Filipae 2:7 - Hano Niu Testamen

⁷ Take nu lin̄ tanona mai God i mwa lolia sibona mwa bora atat vuroi. Nu vora kun atatu i nu mai gi atatun rovoga.

Filipae 2:7 ပူးပေါင်းရင်းမြစ်များ

Matiu 12:18

“God mwa bevea be, ‘Geki noḡu atatun rovoga, nam ḡita luae. Nam dabe maragainia i nam samsamwara ginia. Nav tau noḡu Vui Sabuga aluna, i vi vev lua noḡu silo vevegi lalai sinombu duluai.

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Leo Tavuha gabe Mak nu Ravae 9:12

Kea mwa bwaliura mwa bevea be, “Elaija mwasigi vi mai amua be men lol vatuvwai ginau duluai. Take huri hano ravrava sabuga mwa bevea be, Nitun Atatu vi ron̄ḡagarasi gaivua i rai varihainia?

Leo Tavuha gabe Luk nu Ravae 22:27

Ihei lavoa, wani gabe mwa do mahuri be men gan ginau sa wani gabe mwa lol ginaganiana lalainia? Mwasigi haḡea be, wani gabe mwa do mahuri huri ginaganiana. Take inau abemiu kun wani gabe mwa lol ginaganiana lalainia.”

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Ravrava non Pol lalai ata Rom 1:3

Roroi tavuha kea huri Nitun God, Jisas Kraes. Nu kun atatu, kea nu vora nin varan Deved. Take sivi muramura non Vui Sabuga kea nu gita luae gi nitun God huribe God nu lolia mwa domare mulei nin mateana, kea Jisas Kraes nonda Ratahigi.

Ravrava non Pol lalai ata Rom 15:3

Kraes nu hav rahu tehe be men vinihi huria sibona. Kunia be ravrava sabuga mwa bevea be: “Ira avoan hahantai be atatu ram bohainia vai alumwa, kea mwa mai n̄oto aluku.”

Ravrava non Pol lalai ata Rom 15:8

Nam bevea lalainigo be Kraes nu vora atatun rovoga non ira Jius huri be nu lolia be, tatauleo non God lalai ira sibira vi mwasigi.

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

2 Korin 13:4

Kea mwasigi be nu mandamanda batena be nu mate alun volovolo, take mwa rahu kadogaha gin muramura non God. Kea mwasigi be kamai gam mandamanda lol Kraes, take huri kimiu kamai gam rahu alolon Kraes gin muramura non God.

2 Korin 8:9

Gim ilo huri hogoi non nonda Ratahigi Jisas Kraes. Gim iloe be Kraes kea nu rosoga, take huri kimiu mwa mai gi atat hiruga huri be la halan hiru be mwa laia kimiu giv rosoga.

Kelesia 4:4

Take lol taro be taro vavtutu mwa mai, God nu hora nituna, be nu vora nin vavine i nu togo halaten silo.

Filipae 2:6

Kraes kea sibona nu ḡun God lol ginau duluai, kea nu iloe be kea nu dadariha mai God, take kea nu hav vinihia tehe be kea vi lalaḡo gin muramura gea huria sibona.

Hibru 12:2

Matada vi tutu alun Jisas vataha mahavana, huria be alen̄an nonda binihimwasigi garagusi nu mwalue n̄an ninia, i nu bwativuga la vavorana vai votui nogonana. Mahavana be nu hae be men mate la volovolo, nu hav derai te dagai hala gea. Nu gita batoia, be kea vi ron̄ mwa davuha nu hav mom binihia tehe be non duleana la volovolo gea vain busbusiana lalainia, kea nu samsamwara n̄ano. I kadogaha, kea mwa dogo lol ute ata amare la mwatuan Tanon togotogon Ratahigi God.

Hibru 13:3

Giv vinihi dumwira gabe ram dogo lol imwa vauvauhi, kun gabe kimiu lol imwa vauvauhi bul maira. I mulei giv vinihi dumwira gabe ram ron̄ ḡagarasi kun gabe, kimiu mulei gim ron̄ ḡagarasi bul maira.

Hibru 4:15

Nonda Muai Tataroi, nu hav vora te kun ira muai tataroi dodolua be mahavana be gida nonda muramura sigai, i gida tam hovi lol bwatigoro, take rasav hagav te dum gida. Take nonda Muai Tataroi gea mwa hagav maragai gida, huria be ginau kera gea be ram ḡal gida atagu take rav ḡalia muana. Kea haḡea dolua i vurona sigai.