Filipae 3:12 - Hano Niu Testamen

¹² Nam hav vevea te gin binihiva be, inau huba kunia be God mwa doroniau. Nam hav votui te radui tovtovo gea, i nav laia noḡu. Kraes Jisas mwa doroniau be nav lolia kunia bwatuna haḡea gea mwa loliau nam mai gi bilana.

Filipae 3:12 ပူးပေါင်းရင်းမြစ်များ

Matiu 5:48

Mwa du be giv to vavtutu tavuhai kun Tamamiu amare mwa do vavtutu tavuhai.

Lalaḡova 9:15

Ratahigi mwa bevea lalainia be, “Vano, bwatuna be nan uloinia be vi lalaḡo lalaiau, be vi seserai ihaku lalai ira Lolobon̄i i ira ratahigi lavoa i sinombu ira Jius.

Ravrava non Pol lalai ata Rom 8:39

ginau sigai amare la uluda, ginau sigai abeda ata, sa ginau sigai lol ureure duluai be vi harabora dum gida nin lolotabetabe non God be mwa do alolon Kraes Jisas nonda God.

1 Korin 13:10

Take lol taro be mwasin mwasigi vi mai, ginau be ram hav haraharai tehe rav nogo.

1 Korin 13:12

Kadogaha tam ḡita nunu be mwa hav melmelo tehe, kunia be tam ḡitae lol kilas gitagita, take tav gitae vi melmelo. Kadogaha nam ilo uduna n̄ano, take nav ilo duluainia, kunia be God nu iloau.

1 Korin 9:24

Gom iloe be lol taron rovoana, atatu n̄oto rav rovo take atatu n̄an gaituvwa be vi lai tabeana. Haḡe giv rovo huribe giv lai tabeana gea.

2 Korin 13:9

Gam ron̄ mwandavuha be gav beuga, be kimiu giv mai wasi, i gam dataro be giv mai gi atat duluai.

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

Kelesia 5:17

Nonda doroniva siboda mwa doron hano be mwa hav eno tehe lol Vui, i Vui mwa hav doron te hano be mwa en lol nonda doroniva. Ginau gairua geki ramuru barivarihainira, i gisav lol te dum hano n̄ano be gim doronia.

Ifisas 1:4

Kea gin binihiva be, lol Kraes, kea nu gita lua gida amua mwa siv tau ureure huria be gida tai vora non sinombu i sinombu be sihav vitultuli te gida lolmatana.

Ifisas 4:12

Kraes nu lai hogoi kera gea be men lol vatuvwai ira sinombu sabuga non God huri rovogan lalaḡova, be men lol vamuramurai rebehin Kraes.

Filipae 1:1

Nin Pol Timoti atatun rovoga non Kraes Jisas. Lalai ira sabuga duluai non God lol Kraes Jisas. Lalai ira sabuga duluai non God lol Kraes Jisas be gim dogo Vilipae, maira bwatmetue i ira Dikon.

Filipae 3:16

Take mwa du be gida tav huri rahurahui mwasigi be tam haḡoe huba.

Filipae 3:3

Kamai haḡea mwasin ira tav dovon̄ana bilan God. Gam ḡogonai God sivi non vui, i nomai sasagerega kea lol Kraes Jisas. Gam hav tau te butuana alumai sibomai sa havanau tehe be gav lol dumwia lalai rebehimai.

Filipae 3:8

Mwa hav vora te huri ginau n̄an kera gea, take nan binihia be ginau duluai tavuhara sigai be tav dadarihainira mai iloilo huri Kraes Jisas noḡu Ratahigi. Hurira, nam lin̄ ginau duluai kera gea i kadogaha nam iloe be kera han̄ora. Geki mahin̄aiau be nav lai Kraes

1 Tesalonaeka 5:15

Giv gitae be ihei sihav vwaliu te vahalana gin vahalana. Take tagaro giv lol ron̄oe be giv lol hano be nu tavuha lalai kimiu gaitutuvwai i lalai sinombu.

2 Tesalonaeka 2:13

Ira tuaku, kimiu gabe God mwa doron kimiu, God nu gita luago la bwativuna be gov rahu. I gida duluai tav avkari God vataha mahavana hurigo. Giḡo gom rahu gin Vui Sabuga be mwa loligo gom sabuga gin nom binihimwasigi garagusi lol mwasigi.

1 Timoti 5:10

Vi iloana mulei na non rovoga tavuha, rovoga be nu gitaḡoro tavuhai ira nituna, nu laiḡoḡo ira tausala, nu bwaga lolonen atat sinombu non God, nu buluira be ran togo lol taro ririhai, i nu lin̄ rahuna be vi lol lalan̄an rovoga tavuha.

1 Timoti 6:19

Rav lolia kunia, rav lol ḡoḡo mwasin roso hurira sibora gi bwatbwatun ara vatu vainon̄oiha. Vuvuri rav haḡo dum rahuana be mwasin rahuana.

Hibru 12:14

Giv lol ron̄oe be giv togo lol tamwata lolmatan sinombu, i giv togo lol rahuan gogona. Be gosav haḡo te alen̄a geki, gosav gita te dum God.

Hibru 12:23

Kimiu gin mai lol samwaran bulbulu be nu tavuha maragai mai ira atatu non God kun gabe ira nituna muai bwana gabe ihara mwa du huba lol ute ata amare. I kimiu giv mai huri God huria be kea vi vevegi lalai atatu, i giv mai ba bulu mai vuin ira atat vavtutu be ran mate huba.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

Jemes 3:2

Gida duluai tam lol vahalana ivusi. Kebe atatu rasav vev te ginau vahala, kera rav vavtutu i rav vwalau dum rebehira sibora.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.