Filipae 1:11 - Hano Niu Testamen

¹¹ be giv lol ginau tavuha ivusi mai buluiana non Jisas Kraes be vi lai roroa i avkari lalai God.

Filipae 1:11 ပူးပေါင်းရင်းမြစ်များ

Matiu 5:16

Kunia mulei kimiu giv lol seserai nomiu gigitana vi gigita la lolmatara atatu, be rav gita batoi nomiu lalaḡova tavuha. Haḡe rav siv uloi roron Tamamiu atamare.

Leo Tavuha gabe Jon nu Ravae 15:16

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

Leo Tavuha gabe Jon nu Ravae 15:2

Mwa dai n̄andu rarana duluai niniau gabe ram hav vwavwae tehe, i mwa bagaha rarana duluai gabe ram bwavwae, huribe vi melmelo tavuhai ba bwaevwae bilin̄ai.

Leo Tavuha gabe Jon nu Ravae 15:8

Mwa seserai sarisarin Tamaḡu aluna be gim bwaevwae bilin̄iai; i la hala geki gim mai gi noḡu roron̄tai.

Ravrava non Pol lalai ata Rom 15:28

Ataguna be nan iloe, huri ira Jius ran lai mwane be nu laiana hurira, nav lin̄ia huri ute Spen, nav togo ba barahi sera kimiu.

Ravrava non Pol lalai ata Rom 6:22

Ta kadogaha gom du dagai nin vuro i gom mai gi turi non God. Geki mwa lai rahuana lalainigo huri God n̄ano, i geki mwa lai rahuana lalainigo vai tuai.

1 Korin 10:31

Mwasigi n̄ano be, gom ḡan ginau, sage gom lol hano tehe, gom lolia duluai huri sarisari non God.

2 Korin 9:10

God be mwa hogoi biri huri rivu i bereti be vi ganiana, vi laia lalainigo biri duluai be gom doronia i mwa lolia mwa mauri be vi vora harahara gaivua nin nomiu lolotavuha.

Ifisas 1:12

Gida haḡea muan sinombu be tan tau nonda doronhohov alun Kraes, i nu gita lua gida be tav lai roroai lalai God sabuga.

Ifisas 1:14

Be Vui Sabuga kea mwa seserainia be tam lai havanau be God mwa lai ribwesiva be nu haraharai lalainira be bilana be men lai roroai lalai sarisarin God.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 5:9

Gigita mwa lai mwasin lalan̄an tavuha duluai, i togoan vavtutu i mwasigi.

Filipae 4:17

Mwasigi be barabe hurira be nam doron be nav lai hogoi nin kimiu, take nam doron be kimiu giv lai vatavuha nin nomiu hogoi.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 1:6

Lol ute duluai lol ureure, Roroi Tavuha gea mwa lon̄ahi ute n̄oto lol ureure. Roroi Tavuha geki mwa lai vatavuha vataha ute lol ureure, kun vatavuha be nu mai alumwa lol muan gubwen̄i be gon ron̄oe huri hogoi non God. Kadogaha gom iloe ginau n̄oto i mwasigi huri hogoi non God.

2 Tesalonaeka 1:12

Gam dataro duluai kun geki huribe ihan ratahigi Jisas Kraes vi sarisari alolomwa, i giḡo gov lol roroai ihana. Sarisari gea mwa mai nin hogoi non nonda God i ratahigi Jisas Kraes.

Taetas 3:14

Nonda sinombu ran huhuinia be rav lai rahura huri lalaḡov tavuha be mwa lai havanau huri nora togoan tavuha be sihav hantai tehe.

Hibru 12:11

Gida tam iloe huba, be God mwa bevegi atatu vwate, silo vevegi gea sihav lol te atatu gea be vi ron̄ mwandavuha, take vi lolia vi ron̄ mwahantai. Take ataguna kera gabe God mwa bevegira, be men vavtutuinira, rav habwe vwain non silo vevegi. I la lolmatan God rahura vi togo bavtutu i vi togo tamwata.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

1 Pita 4:14

Lol taro be atatu rav vev avoan hantai hurigo bwatuna be gom huri Kraes, giḡo gom lai vatavuha, bwatuna sarisarin vui, vui non God, mwa dogo maigo.