Filimon 1:22 - Hano Niu Testamen

²² Ginau mulei vwate gov lol vatuvwai vwavwana vwate huriau be nav togo aia, bwatuna be nam doronhohov be God vi vwaliu nomiu tataro i nav mai dumwi vai abemiu.

Filimon 1:22 ပူးပေါင်းရင်းမြစ်များ

Lalaḡova 27:24

mwa bevea be, ‘Pol gosav matagu tehe! Take goi vano ba du lolmatan Sisa. I God mwa samsamwara be vi varahu rahura be gim lago bulu.’

Lalaḡova 28:23

Haḡe ram dov mahavan gubwen̄i mai Pol, i ataguna sinombu gaivua gabe tavalura ram mai lol gubwen̄i gea vai lol ute be Pol mwa dogo aia. Haḡe Pol mwa dugu halana lalainira huri rani duluai vaivotu mwa bon̄i. Mwa bevea huri rahuan gara gabe God mwa bora ratahigi ḡoro non sinombu alolona. Kea mwa dogo mwa avo alun Silo non Moses mai ira atatun vevsera huri be vi ravara rai mai gi atatu non Jisas.

Ravrava non Pol lalai ata Rom 15:24

Nan doronhohov be nav mai abemiu la halaku be nav vano vai Spen. Ataguna be nan ron̄ mwandavuha mai kimiu, Nan doron be giv buluiau mai halaku.

2 Korin 1:11

I kimiu giv bului dum kamai gin nomiu tataro. Vuvuri sinombu ivusi rav lai avoan avkari huri kamai huribe God mwa batavuhai kamai bwatuna be alun nora tataro ivusi.

Filipae 1:19

Bwatuna be kimiu gim dataro huriau i vui non Jisas Kraes mwa buluiau, nam iloe be taro ririhai uhu vi lai lalaiau noḡu ribwesiva.

Filipae 2:24

Nam binihimwasigi be Ratahigi vi buluiau be nai mai vai abemiu barabe vi n̄ava.

Hibru 13:19

I nam doron maragai be kimiu giv tataro be nav siro dum kimiu mulei vilvilehi.

Hibru 13:23

Kadogaha giv ilo didininia be nonda buluana Timoti nu mwalue huba nin imwa vauvauhi. I be kea vi votu teti vilvilehi. Nav laia maiau mahavana be nai mai be namen varahi ron̄ kimiu.

Jemes 5:16

Nu tavuha be giv vev lua vuromiu gaitutuvwai lalai kimiu gaitutuvwai, i giv tataro lalai kimiu gaitutuvwai i God vi varahu kimiu. Batena be atat binihimwasigi mwa dataro, tataro gea nu muramuraga maragai.

2 Jon 1:12

Inau nam dogo mai ginau ivusi be nav ravae lalainigo, take nam hav doron te didi lolia la pepa mai uli; ninia gea nam doronhohov be nav mai abemwa, i nav avo lolmatamwa i giḡo lol mataku bwatuna be tav masiri gin samwarana.

3 Jon 1:14

Nam binibe nav gitago si hav n̄ava tehe i nav avo maigo be tav gitagita gida.