Filipae 1:15 - Hano Niu Testamen

¹⁵ Mwasigi be kera rituai ram doretore huri Kraes bwatuna be ram binbinihi hantai i ram binbinihi lavoa, take rituai ram doretore huri Kraes bwatuna be ram doron be ramen bului,

Filipae 1:15 ပူးပေါင်းရင်းမြစ်များ

Matiu 23:5

Ginau gabe ram lolia, ram lolia n̄an be atatu ramen gitara. Gim ḡita tan̄ vavagaha huri udun Ravrava Sabuga gabe ram bauhia la rera i la limara be lalavoa maragai. I gim ḡita ḡereḡeren gaisagara be n̄an̄ava maragai.

Lalaḡova 10:36

Gim ilo roroi gabe nu horae lalai sinombu ira Jius, nu seserai lua Roroi Tavuha huri tamwata sivi Jisas Kraes, kea Ratahigi ḡoro atatu duluai.

Lalaḡova 11:20

Take, ira binihimwasigi rituai ata Saipras i Sairini, ram bano vai Antiok ram bev lua roroi lalai ira Lolobon̄i, i mulei ram be Roroi Tavuha lalainira huri Ratahigi Jisas.

Lalaḡova 5:42

Haḡe vataha gubwen̄i lol Imwa Tataro i lol imwan vataha atatu ram doretore, i ram bagahi rahurahu i Roroi tavuha non Jisas Wani Vurai.

Lalaḡova 8:35

Haḡe kunia Vilip mwa dau bwatuna mwa avo, mwa bwativugainia alun tavihen leo tavuha geki, mwa bevea lalainia alun Roroi tavuha huri Jisas.

Lalaḡova 8:5

Vilip nu vano lol muan bwatutun vanua ata Samaria i mwa doretore huri Wani Vurai lalai sinombu aia.

Lalaḡova 9:20

Kea mwa bano vai lol imwa tataro gaivua mwa doretore mwa bevea be Jisas kea nitun God.

Ravrava non Pol lalai ata Rom 2:8

Ta atatu rituai ram binihi sagera. Ram barihai didi huri mwasigi i ram huri lete. God vi lai lalainira non vevegi i lolhoro.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

1 Korin 13:3

Take mai ginau n̄oto geki, lolotabetabe sigai, kea inau ginau vuroi n̄ano. Nav lai n̄oto hano be noḡu, i nav lai rebehiku kun gabe hogoi be vi tunuana. Take ginau n̄oto vwaina vi vora sigai huribe lolotabetabe sigai.

2 Korin 1:19

Nitun God, Jisas Kraes, kea be Sailas i Timoti i inau nan toretore lalai kimiu nu hav vora te uwe i sigai. Lol Kraes kea uwe n̄ano.

2 Korin 11:13

Kera gea ram hav vora te mwasin ira hala take kera atatun rovoga be ram dentene. Ram leahira sibora gitanara kun be ira hala non Kraes.

2 Korin 12:20

Nam binihi gairuruai be batena be nai mai, berevai gim hav vora te kunia be nam binihia be vi vora kunia, i inau nasav vora te atatu kunia be gin doroniau be nai vora kunia. Nam hen binihi gairuruai alolomiu be sigai ta vigaigaiana, binbinihi hantai, lolhoro, bwaloana, bugurana, avoan bibili, hun̄ahun̄a, binihiv sage, i vi len̄len̄aga.

2 Korin 4:5

Gam hav toretore te huri kamai sibomai, take gam doretore be Jisas Kraes kea Ratahigi i kamai nomiu atatun rovoga huri Jisas.

Kelesia 2:4

Gam bev ginau vahala geki bwatuna be atat binihimwasigi tentene rituai ran mai dahuligi lol nomai tatan̄ana. Ran mai kun gabe atat gita surai be ramen tul burigai mwasigi lol Kraes Jisas. Ran doron be ramen lol kamai i ira turin rovoga.

Filipae 2:3

Batena be gim lol ginau gisav lolia tehe gin bugurana sa binihiv sage be vi tomuai kimiu. Hala kun geki, giv haḡo binihiv bahivoi i giv lai binihi marahi lalai atat dodolua liua be huri kimiu sibomiu.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.