Filipae 2:17 - Hano Niu Testamen

¹⁷ Nomiu binihimwasigi garagusi mwa lol kimiu gim lin̄ rahumiu kun be tataroi lol rovoga lalai God. Nam lai mwasin dagaku mai nomiu tataroi tuntun, nav ron̄ mwandavuha i nav masiri lol samsamwara gin kimiu duluai.

Filipae 2:17 ပူးပေါင်းရင်းမြစ်များ

Lalaḡova 20:24

Take nam binihi rahuku kun be ginau vuroi n̄an vwate lalaiau siboku; ita noḡu doroniva n̄ano be tatan̄an lalaḡova be inau alolona mai noḡu rovoga gabe Ratahigi Jisas nu horau huria vi hara harai, be nav seserai Roroi Tavuha huri hogoi non God.”

Lalaḡova 21:13

Take mwa bwaliura be, “Gim lol havanau, gim haharigi i gim lol hantai irubwiku? Nam lin̄ muleiau siboku, mwa hav vora te huria be ramen vauhiau Jerusalem, take huri be namen mate aia la ihan Ratahigi Jisas.”

Ravrava non Pol lalai ata Rom 12:1

Bwatuna higea, ira tua nu tau bwatuna be God nu lol seserai non hahagavi lalai gida, nam bevea lalainigo be gov lai rahumwa kun gabe hogoi rahu lalainia. Nom hogoi vi vora lalai God n̄ano i vi lol samsamwarainia, kea gabe hala sabuga lalainigo huri gogonaiana.

Ravrava non Pol lalai ata Rom 15:16

huri be nav vora atatun rovoga non Kraes Jisas lalai nira Lolobon̄i. Nam lol rovoga non God be nam bagahi non Roroi Tavuha, be kera be ira Lolobon̄i rav vora ira hogoi be God vi dara aluna hogoi be nu lolian Sabuga nin Vui Sabuga.

2 Korin 12:15

Haḡe nam lol samsamwara be nav lai ginau duluai be noḡu, lalai kimiu, vaivotu inau siboku. Be nav tabe kimiu liu, ke kimiu giv tabeau halatena.

2 Korin 4:12

Haḡe mateana mwa lol rovoga alolomai, take rahuana mwa lol rovogamai.

2 Korin 6:10

Gam habwe ron̄ mwahantai be gaivua, take tagaro gam samsamwara. Gam hiruga, take gam lol sinombu ivusi ram rosoga lol binihimwasigi. Nomai na ginau mwa sigai, take mwasigi be ginau duluai nomai abena.

2 Korin 7:4

Nam ron̄oe mwasigi huri kimiu be nam sasagerega huri kimiu. Gim lai lol maḡemu lalaiau, i lol nomai taro ririhai duluai, gan lai samsamwara gaivua.

Filipae 1:20

Nam binihi dautaua i nam doronhohov be nasav hovi tehe alun Kraes lol hano tehe take be nas haḡo binihiv wasi kadogaha, kun vataha mahavana, be nav seserai gaivuanan Kraes lol rahuku teti lol ureure, mwa dovon̄ai be nav togo sa nai mate.

Filipae 2:18

Kimiu mulei mwa du be giv ron̄ mwandavuha i giv masiri gin samsamwara maiau.

Filipae 2:30

bwatuna be nu abena be si mate huri rovogan Kraes. Mwa lin̄ rahuna be vi lai lalaiau buluiana be kimiu gisav lai te dumwia lol nomiu lalaḡov lalaiau.

Filipae 4:18

I kadogaha nam lai ginau duluai i liu. Nam haḡo ginau duluai be nam doronia, bwatuna be Epavrodaetas nu lai nomiu hogoi lalaiau. Kun hogoi huri ahu bon ḡologolo lalai God, kea be mwa lai ḡoḡo tataroi i mwa ron̄ mwandavuha ginia.

Kolosi 1:24

Nam samwara lol noḡu taro ririhai hurigo. Huribe nam ron̄ḡagarasi lol rebehiku huribe namen lol nogonogoi ron̄ḡagarasi non Kraes. Ginau rituai abena be Kraes mwa ron̄ ḡagarasi sivi rebehina, gabe uloilua.

1 Tesalonaeka 2:8

Bwatuna be gan tabe kimiu, gan ron̄ mwandavuha be gav bete mai kimiu, nu hav vora te Roroi Tavuha non God n̄ano take rahumai sibomai mulei. Kimiu gin mai sosori maragai gin lolomai.

2 Timoti 4:6

Rahuku nan hagainia huba kun be hogoi lalai God, i taro nu mai huba be nav lin̄ rahuana geki,

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

1 Jon 3:16

Gida tam iloe huri lolotabetabe huba bwatuna be Jisas nu lin̄ rahuna huri gida. I bwatuna haḡea tav lin̄ rahuda huri atat dodolua.