Filimon 1:9 - Hano Niu Testamen

⁹ Take bwatuna be nam dabego, loloku mwa hahavwani hurigo. Inau Pol, gabe bwatmetue kadogaha mulei inau atat vauvauhi huri Kraes Jisas,

Filimon 1:9 ပူးပေါင်းရင်းမြစ်များ

Ravrava non Pol lalai ata Rom 12:1

Bwatuna higea, ira tua nu tau bwatuna be God nu lol seserai non hahagavi lalai gida, nam bevea lalainigo be gov lai rahumwa kun gabe hogoi rahu lalainia. Nom hogoi vi vora lalai God n̄ano i vi lol samsamwarainia, kea gabe hala sabuga lalainigo huri gogonaiana.

2 Korin 5:20

Gam bora horata be gai vevuri huri Kraes. Kea kun be God mwa uloi kimiu sivi kamai. Kamai gam avo huri Kraes: batena be gam hudali kimiu be giv to lol tamwata mai God.

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

Kelesia 3:26

Kimiu n̄oto gin garuhisabuga lol Kraes, i gin saga kimiu gin Kraes. Geki gin binihiva be kimiu duluai ira nitun God sivi binihimwasigi garagusi lol Kraes Jisas.

Ifisas 3:1

Huri ginau geki, inau Pol atat vauvauhi huri Kraes Jisas huri kimiu ira Lolobon̄i, nam dataro lalai God.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Ifisas 6:20

Nan mai be nai vev lua Roroi Tavuha, i nam lolia kadogaha teti lol imwa vauvauhi. Giv tataro huriau be lol taro be nai vev lua Roroi Tavuha nasav avo tehe gin mataguana, take nav tu wasigi.

1 Timoti 1:12

Nam avkari Kraes Jisas nonda Ratahigi, kea nu lai hui wasi lalaiau, bwatuna be kea mwa butu aluku i nu lai rovoga lalaiau be nav lol rovoga lalainia.

Taetas 2:2

Gov vagahi ira atat metuaga be rav togonainira sibora, lol binihi marahi, lol mataisao, lol binihimwasigi garagusi, lol lolotabetabe i lol alen̄ara.

Hibru 13:19

I nam doron maragai be kimiu giv tataro be nav siro dum kimiu mulei vilvilehi.

1 Pita 2:11

Ira tuaku, kimiu gin ḡun atat mai i tausala lol ureure geki. Nam doron be giv lin̄ ginau hahantai be rebehimiu mwa doronia be vi lolia be mwa bwalo vai alun vui rahu.