Filipae 2:15 - Hano Niu Testamen

¹⁵ Vuvuri giv melmelo i nomiu vahalana vi sigai. Giv vora ira nitun God be vahalana sigai. Take gim dogo mai sinombu lete i atat hahantai dalis kimiu, alolora gim ḡigita kun ira visiu lol mahao.

Filipae 2:15 ပူးပေါင်းရင်းမြစ်များ

Matiu 10:16

“Giv gitae! Nam hora kimiu kun sipsip vai alolora vwiriu turu. Giv mataisaoga kun teltele. Giv lago maḡemu kun manbona.

Matiu 17:17

Haḡe Jisas mwa bwaliua be, “O kimiu ata garigi nomiu binihimwasigi sigai, i gim bahala maragai! Nav togo mai kimiu vain̄ava kun hanigi? Nav haḡo mai kimiu vaiviha mulei? Gin lai naturigi gea vai abeku.”

Matiu 5:45

Be giv huri hala geki, kimiu giv vora ira nitun Tamamiu lol ute atamare. Bwatuna God mwa lol alo mwa ḡigita alura hantai maira tavuha saraḡo, i mwa hora uhe alura ram bavtutu maira ram hav vavtutu tehe.

Matiu 5:48

Mwa du be giv to vavtutu tavuhai kun Tamamiu amare mwa do vavtutu tavuhai.

Leo Tavuha gabe Luk nu Ravae 1:6

Ira tarua gekado raru to vavtutu la lolmatan God, ramuru ḡoḡoi ḡoro didinigi leo horai i silo vagahi duluai non ratahigi.

Leo Tavuha gabe Luk nu Ravae 6:35

Mwa hav vora te kunia! Ta gov tabe nom ivwalu i gov lol tavuhainira. Giv hogosira gin ginau ta gisav doron te hohov be rav tabagilui muleinia. Kunia giv habwe tavwemiu gaivua, i giv vora ira nitun God Holomare Hae. Bwatuna kea mwa davuha lalai irahei gabe rasav vev te silo avkari lalainia i lalai ira hantain lalaḡo.

Leo Tavuha gabe Jon nu Ravae 5:35

Jon nu vora kun bulu be mwa oda i mwa ḡigita, i kimiu gin doron huri mahavan vwelvwele be gimen ron̄ mwandavuha lol non gigita.

Lalaḡova 2:40

Haḡe Pita mwa avo lalainira alun mwasigi gin avoana wasi mwa bevea lalainira be, “Giv hiḡe rahuana sibomiu nin silo vevegi be mwa hivo alun atat hantai kera geki.”

Lalaḡova 20:30

Tarona vi mai be atatu rituai n̄an mulei alolomiu rav tentene ba domuai letei ira binihimwasigi be rav hurira.

Ravrava non Pol lalai ata Rom 16:19

Atat binihimwasigi n̄oto ram ron̄oe be gim lol gogonai, i nam ron̄ mwandavuha bwatuna kimiu. Ta nam doron be kimiu giv mataisaoga huri hano be nu tavuha i giv melmelo nin hantai.

1 Korin 1:8

Jisas Kraes vi haḡo wasi kimiu lol binihimwasigi vai votu nogonana, huribe giv melmelo lol taron non Gubwen̄i.

2 Korin 6:17

God mwa bevea kunia, “Giv visdagai nin sinombu kera gea, i giv hara bora. Gisav sibweri te hano be ran hav melmelo tehe, kunia inau nav laiḡoḡo kimiu.”

Ifisas 5:27

Kea nu mate huribe kea vi lai uloilua lalainia sibona kun vavin lagi mwa ḡabui rebehina sibona. Kea nu mate huribe uloilua vi melmelo dumwi i vurona vi sigai.

Filipae 1:10

be giv gitae dolua lol davolan tavuha i hantai i giv gita lua tavuha; be giv melmelo i nomiu vahalana vi sigai huri maiana non Kraes;

Filipae 3:6

Nan masiri gin doroniva be nav lol ron̄oe be nav lol ḡagaras uloilua. Tuara vwate nu hav habwe te dum vahalana mai hala be nan ron̄ tabetabe alun silo non Moses.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

1 Timoti 3:10

Giv haḡo ron̄ora amua. Vuvuri giv siv lin̄ira be rav lol rovoga kun ira dikon be gisav habwe te vahalana alura.

1 Timoti 3:2

Tomuai non uloilua sihav lol te ginau be sinombu rav vinihi hantainia, i vivora tasalana n̄an gaituvwa. Kea vi vwalaunia sibona gin mataisao, atat dodolua rav binihi marahinia. Vi laiḡoḡo dumwira be non tausala, i vi vagahi dumwi.

1 Timoti 5:14

Haḡe nam doronia be ira bwero bweihe rav lagi, rav bav naturirigi, i rav gitaḡoro imwara sibora. Kunia ivwalu halan nora vi sigai be rav av vai alura.

1 Timoti 5:20

Giv vevea lalainira be ram dogo lol bwatigoro be ram bahala. Vevea kunia lolmatan sinombu duluai lol uloilua huria be vi mamatara rituai mulei.

1 Timoti 5:7

Vev serae lalai ira binihimwasigi be rav lol ginau kera geki huri be atatu rasav av te vai alura.

Taetas 1:6

Tomuai sihav vora te atatu be nu vuroga, tasalana vivora gaituvwa n̄ano, ira nituna atatu binihimwasigi. Take rasav vora te naturigi be ram daha i ram hav bulbulu tehe.

Taetas 2:10

Rasav surai te nora ratahigi take rav lol ron̄oe be rav seserainia lalainira be rav tau dum nora butuana aluna. Lol ginau duluai be ram lolia, ram lol silo vagahi non God varahuda be vi lol dum doroniva non atatu.

Taetas 2:15

Vev ginau kera geki i av dura sinombu i vev lua havanau be ran vahala lol rahura, vevea gin roron̄o. Gosav lin̄ te ihei be vi gitago kun be giḡo gom hav vora te atat binihi marahi.

Hibru 7:26

Jisas mwasigi nu votui tovtovo huri nonda muai tataroi. Kea atat vavtutu be non vahalana sigai, i ginau vwate nu hav lol te hantainia. Kea gaituvwa dolua nin atat hahantai, i God mwa daria haehae liu ninira duluai be ram dogo lol ute atamare.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

Visirai 2:5

Kimiu giv vinihi dum taro be gin togo tuai alolona, mahavana be gin hav hovi tehe radu, i giv vinihi leahi nin vuromiu duluai; i giv togo lol rahuana be gin togo aluna amua. Take be kimiu gisav van te burigai nin vuromiu, kunia inau nai mai mulei huri kimiu, i nav lai dagai tanon nomiu bulu.

Visirai 3:9

Giv roron̄tai! Huri tatan̄ana gea be bilan Setan, ira atat tentene gea be ram bevera be kera ira Jius, take ram dentene, inau nav lolira rav mai ba hiv bwaubwau lol bwalagemwa. I kera duluai rav iloe be, inau nam dabego.