Filipae 1:20 - Hano Niu Testamen

²⁰ Nam binihi dautaua i nam doronhohov be nasav hovi tehe alun Kraes lol hano tehe take be nas haḡo binihiv wasi kadogaha, kun vataha mahavana, be nav seserai gaivuanan Kraes lol rahuku teti lol ureure, mwa dovon̄ai be nav togo sa nai mate.

Filipae 1:20 ပူးပေါင်းရင်းမြစ်များ

Leo Tavuha gabe Jon nu Ravae 21:19

(Huria be mwa bevea kungeki, Jisas mwa dugu halana kunhanigi be Pita vi mate be ihan God vi roroa.) Haḡe Jisas mwa bevea lalainia be, “Huriau!”

Lalaḡova 20:24

Take nam binihi rahuku kun be ginau vuroi n̄an vwate lalaiau siboku; ita noḡu doroniva n̄ano be tatan̄an lalaḡova be inau alolona mai noḡu rovoga gabe Ratahigi Jisas nu horau huria vi hara harai, be nav seserai Roroi Tavuha huri hogoi non God.”

Lalaḡova 21:13

Take mwa bwaliura be, “Gim lol havanau, gim haharigi i gim lol hantai irubwiku? Nam lin̄ muleiau siboku, mwa hav vora te huria be ramen vauhiau Jerusalem, take huri be namen mate aia la ihan Ratahigi Jisas.”

Lalaḡova 4:31

Haḡe mahavana be ram dataro vuvuri ute be ram ḡoḡo aia mwa rihu. Kera duluai ram masiri gin Vui Sabuga i ram dau bwatuna ram seserai lua avoana non God gin muramura.

Ravrava non Pol lalai ata Rom 12:1

Bwatuna higea, ira tua nu tau bwatuna be God nu lol seserai non hahagavi lalai gida, nam bevea lalainigo be gov lai rahumwa kun gabe hogoi rahu lalainia. Nom hogoi vi vora lalai God n̄ano i vi lol samsamwarainia, kea gabe hala sabuga lalainigo huri gogonaiana.

Ravrava non Pol lalai ata Rom 5:5

I doronhohov geki sihav lol te dum lolhoro lalai gida, bwatuna be God nu salil non doroniva be vi vamasiri irubwida. Kea nu lai non doroniva lalai gida sivi non Vui Sabuga, gabe God nu laia lalai gida.

Ravrava non Pol lalai ata Rom 6:13

Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

Ravrava non Pol lalai ata Rom 6:19

Nam lolia la hala geki, huribe nu ririhai lalainigo be gov iloe. Amua gon lin̄ vatahanan rebehimwa be rai vora turin vuro i ginau hantai; gom dogo n̄ano huri ginau hantai. Kunia mulei gon lin̄ muleinigo gi turin ginau vavtutu. I vuvuri gov togo n̄ano huri God.

Ravrava non Pol lalai ata Rom 8:19

Ginau duluai be God mwa lolia mwa hohovi mai samwarana be God vi lol seserai lalai ira nituna sarisarina mwasigi.

Ravrava non Pol lalai ata Rom 9:33

Kunia be nu ravana lol ravrava sabuga be: “Nav tau alolon Jerusalem vatu vwate be vi lol atatu rav taturai, vatu be vi lolira rav hovi. Atatu te ihei be vi vinihi mwasiginia sihav busbusi te dumwi.”

1 Korin 15:31

Nav habwe mateana ḡaoḡao. Kea mwasigi, ira tuaku, nam samsamwara gin kimiu, huribe rahuda utegaituvwa lol Kraes Jisas nonda Ratahigi.

1 Korin 6:20

bwatuna be God nu tavwego gin volimwa la tovtovo i kunia gov gogonai God gin rebehimwa.

1 Korin 7:34

i binihina mwa hurin hala gairua. Vavine sage daulato be mwa hav lagi tehe kea mwa lol rovoga hahavwani huri God. Mwa doronbe vi sabuga lol rebehi i lol vui. Take vavin lagi mwa lol rovoga hahavwani huri ginau ata lol ureure, huribe vi lol doroniva non ahoana.

2 Korin 10:8

Mwasigi be gam sasagerega huri roron̄o be Ratahigi nu laia lalai kamai. Take roron̄o geki be vi voha kimiu giv hamai amare, si hav wehi te kimiu vai ata, i nasav busbusi tehe.

2 Korin 3:12

Geki nomai doronhohov, gam hav matagu tehe.

2 Korin 4:10

Gam datal mateanan Jisas lol rebehimai sibomai huri be rahun Jisas vi gitan dumwi alun rebehimai.

2 Korin 5:15

Kraes nu mate huri atatu duluai, be kera be ram rahu rasav togo te hurira sibora tagaro. Kraes nu mate hurira i nu tomare mulei nin mateana huri be rav rahu huria.

2 Korin 7:14

Nan av ravravwega lalai Taetus huri kimiu, i kimiu gin seserainia be nam bev mwasigi. Ginau duluai be gan vevea lalai kimiu nu mwasigi, i kimiu gin dovon̄ainia be havanau be gan av ravravwega huria lalai Taetus huri kimiu, i kimiu gin seserainia be nan vev mwasigi.

2 Korin 7:4

Nam ron̄oe mwasigi huri kimiu be nam sasagerega huri kimiu. Gim lai lol maḡemu lalaiau, i lol nomai taro ririhai duluai, gan lai samsamwara gaivua.

Filipae 1:14

Bwatuna be inau lol imwa vauvauhi, ira binihimwasigi ivusi ram mai gi atat garogaro lol Kraes i ram hav matagu tehe be rav seserai avoana non God.

Filipae 2:17

Nomiu binihimwasigi garagusi mwa lol kimiu gim lin̄ rahumiu kun be tataroi lol rovoga lalai God. Nam lai mwasin dagaku mai nomiu tataroi tuntun, nav ron̄ mwandavuha i nav masiri lol samsamwara gin kimiu duluai.

Kolosi 1:24

Nam samwara lol noḡu taro ririhai hurigo. Huribe nam ron̄ḡagarasi lol rebehiku huribe namen lol nogonogoi ron̄ḡagarasi non Kraes. Ginau rituai abena be Kraes mwa ron̄ ḡagarasi sivi rebehina, gabe uloilua.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

1 Pita 4:16

Take kebe gom ron̄ ḡagarasi bwatuna be giḡo atatun Kraes, gosav busbusi tehe. Gov uloi roron God bwatuna be gom saga iha gea.

1 Jon 2:28

Ira nituku, giv tu wasigi alun Kraes i mahavana be kea vi tabagilu, tav tu wasigi i tasav mom hili tehe mai nonda busbusiana.