3 Jon 1:11 - Hano Niu Testamen

¹¹ Tuaku gosav huri te havanau be nu hantai; gov huri hano be nu tavuha. Atatu be mwa lalaḡo tavuha kea bilan God. Take atatu be mwa hav lalaḡo te tavuha mwa hav ilo te hohoi God.

3 Jon 1:11 ပူးပေါင်းရင်းမြစ်များ

Leo Tavuha gabe Jon nu Ravae 10:27

Bilaku sipsip ram ron̄ dum siloku; nam ilora, i ram huriau.

Leo Tavuha gabe Jon nu Ravae 12:26

Ihei tehe mwa doron be vi lalaḡo lalaiau vi huriau, huribe noḡu atatun rovoga rav huriau halabehe tehe nai van. I tamaḡu vi vinihi marahi ihei tehe be vi lalaḡo lalaiau.”

Leo Tavuha gabe Jon nu Ravae 3:20

Ihei tehe gabe mwa lalaḡo hantai kea mwa barihai gigita i sihav dalin̄oro tehe vai lol gigita, bwatuna mwa hav doron tehe be non lalaḡov hantai vi maserasera.

1 Korin 11:1

Giv huri maleleku kunia be nam huri malelen Kraes.

1 Korin 4:16

I nam hudali mutai kimiu be giv lin̄ mulei kimiu ba huri maleleku.

Ifisas 5:1

Kimiu ira nitun God gabe mwa dabe kimiu, i giv lol ron̄oe be giv vora kunia.

Filipae 3:17

Ira tuaku, kimiu duluai gis lol ron̄oe be giv huri maleleku i be giv lolia kunira be ram dogo la hala be gan seserainia lalainira kunia.

1 Tesalonaeka 1:6

I kimiu gin mai kun kamai i kun God. Gin ron̄ ḡagarasi maragai, take gin dame ḡoro silo vagahi gin samwarana be mwa mai nin Vui Sabuga.

1 Tesalonaeka 2:14

Ira tuaku, nomiu rovoga huba kun ira atat non God ira binihimwasigi lol Kraes Jisas be ata Judia. Gin ron̄ ḡagarasi huri sinombu ata lol mwasin vanuamiu, kunia be ran ron̄ mwahantai, ginira ira varan ira Jius.

2 Timoti 3:10

Take giḡo gon huri hano be nan vagahia, hala be nam dogo, noḡu hala. Gon huri noḡu binihimwasigi garagusi, noḡu ron̄ mwan̄ava, i lolotabetabe, i gom iloe be nan hav lin̄ia tehe,

Hibru 6:12

I gan hav doron tehe be giv bwatiḡoruga. Take kamai gam doron be giv huri alen̄ara gea be ram binihimwasigi wasigi i nora binihiva n̄an̄ava, i rav lai dum havanau be God nu tatauleo be vi laia lalainira.

1 Pita 3:11

Mwa du maragai be kea vi nogo nin ginau hahantai i vi lol ginau tavuha. Mwa du be kea vi hiḡe tamwata i vi lol rovoga huria.

1 Pita 3:13

Kebe gom binihi hahavwani be gov lol tavuha, atatu vwate sihav lol te ḡagarasigo.

1 Jon 2:29

Gim iloe huba be Jisas Kraes kea atat vavtutu. I ira hei gabe ram lalaḡo bavtutu kera ira nitun God.

1 Jon 3:10

Lalaḡova non atatu mwa seserainia be kea nitun God sage kea nitun setan. Kera be ram doron lalaḡov hantai, i ram hav tabe te ira tuara, ram hav vora te bilan God.

1 Jon 4:1

Ira noḡu buluana, gisav vinihi te mwasigi kera be ram bevea be ram haḡo Vui Sabuga, take giv haḡo ron̄ora be vui be ram haḡoe mwa mai nin God. Ira atatun vevsera tentene ivusi ram ban lol ureure duluai.