Filipae 1:7 - Hano Niu Testamen

⁷ I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

Filipae 1:7 ပူးပေါင်းရင်းမြစ်များ

Lalaḡova 20:23

Nam iloe n̄ano be lol bwatutun vanua duluai, Vui Sabuga mwa lol bisirainia lalaiau be nav togo lol imwa vauvauhi i nav ron̄ ḡagarasi.

Lalaḡova 21:33

Haḡe tomuai ḡoro atatun batoana mwa bano sosori Pol mwa bevea lalai atatun bwaloana be rav haḡo batugehi Pol ba bauhia gin sen gairua. I kea mwa hudaligi be, “Ihei geki, i kea nu lol havanau?”

1 Korin 13:7

Lolotabetabe kea mosmosianana nu sigai; i non binihimwasigi garagusi, doronhohov, i mwa du wasigi ḡaoḡao.

1 Korin 9:23

Nam lolia kunia huribe gin Roroi Tavuha nav lai udun non vatavuha.

2 Korin 3:2

Kimiu sibomiu haḡea gim bora nomai ravrava, nu ravana alun irubwimai, kamai duluai gam ilo kimiu i gam basogo kimiu duluai.

2 Korin 7:3

Nan hav vevea te kunia be namen av vai alumiu. Nan vevea lalai kimiu amua be nam dabe maragai kimiu be gav togo mai kimiu sa gav mate mai kimiu.

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Ifisas 3:1

Huri ginau geki, inau Pol atat vauvauhi huri Kraes Jisas huri kimiu ira Lolobon̄i, nam dataro lalai God.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Ifisas 6:20

Nan mai be nai vev lua Roroi Tavuha, i nam lolia kadogaha teti lol imwa vauvauhi. Giv tataro huriau be lol taro be nai vev lua Roroi Tavuha nasav avo tehe gin mataguana, take nav tu wasigi.

Filipae 1:12

Ira tuaku nam doronia be giv iloe be, hano be nu loli lalaiau, nu loli huria be vi vavtutui Roroi Tavuha.

Filipae 1:13

Ira radaiḡoro imwan ratahigi lavoa i kera gaitutuvwai duluai ram iloe be nam dogo lol imwan vauvauhi bwatuna be inau atatun rovoga lol Kraes.

Filipae 1:14

Bwatuna be inau lol imwa vauvauhi, ira binihimwasigi ivusi ram mai gi atat garogaro lol Kraes i ram hav matagu tehe be rav seserai avoana non God.

Filipae 1:5

Nam avkari God huri buluiana be gin lolia lalaiau batena be nan toretore huri Roroi tavuha buluiana gin lolia la muan gubwen̄i be gin siv binihimwasigi vaivotu kekadogaha.

Filipae 2:22

Gim iloe be Timoti kea lalan̄an atatu vwate. Gim iloe be nu lol rovoga maiau be nu vev Roroi Tavuha kun be naturigi mwa lol rovoga huri tamana.

Filipae 4:14

Take nu tavuha be gin buluiau la mahavana be nan doron buluiana.

Filipae 4:15

Kimiu ata Vilipae giv binihi dumwia batena be nan toretore huri Roroi Tavuha muana aia. Batena be nan lin̄ Masedonia, kimiu n̄an imwa tataro be gin buluiau.

Filipae 4:3

I nam hudali kimiu, ira tuaku be gin masiri gin binihimwasigi, giv bului ira vavine uhu. Kera ram lol rovoga buluiau be ramen vev Roroi tavuha, kera mai Klemen i rituai mulei be ram lol rovoga maiau, ihara nu ravana lol bukan rahuana.

Kolosi 4:18

Inau, Pol nam lai avoan helheloi lalai kimiu i nam rav avoana geki gin mwasin limaḡu. Gisav vinihi te malioi gao vatu be ram bauhiau aluna lol imwa vauvauhi. Hogoi non God vi togo maigo.

Kolosi 4:3

Giv tataro mulei huri kamai be God vi lai non mwasigi lalai kamai be gav toretore dumwi la ginau dahuligi be God nu lol melmeloinia huri Kraes. Kea haḡea kadogaha nam dogo lol imwa vauvauhi.

1 Tesalonaeka 5:5

Kimiu sinombu duluai be ata lol gigita i ata lol rani. Gida tam hav vora te ata lol bon̄i sa metmeto.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

2 Timoti 2:9

i nam ron̄ ḡagarasi bwatuna Roroi Tavuha, i kadogaha ram bauhiau gin gao talai kun atatun wehi surai. Take silo vagahi non God kea mwa hav togo tehe lol imwa vauvauhi.

Filimon 1:13

Nan hohovi be nav haḡo bul maiau, huribe lol tanomwa bisata kea vi buluiau mahavana be inau lol imwa vauvauhi huri Roroi Tavuha.

Hibru 3:1

Ira tuaku mai ira hogosiku, God nu uloi lua gida huba. I Jisas kea atatu vwate be God nu uloi luae, be vi vora hala i muai Tataroi lalai gida be tam haḡo binihimwasigi garagusi.

1 Pita 4:13

Take giv ron̄ mwandavuha be kimiu gim bului mai ron̄ ḡagarasi non Kraes bwatuna be kimiu giv ron̄ mwandavuha i giv masiri gin samwarana lol taro be Kraes vi mai mulei lol sarisari.

1 Pita 5:1

Kadogaha nam do mai ginau vwate be nav vevea lalai ira bwatmetue lol nomiu vatugigi. Inau mulei nam bora bwatmetue. Nan gita ron̄ ḡagarasi non Kraes duluai, i nav bete lol sarisari be vi seserai nia lalai gida. Nam hudali kimiu mulei,

2 Pita 1:13

Nam binihia be nu mwasigi huriau be nav bului kimiu be nav vinihia lol taro be nam dogo lol rebehi geki.

1 Jon 3:14

Nonda lolotabetabe huri gida vatvataha mwa seserainia be, tan mwalue nin mateana vai lol rahuana. Take be gim hav lolotabetabe te kimiu, kea kimiu gim dogo radu lol muramura nan mateana.