3 Jon 1:8 - Hano Niu Testamen

⁸ Haḡe tav bului atatu Kunia; lol taro be tav lolia, tam bulbulu lol nora rovoga huri mwasigi.

3 Jon 1:8 ပူးပေါင်းရင်းမြစ်များ

Matiu 10:14

Mwandavuha atatu la imwa sage la vanua rituai rasav lai te ḡoḡo kimiu i rasav ron̄ te silomiu, kunia giv lol dovon̄a lalainira. Giv derai ute gea, giv darudaruai kaburai taniavun bwalagemiu.

Matiu 10:40

“Ihei tehe be vi lai ḡoḡo kimiu, mwa lai ḡoḡoau. I ihei be mwa lai ḡoḡoau, mwa lai ḡoḡoe gabe mwa horau.

Leo Tavuha gabe Luk nu Ravae 11:7

Take nom buluana si vwaliugo nin alolon imwa be, ‘Gosav lol te bidoiau! Gatava nu goro huba, i ira nituku maiau gam maturu huba. Nasav tomare tehe be namen lai ginaganiana lalainigo.’

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

2 Korin 8:23

Kadogaha huri Taetus kea vwaliuku, kea mwa lol rovoga bul maia be vi bului kimiu. I huri ira tuada rituai ram matu nin ira binihimwasigi, i ram lai sarisari lalai Kraes.

Filipae 4:3

I nam hudali kimiu, ira tuaku be gin masiri gin binihimwasigi, giv bului ira vavine uhu. Kera ram lol rovoga buluiau be ramen vev Roroi tavuha, kera mai Klemen i rituai mulei be ram lol rovoga maiau, ihara nu ravana lol bukan rahuana.

Kolosi 4:11

Josua, gabe mwa uloiana be Jastas, mulei mwa lai non avoan helheloi lalai kimiu. Kera n̄ano ira atat binihimwasigi la varan Israel be ram lol rovoga maiau huri ute ratahigi non God, i kera ran vora gitaḡoro lalaiau.

1 Tesalonaeka 3:2

I nav hora Timoti vai abemiu. Timoti, kea tuamai mwa lol rovoga mai kamai huri God i mwa bului kamai be gai vevea lalai sinombu huri Roroi Tavuha huri Kraes. Gam horae be vi vamuramura i vi avdura kimiu lol nomiu binihimwasigi garagusi,

Filimon 1:2

lalai Abia, kea hogosida; i lalai Akibas kea atatun rovoga bul mai gida; i lalai uloilua be mwa ḡoḡo bulbulu lol imwamiu:

Filimon 1:24

I Mak mulei, Aristakas, Dimas, i Luk, kera be ram lol rovoga bulmaiau ram hora nora avoan helheloi.

3 Jon 1:10

Batena be nav mai nav avo huri hano be Diotreves nu lolia huri kunhanigi be mwa dentene i mwa lol ginau hantai huri gida. Take geki barabe nu dadariha huria, kea barabe vi dame huri ira atat binihimwasigi be rav mai, mwa du ḡorora mulei be ram doronbe ramen laira, i mwa lol ron̄oe be men tau dagainira nin uloilua.

3 Jon 1:7

Ram dau bwatun rovoga mwa mwalue lalai Kraes, i ram hav dame tehe la ginau Vwate nin atatu be vorate mwa binihimwasigi.

3 Jon 1:9

Nam rav ginau Vwate lalai uloilua, take Diotreves, mwa doron be vi vora nora tomuai, mwa hav roron̄tai te Kamai.