Filimon 1:17 - Hano Niu Testamen

¹⁷ Be giv gitau kunbe inau tuamiu lol rovoga, giv laiḡogo Onesimas kunia n̄ano be giv lai ḡoḡoau.

Filimon 1:17 ပူးပေါင်းရင်းမြစ်များ

Matiu 10:40

“Ihei tehe be vi lai ḡoḡo kimiu, mwa lai ḡoḡoau. I ihei be mwa lai ḡoḡoau, mwa lai ḡoḡoe gabe mwa horau.

Matiu 18:5

Be ihei tehe mwa lai ḡoḡo naturigi kungeki lol ihaku, mwa lai ḡoḡoau.

Matiu 25:40

Haḡe inau Ratahigi Lavoa nai vwaliura be, ‘Nam bev mwasigi lalai kimiu be, gin lolia kunia lalai tuaku vwate gabe tirigi ninira tuaku duluai, kun gabe gin lolia lalaiau siboku.’

Lalaḡova 16:15

I ataguna be kea mai sinombu duluai ata la imwana ram lai garuhisabuga, kea mwa ware kamai mwa bevea be, “Gin mai ba dogo alolon imwaḡu be gim binihia be inau atat binihimwasigi alun Ratahigi.” I kea mwa ḡaroinia alumai mwa lolia gam haroro lol imwana.

2 Korin 8:23

Kadogaha huri Taetus kea vwaliuku, kea mwa lol rovoga bul maia be vi bului kimiu. I huri ira tuada rituai ram matu nin ira binihimwasigi, i ram lai sarisari lalai Kraes.

Ifisas 3:6

Geki haḡea ginau dahuligi gea: be sivi Roroi Tavuha, ira Lolobon̄i rav bulu mai ira Jius lol vatavuha non God. Kera bilan rebehi n̄an gea, i ram bulbulu utegaituvwa lol tatauleo be God mwa lolia lol Kraes Jisas.

Filipae 1:7

I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

1 Timoti 6:2

Ira turin rovoga be nora ratahigi i ira binihimwasigi rasav binihi te marahinira hivhivo huri be kera atat binihimwasigi. Rav lol rovoga lalai nora ratahigi vi tavuha liu, bwatuna be ram bului ira binihimwasigi be ram dabera. Gov vagahi i gov toretore huri ginau kera geki.

Filimon 1:10

Loloku mwa onda hurigo, huri nituku Onesimas, gabe nu vora nituku mahavana be inau nan togo lol imwa vauvauhi.

Filimon 1:12

Inau nam hora muleinia lalainigo, nam hora mwasin irubwiku bulmaia.

Filimon 1:18

Be nu lol ginau tehe nu vahala lalai kimiu sage nu haḡo te hano nin kimiu, giv taua gea aluku.

Hibru 3:1

Ira tuaku mai ira hogosiku, God nu uloi lua gida huba. I Jisas kea atatu vwate be God nu uloi luae, be vi vora hala i muai Tataroi lalai gida be tam haḡo binihimwasigi garagusi.

Hibru 3:14

I gida duluai tam bulu alun rovoga non Kraes la bwativuna huri be tav haḡo te dum alun udun tatauleo non God vai votui nogonana.

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

1 Pita 5:1

Kadogaha nam do mai ginau vwate be nav vevea lalai ira bwatmetue lol nomiu vatugigi. Inau mulei nam bora bwatmetue. Nan gita ron̄ ḡagarasi non Kraes duluai, i nav bete lol sarisari be vi seserai nia lalai gida. Nam hudali kimiu mulei,

1 Jon 1:3

Gam bev ginau lalai kimiu be gam ron̄oe i gam ḡitae. Huria be kimiu giv bulu mai kamai lol rahuana. I gam bulu maia lol Tata i mai Nituna Jisas Kraes.