Filipae 1:17 - Hano Niu Testamen

¹⁷ Take kera rituai ram doretore huri Kraes gin bugurana i binihiv bahala, ram doron be rav lolia vi ririhai lalaiau lol imwa vauvauhi.

Filipae 1:17 ပူးပေါင်းရင်းမြစ်များ

Leo Tavuha gabe Luk nu Ravae 21:14

Giv lol vatuvwai binihimiu amua nin mahavana vi mai huri be gisav binbinihi te huri hava avoana gabe giv vwaliura ginia;

Lalaḡova 22:1

“Ira tuaku mai ira tata, giv ron̄oau mahavana be nam bev lua noḡu avoana lalai kimiu!”

Lalaḡova 26:1

Akiriba mwa bevea lalai Pol be, “Nu tavuha be gov avo hurigo sibomwa kadogaha.” Haḡe Pol mwa hagai limana amare mwa bevea be:

Lalaḡova 26:24

Haḡe mahavana be Pol mwa avo huria sibona kun geki, Vestas mwa haharigi aluna mwa bevea be, “Giḡo taltaleana, Pol! Nom hiḡehiḡe huri iloute gaivua mwa loligo gom daltale!”

Ravrava non Pol lalai ata Rom 2:8

Ta atatu rituai ram binihi sagera. Ram barihai didi huri mwasigi i ram huri lete. God vi lai lalainira non vevegi i lolhoro.

Filipae 1:18

Take gaituvwa n̄ano. Muan ginau kea be lol hala duluai, be huri vavtutu binihiv vahala, kera ram doretore huri Kraes. Haḡe nam ron̄ mwandavuha, i nav ron̄ mwandavuha rahurahu.

Filipae 1:7

I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

Filipae 2:3

Batena be gim lol ginau gisav lolia tehe gin bugurana sa binihiv sage be vi tomuai kimiu. Hala kun geki, giv haḡo binihiv bahivoi i giv lai binihi marahi lalai atat dodolua liua be huri kimiu sibomiu.

1 Timoti 2:7

Ran gita luau be nai vora hala be nav vagahi ira Lolobon̄i be rav binihimwasigi garagusi i rav ilo mwasigi. Nam hav tentene tehe; ta nam bev mwasigi!

2 Timoti 2:9

i nam ron̄ ḡagarasi bwatuna Roroi Tavuha, i kadogaha ram bauhiau gin gao talai kun atatun wehi surai. Take silo vagahi non God kea mwa hav togo tehe lol imwa vauvauhi.

2 Timoti 4:16

Muan taro be nan bwalo ḡoroau siboku, tuara vwate mwa hav turau tehe; kera duluai ran romaragai niniau. Nam dataro be rav lai binihi kaburai.