Filipae 1:13 - Hano Niu Testamen

¹³ Ira radaiḡoro imwan ratahigi lavoa i kera gaitutuvwai duluai ram iloe be nam dogo lol imwan vauvauhi bwatuna be inau atatun rovoga lol Kraes.

Filipae 1:13 ပူးပေါင်းရင်းမြစ်များ

Lalaḡova 26:29

Pol mwa bwaliua mwa bevea be, “Mahavana vwelvwele sage n̄ava, take noḡu tataro lalai God be giḡo i kimiu duluai gabe gim roron̄taiau garigi giv vora kuniau, i nam hav doron tehe be giv vora atat vauvauhi!”

Lalaḡova 26:31

ram bano, i ram avo mwa ginginira sibora ram bevea be, wani gea nu hav lol te ginau hantai vwate huri be nu dadariha be vi mate sage vi vauhi huria.

Lalaḡova 28:17

Atagun gubwen̄ gaitolu Pol mwa uloi ira tomuai non ira Jius avare i mwa haḡo ḡoḡoana maira. Haḡe mahavana be ram haroro vuvuri mwa bevea lalai nira be, “Ira tua kimiu ata Israel, son̄o be nan hav lol te ginau hantai vai alun nonda sinombu sage alen̄an vanuanda be tav laia nin ira sibida, i ram dauau lol imwa vauvauhi lol vanua Jerusalem vuvuri ram lin̄iau la limara ata Rom.

Lalaḡova 28:20

Haḡe bwatuna gea nam uloi kimiu be nav gita kimiu, i nav avo lalai kimiu. Bwatuna be ram bauhiau gin gao talai, huri varahu gea be gida ata Israel tam dau nonda doronhohov aluna.”

Ifisas 3:1

Huri ginau geki, inau Pol atat vauvauhi huri Kraes Jisas huri kimiu ira Lolobon̄i, nam dataro lalai God.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Ifisas 6:20

Nan mai be nai vev lua Roroi Tavuha, i nam lolia kadogaha teti lol imwa vauvauhi. Giv tataro huriau be lol taro be nai vev lua Roroi Tavuha nasav avo tehe gin mataguana, take nav tu wasigi.

Filipae 1:30

Batena be nan togo mai kimiu gin gita taro ririhai be nu tu lol mataku, i gin ron̄oe huri taro ririhai be mwa du lol mataku kadogaha. Kimiu sinombu gim habwe taro ririhai gea.

Filipae 1:7

I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

2 Timoti 2:9

i nam ron̄ ḡagarasi bwatuna Roroi Tavuha, i kadogaha ram bauhiau gin gao talai kun atatun wehi surai. Take silo vagahi non God kea mwa hav togo tehe lol imwa vauvauhi.