Filipae 2:12 - Hano Niu Testamen

¹² Ira tabetabe, kun vataha mahavana gim roron̄taiau batena be nam dogo mai kimiu, vi tavuha maragai be giv roron̄taiau batena nam hav togo te mai kimiu. Giv lol rovoga ḡaoḡao gin binihi marahi mai huiruru be giv lai dum rahuana,

Filipae 2:12 ပူးပေါင်းရင်းမြစ်များ

Matiu 11:12

La mahavana be Jon Garuhisabuga nu vavora mwa doretore vai votu garigi be Ute Lavoa atamare, mwa habwe taro ririhai gin ginau hahantai, i atat muramura kera geki ram lol ron̄oe be rav lai luara be rai vora nora atatu.

Matiu 11:29

Giv haḡo lua noḡu gai tatauleo vai la isibwamiu, i giv huhui ginau niniau, bwatuna inau nam maḡemu i nam do tirigi lol binihiva. I giv habwe mabuana.

Lalaḡova 16:29

Haḡe matmatai ḡoro mwa ulo huri laet i atatu vwate mwa lai vilvilehi bulu, i kea mwa haroro mwa hiv bwaubwau lol bwalagen Pol mai Sailas.

Lalaḡova 9:6

“Take tomare ba bano vai la bwatutun vanua, i vi vev hano lalainigo be mwa du be gov lolia.”

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

1 Korin 2:3

Batena be nan mai huri kimiu, nan mandamanda maragai, i nan matmatagu.

1 Korin 4:14

Inau nam lol ron̄oe kun be nasav lol te kimiu be giv ron̄oe ba busbusi. Nam ravae geki be men lai avoan vevsera dau lalai kimiu kun gabe kimiu mwasin ira nituku.

2 Korin 7:15

I non lolotabetabe huri kimiu mwa wasi batena be mwa binihi dumwia be gim lol dautau be giv ron̄ maḡemu. Gin lai ḡoḡoe mai binihi marahi i mataguana.

Ifisas 6:5

Ira turin rovoga, giv tabe ira nomiu ratahigi lavoa lol ureure geki gin mataguana i binihimarahi i gin irubwimiu, kunia n̄ano be gom dabe Kraes.

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Filipae 1:29

God nu lai binihi marahi la hala gairua, nu hav vora te huria n̄an be gim binihimwasigi lol Kraes take mulei huria be gim ron̄ ḡagarasi huria, hala saraḡo ram lai sarisari lalai Kraes.

Filipae 1:5

Nam avkari God huri buluiana be gin lolia lalaiau batena be nan toretore huri Roroi tavuha buluiana gin lolia la muan gubwen̄i be gin siv binihimwasigi vaivotu kekadogaha.

Filipae 1:6

God nu tau bwatuna be men lol rovoga tavuha alolomiu, i inau nam binihimwasigi be vi van rahurahu aluna vaivotu be vi nogoinia batena be Kraes Jisas vi mai mulei.

Filipae 2:19

Nam doronhohov lol Ratahigi Jisas be vi hora Timoti vai abemiu sihav vora te vain̄ava. Nav ron̄ mwandavuha be nav huhuinia be gim do kun hanigi?

Filipae 4:1

Ira mwasin tuaku, nam dabe kimiu i nam doron be nav gita kimiu. Gin lai samsamwara lalaiau i gim loliau nam sasagerega huri kimiu, i giv tu wasi alun Ratahigi kunia be nan vevea huba lalai kimiu.

Filipae 4:15

Kimiu ata Vilipae giv binihi dumwia batena be nan toretore huri Roroi Tavuha muana aia. Batena be nan lin̄ Masedonia, kimiu n̄an imwa tataro be gin buluiau.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

Hibru 4:1

God nu taua huba lalai gida be tav lai dum mambuana gea be nu tatauleo huba huria lalai gida. Gida atatun God tav gitae be vwate aloloda sihav vahal te tarona be vi haroro lol mambuana non God.

Hibru 4:11

Haḡe bwatuna gea gida tav lol ron̄oe be tav haroro dum huri mambuana aben God. I sihav tavuha te maragai be vwate nin gida vi lolia kunira tuai be ran hav tabe te silon God, i rasav haroro te dumwi.

Hibru 5:9

Mahavana be kea mwa bavtutu, i mwa bora gi bwatun varahuva be mosmosianana nu sigai huri kera be ram dabea.

1 Pita 2:11

Ira tuaku, kimiu gin ḡun atat mai i tausala lol ureure geki. Nam doron be giv lin̄ ginau hahantai be rebehimiu mwa doronia be vi lolia be mwa bwalo vai alun vui rahu.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.