Filipae 1:21 - Hano Niu Testamen

²¹ Lol binihiḡu rahuana kea havanau? Lalaiau kea Kraes, i be nas mate, si tavuha maragai.

Filipae 1:21 ပူးပေါင်းရင်းမြစ်များ

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

1 Korin 3:22

Pol, Apolos mai Pita; ureure geki, rahuana i mateana, gubwen̄i garigi i vainon̄oiha geki duluai nomiu,

2 Korin 5:1

I tam iloe huba be rebehida kea kun imwa haohao be tam do alolona teti lol ureure vi lolian kaburai. Take batena be vi nogo, God kea vi lol imwa vwate lalai gida. Sihav vora te imwa be liman atatu vi lolia: Lol tanon rebehi gea vi vora tanoi vwate amare be vi togo vai tuai.

2 Korin 5:6

Tav tu wasi, tam iloe be tam dogo lol rebehi uhu, gida hautu nin God.

2 Korin 5:8

Pol mwa bevea be, tasav matagu tehe. Tam doronia mwasigi be tav mwalue nin rebehi uhu i tav togo lol mwasin imwanda aben God.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Kelesia 6:14

Nam ilo be nasav sagesagerega tehe huri ginau kunia. Volovolo non Jisas kea n̄ano be mwa lolia nam av sagesagerega. Sivi volovolo non Jisas Kraes, noḡu Ureure mwa boha bolvoloana, i nam mate lalai Ureure.

Filipae 1:20

Nam binihi dautaua i nam doronhohov be nasav hovi tehe alun Kraes lol hano tehe take be nas haḡo binihiv wasi kadogaha, kun vataha mahavana, be nav seserai gaivuanan Kraes lol rahuku teti lol ureure, mwa dovon̄ai be nav togo sa nai mate.

Filipae 1:22

Be rebehiku vi togo rahurahu, nav lol dum rovoga non Ratahigi. Nam len̄a be nav gita lua havanau rahuana sa mateana.

Filipae 1:23

Nu ririhai be nav gita lua vwate lol davolan gairua. Nam doron be nav lin̄ rahuana uhu i be nai vora mai Kraes, kunia vi hen tavuha;

Filipae 2:21

Sinombu rituai ram binihi huri rahura n̄an sibora, barabe huri rovoga non Jisas Kraes.

Kolosi 3:4

Kraes kea rahuda, i lol taro gabe vi mai mulei tav haḡohaḡo lol sarisarina.

Visirai 14:13

Haḡe nam ron̄ silo mwa himai nin amare mwa bevea be, “Gov ravae geki be: Samwarana lalai ira hei gabe mwa dau bwatuna kadogaha rav mate alolon rovoga non God!” Vui mwa bevea be, “Uwe mwasigi! Ram mambuharainira nin nora rovoga hahavwani, bwatuna be vwain nora rovoga hahavwani vi vano bul maira.”