavan vwelvwele n̄ano, take hano be tam hav gitae tehe kea vi rahurahu vai tuai.

2 Korin 5:8

Pol mwa bevea be, tasav matagu tehe. Tam doronia mwasigi be tav mwalue nin rebehi uhu i tav togo lol mwasin imwanda aben God.

Kelesia 4:26

Take Jerusalem atamare, kea kun vavin maribwesi i ratahida.

Ifisas 2:19

Kadogaha kimiu ira Lolobon̄i gim hav mom bora te ira atat mai sage ira tausala mulei, take kimiu mwasin atatun vanua gaituvwa bul mai sinombu sabuga non God. Kimiu gim bora vara alun God.

Ifisas 2:6

I kea mwa lol domarei gida mai Kraes i mwa lai togotogo lalai gida bul maia lol ute ata amare. Mwa lolia geki hurira lol Kraes Jisas,

Filipae 1:10

be giv gitae dolua lol davolan tavuha i hantai i giv gita lua tavuha; be giv melmelo i nomiu vahalana vi sigai huri maiana non Kraes;

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

1 Tesalonaeka 1:10

I gim hohovi huri nitun God be vi mai nin ute atamare, kea be God Tata nu ragasia nin mateana. Kea Jisas, be nu varahu gida nin silo vevegi non God be mwasigi vi mai.

1 Tesalonaeka 4:16

Ratahigi sibona vi himai vai ataa nin mahao mai batoan wasi nin amare, mai silon muai enjel, i mai silon God gin taiva bilan God. I kera be ran mate huba take ran binihimwasigi lol Kraes, kea rav tomare amua.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Hibru 12:22

Ta kimiu gin hav ḡao tehe habwe ginau kungeki i gin mai la vusi Saeon, i la bwatutun vanua gaivua gea vanuan God rahu be sihav mate te dumwi. Geki Jerusalem ata amare, mai ira enjel sinombu ram ḡoḡo bulbul abena.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

Visirai 1:7

Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.