Filipae 2:11 - Hano Niu Testamen

¹¹ I Kera duluai rav seserainia be Jisas Kraes kea Ratahigi, vi lai sarisari lalai God Tata.

Filipae 2:11 ပူးပေါင်းရင်းမြစ်များ

Matiu 10:32

“Ihei tehe vi vev luae be kea noḡu atatu, inau mulei nav lol kunia lalainia aben Tamaḡu lol ute atamare.

Leo Tavuha gabe Luk nu Ravae 2:11

Huri Varahu mwa bora lalai kimiu garigi bon̄i la vanuan Deved, kea haḡea Kraes gabe wani Vurai i Ratahigi!

Leo Tavuha gabe Jon nu Ravae 12:42

I mwasigi be, ira tomuai non ira Jius ram binihimwasigi alun Jisas, take bwatuna gabe ram matagui ira Varise, i kunia ram hav avoinia tehe be men maserasera, huribe bereva ram dau dagainira nin imwa tataro.

Leo Tavuha gabe Jon nu Ravae 13:13

Gim uloiau be Vagahi i Ratahigi, i mwasigi be gim uloiau kunia, bwatuna gabe inau haḡea nam lai iha gairua gea.

Leo Tavuha gabe Jon nu Ravae 13:14

Inau nomiu Ratahigi i Vagahi, nam siv bwaga bwalagemiu, mwa du be giv bwaga mulei bwalagen ira tuamiu.

Leo Tavuha gabe Jon nu Ravae 14:13

I nav lol havanau tehe gabe gim hudaligi huria lol ihaku, huribe vi lol bisirai sarisarin Tata siviau Nituna.

Leo Tavuha gabe Jon nu Ravae 14:23

Jisas mwa bwaliua be, “Ihei tehe mwa dabeau vi ḡoḡoi noḡu silo vagahi. Tamaḡu vi tabea, i kamaru mai Tamaḡu garu vi mai huria ba dogo maia.

Leo Tavuha gabe Jon nu Ravae 17:1

Mahavana be Jisas mwa bev vuvuri ginau geki, mwa ḡarere vai amare mwa bevea be, “Tata, tarona mwa mai. Gov lol roroaiau inau Nitumwa, huribe inau Nitumwa nav lol roroainigo.

Leo Tavuha gabe Jon nu Ravae 20:28

Tomas mwa bwaliua be, “Noḡu Ratahigi i noḡu God!”

Leo Tavuha gabe Jon nu Ravae 5:23

Huri be vataha atatu rav binihimarahiau kun n̄an gabe ram binihi marahi Tata. Ihei tehe be mwa hav binihi te marahiau Nitun Tata, mwa hav binihi te marahi Tata be nu horau.”

Leo Tavuha gabe Jon nu Ravae 9:22

Tamana mai ratahina ramuru bevea kungeki bwatuna be ramuru matagun ira lavoa non ira Jius huri be ran vev tuhia huba be, ihei tehe vi vevea be Jisas kea Kraes, wani gea rav tau dagainia avare nin imwa tataro.

Lalaḡova 10:36

Gim ilo roroi gabe nu horae lalai sinombu ira Jius, nu seserai lua Roroi Tavuha huri tamwata sivi Jisas Kraes, kea Ratahigi ḡoro atatu duluai.

Lalaḡova 2:36

“Haḡe sinombu duluai ira Jius rav iloe mwasigi be, Jisas geki gabe gin vohae vai alun volovolo, kea mwasigi atatu gabe God nu taua, Ratahigi i Wani Vurai.”

Ravrava non Pol lalai ata Rom 14:11

Huribe mwa ravana lol ravrava sabuga be: “God mwa bevea be, ‘Nam bev mwasigi, atatu n̄oto rav hivbwaubwau lol mataku; atatu n̄oto rai vevea be inau God.’ ”

Ravrava non Pol lalai ata Rom 14:9

Kraes nu mate i mwa domare nin mateana be men vora ratahigi non kera gabe ran mate, i kera gabe ram rahu.

Ravrava non Pol lalai ata Rom 15:9

Nu lolia mulei kungeki bwatun be kera be ram hav vora te ira Jius rav lai dum sarisari lalai God huri sine hagavi be nu laia lalainira. Nu ravana lol ravrava sabuga be, “Nav uloi roroainigo maira Lolobon̄i; Nav lol iboi roroai ihamwa.”

1 Korin 12:3

Nam doronbe giv iloe be atatu sigai be mwa lin̄ Vui non God mwa domuainia, vi vevea be, “vi vevegiana na Jisas.” Atatu vwate si hav vev te dumwia be, “Jisas kea Ratahigi,” be buluiana non Vui Sabuga sigai maia.

1 Korin 15:47

Muan Adam nu mai nin taniavu ata lol ureure. Gairuan Adam mwa mai nin amare.

1 Korin 8:6

take lalai gida God gaituvwa n̄ano gabe tamanda. Ginau duluai ram mai ninia, i tam rahu huria. Mulei Jisas Kraes gaituvwa n̄ano. Ginau duluai mwa loli sivinia, i gida mulei tam bora sivinia.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

1 Jon 4:15

Be ira ihei tehe mwa bevea be Jisas kea Nitun God, kunia God mwa dogo alolora i kera alolon God.

1 Jon 4:2

Giv iloe be vui mwa mai nin God sa sigai. Be ihei tehe si vevea be Jisas Kraes nu vora atatu i mwa bora lol ureure, wani gea Vui non God alolona.

2 Jon 1:7

Ira vagahi dentene ivusi lol ureure kadogaha be ram hav vev te luae be Jisas Kraes nu mai lol ureure kun abe atatu. Ihei tehe be mwa hav vev te luae kunia kea vagahi dentene i ivwalu non Kraes.

Visirai 3:5

Kera gabe ram muramuraga lol taron bwaloana, rav sagasagai gaisaga maita kun geki, i nasav lai te dagai dum ihara nin bukan rahuana. Haḡe nai vev luae lolmatan Tata maira non ira enjel be, kera noḡu atatu.”