Filipae 3:18 - Hano Niu Testamen

¹⁸ Atatu ivusi ram dogo kun be ira ivwalu huri volovolo non Kraes. Vataha mahavana nan vevea lalai kimiu hurira i mwa loliau mataruaku mwa hovi be namen vevea lalai kimiu kadogaha.

Filipae 3:18 ပူးပေါင်းရင်းမြစ်များ

Leo Tavuha gabe Luk nu Ravae 19:41

Haḡe kea mwa mai sosori gin bwatutun vanua, i mahavana be mwa ḡitae mwa dan̄ihia,

Lalaḡova 20:19

Nam lol rovoga kera gea bwatuna be inau atatun rovoga n̄an vuroi non nonda Ratahigi, be binihiḡu mwa do tirigi. I vataha mahavana mataruaku mwa rovo huri kimiu. I vataha mahavana taro lalaiau nu hav tavuha tehe, bwatuna be ira Jius ram dari halana be rav lol hantaiau.

Ravrava non Pol lalai ata Rom 9:2

Binihiḡu mwa marahi tagaro i nam ron̄ mwa hantai mutaigi.

1 Korin 1:18

Silo vagahi huri volovolo kea mwa bora bwaḡele lalainira gabe ran sala, take lalai gida be tam rahu lol binihimwasigi, kea muramura non God.

1 Korin 6:9

Nam bev mwasigi lalai kimiu be atatu ram lalaḡo bahala rasav haḡo te dum houn ute Ratahigi non God. Gosav dadaloiga tehe. Kera gabe ram bulu alun rebehin vavine mai atamwani ram buroga gin bwatigoron lagiana ram ḡogonai nunu buhiga take ram bulbulu alun rebehin lagiana sage ira atamwani gabe ram bol mulei rebehin atamwani dolua ram bulu maia,

2 Korin 11:13

Kera gea ram hav vora te mwasin ira hala take kera atatun rovoga be ram dentene. Ram leahira sibora gitanara kun be ira hala non Kraes.

2 Korin 11:29

Batena be tuara vwate mwa beuga inau mulei nam ron̄ mwahantai, i nam lolovono tagaro be atat vwate mwa hovi lol bwatigoro.

2 Korin 2:4

Batena be nan rav ravrava lalai kimiu amua, nan habwe taro ririhai, i loloku nu hav ron̄ te mwandavuha, i nan ravae lol matarua ivusi. Nan hav ravae tehe be vi lol kimiu giv ron̄ mwahantai, take be vi lol kimiu giv iloe be nan dabe maragai kimiu.

Kelesia 1:7

Mwasigi, Roroi Tavuha mulei vwate sigai. Take atatu rituai ram lolia gim bilen̄alen̄a; ram doronbe ramen leahi Roroi Tavuha non Kraes.

Kelesia 2:14

Lol taro be nan gitae be nan hav huri te mwasigi non Roroi Tavuha, nan avo mai Pita la lolmatara duluai. Nan vevea be, “Pita, giḡo vara ata Jiu, take gom hav togo te kun gabe giḡo varan Jiu. Gom dogo kun ira Lolobon̄i. I huri hano be kadogaha gom lol ron̄oe be gomen garoinira Lolobon̄i be ramen togo kun gabe varan ira Jius?”

Kelesia 2:21

Be nam bev ginau kerageki nam hav vano tehe alun hogoi non God, kea mateanan Kraes vi vora ginau vuroi n̄ano.

Kelesia 5:21

ram botui tovtovo non atat dolua, ram mwinmwinu daltale, ram lol ginaganian lalavoa gin doroniv hantai i ram lol ginau dodolua kungeki. Nam lai avoan wasi lalai kimiu kadogaha kunia be nan laia amua: Kera be ram lol ginau keragea rasav haḡo te houn ute ratahigi non God.

Kelesia 6:12

Atatu rituai ram lol kimiu be ramen tav dovon̄ana alumiu, huribe ram sasagerega lol ginau ata lol rebehi n̄ano. Ram matagu be rav lol ḡagarasira be rav huri volovolo non Kraes.

Kelesia 6:14

Nam ilo be nasav sagesagerega tehe huri ginau kunia. Volovolo non Jisas kea n̄ano be mwa lolia nam av sagesagerega. Sivi volovolo non Jisas Kraes, noḡu Ureure mwa boha bolvoloana, i nam mate lalai Ureure.

Ifisas 4:17

Nam bevea lalainigo geki be la ihan Ratahigi, rahumiu sihav togo rahurahu kun ira len̄len̄aga be nora binbinihi nu hav dadariha tehe.

Filipae 1:4

tagaro nam dataro gin samsamwara huri kimiu duluai.

1 Tesalonaeka 4:6

Mulei, gisav lol te bahala sa gisav ruruhi te atatun Kraes vwate la hala geki. Ratahigi vi vevegi sinombu be ram lol ginau kera gea kunia be gan vev serae lalai kimiu be gisav lolira tehe.

2 Tesalonaeka 3:11

Gam ron̄oe be atatu rituai alolomiu ram barihai didi lol rovoga. Ram hav lol te ginau vwate ta ram lol hahavwanira gin rahun atatu dodolua.

2 Pita 2:10

Silo Vevegi gea liuhage lalainira be ram dogo ram lol bwatigoro lol rebehira sibora ram doronia i ram hav doron te roron̄o. Ira Vagahi tentene kera geki ran wasi i ram lol havanau be ram doronia. Ram hav matagu tehe be rav avo vai alun ira enjel.

Ravrava nin Jud 1:13

Ram bora kun navo turu ata lol tahi, be ram domare la lalan̄an rerena mahaḡea. Ram bora kun visiu be mwa lago daltaligi lol mahao be gubwen̄ vwate God vi taua lol ute meton mateana be mwa du vatuvwai hurira vai tuai.