2 Timoti 4:8 - Hano Niu Testamen

⁸ Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

2 Timoti 4:8 ပူးပေါင်းရင်းမြစ်များ

Matiu 24:36

“Ihei mwa hav ilo te gubwen̄ mai mahavana be ginau kera geki rav mai, ira enjel lol ute atamare sage inau Nitun God, take tata gaituvwa n̄an mwa iloe.

Matiu 7:22

La mahavana gubwen̄ vevegi vi mai, atatu ivusi rai vevea lalaiau be, ‘Ratahigi, Ratahigi, kamai gan seserai avoana non God lol ihamwa, gam hora lua vui hantai lol ihamwa, i gam lol tagaro ivusi lol ihamwa,’

Leo Tavuha gabe Luk nu Ravae 10:12

Nam bev mwasigi lalai kimiu be, lol Gubwen̄ Vevegi God vi gita hagav vanua Sodom nin bwatutun vanua kera uhu!”

Ravrava non Pol lalai ata Rom 2:5

Ta kimiu gim bwatwasiga ta gim hav doron te didi leahi, i gim lol mulei vevegi wasi alumiu la gubwen̄i be kea vi lol lua non lolhoro. La gubwen̄i gea atatu n̄oto rav gita mwasin vevegi non God.

Ravrava non Pol lalai ata Rom 8:23

Varate ureure n̄ano, ta kamai mulei gam hohovi mai ron̄ ḡagarasi alolomai. Gam haḡo Vui Sabuga kunabe muan ginau lol tatauleo non God. I gam hohovi God be vi lol kamai gi ira nituna, gin binihiva be rebehimai rav togo melmelo nin vuro.

1 Korin 2:9

Take kunia gabe mwa bevea lol ravrava sabuga be, “Geki atatu vwate nu hav gitae tehe, i atatu vwate nu hav ron̄oe te n̄an haḡea. Atatu vwate nu hav gita te batoia havanau be God mwa lol vatuvwainia hurira be ram dabea.”

1 Korin 3:13

Nora rovoga vi visirae ute melmelo, bwatuna be Gubwen̄ Vevegi non Kraes vi lai bisirainia ute melmelo. Gubwen̄i gea gabi gea vi lol seserainia be hava rovoga haḡea be nu loliana; gabi gea vi haḡo ron̄oe i vi seserai lua non mwasigi sage non hantai.

1 Korin 9:25

Kera duluai be ram rovo lol taron rovoana, ram n̄aitai gin nora muramura be rav harav ira tuara. Tabeana gea kea ginau n̄ano ata lol ureure be mwa dogo vwelvwele n̄ano, take nonda na tabeana si hav lolian te kaburai dumwi.

2 Korin 5:2

Take kadogaha tam ron̄ mwahantai lol imwa gea. Tam doron be God vi lai tanoi gea lol ute ata amare lalai gida.

Filipae 3:11

Vuvuri nam haḡo doronhohov be inau siboku nai maragasi nin mateana.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

1 Tesalonaeka 1:10

I gim hohovi huri nitun God be vi mai nin ute atamare, kea be God Tata nu ragasia nin mateana. Kea Jisas, be nu varahu gida nin silo vevegi non God be mwasigi vi mai.

1 Tesalonaeka 5:4

Take kimiu, ira tuaku, gim hav togo tehe lol ute meto, i gubwen̄ gea sihav lol te butugai kimiu kun atat surasura vwate.

2 Tesalonaeka 2:8

I atatun vui son̄son̄o vi visirai, i ratahigi Jisas vi wehia gin mambuha be mwa mai nin bwan̄ona i vi lol kaburainia gin sarisarin non maiana.

1 Timoti 6:19

Rav lolia kunia, rav lol ḡoḡo mwasin roso hurira sibora gi bwatbwatun ara vatu vainon̄oiha. Vuvuri rav haḡo dum rahuana be mwasin rahuana.

2 Timoti 1:10

Take kadogaha mwa seserainia lalai gida gin maiana non varahuda Kraes Jisas. Nu lol kaburai mateana, i sivi Leo Tavuha kea mwa seserainia lalai gida hala be tav lai rahuana be sihav lol te kaburaiana.

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

2 Timoti 1:18

Nam dataro be Ratahigi vi hogoi non sine hagavi lalainia lol Gubwen̄i gea. Gom iloe be nu buluiau lol hala ivusi Ivisas.

2 Timoti 2:5

Mulei atatun rovoana kea mwa rovo maira be ram rovo, mwa du be vi tabe ira silo duluai. Be si hav tabe te silo, si hav hae te dum sivigi.

2 Timoti 4:1

Pol mwa bevea be, nam lai avoan wasi lolmatan God i Kraes Jisas, kea be vi harahara lalainira ran rahu radu i lalainira be ram mate huba, gin non maiana i non Ute Ratahigi.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Hibru 12:11

Gida tam iloe huba, be God mwa bevegi atatu vwate, silo vevegi gea sihav lol te atatu gea be vi ron̄ mwandavuha, take vi lolia vi ron̄ mwahantai. Take ataguna kera gabe God mwa bevegira, be men vavtutuinira, rav habwe vwain non silo vevegi. I la lolmatan God rahura vi togo bavtutu i vi togo tamwata.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

Jemes 1:12

Taro be sinombu kalkaliana mwa haḡo ron̄ora ram du wasi rahurahu, mwa du be rav samwara. Ataguna be ram seserai nora binihimwasigi God vi tavwera gin rahuana vai tuai. God nu tatauleo lalainira duluai be ram dabea.

1 Pita 1:4

Kadogaha tam hohov ira vatavuha be God mwa do maia huri ira nituna. Ira vatavuha, gabe sihav lol te dum kaburainia sage sihav lol te dum bwarebware i sihav vano te dumwi na nora ute mutai, ram dogo lol ute atamare huri kimiu.

1 Pita 5:4

I lol taro be Kraes, muai radaiḡoro, vi mai, kimiu giv lai gaisosorin bwatu sarisari be sihav vano te dumwi na gabolanana.

Visirai 1:7

Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.

Visirai 19:11

Nam ḡarere i nam ḡitae be ute atamare mwa mahavan̄i, i hos maita mwa du aia. Atatu be mwa rovo aluna mwa uloinia be, “Binihimwasigi garagusi i Mwasigi, i kea nu vavtutu vataha mahavana la non harahara sage lol mahavana be mwa bano lol bwaloana.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 22:20

Wani gabe nu vev avoan vevsera geki nu vevea be, “Nai mai n̄an darihou!” Uwe, Mwasigi, Ratahigi Jisas, mai darihou!

Visirai 4:10

ira bwat metua n̄avul gairua domwan gaivasi ram hiv bahudui vai ataa la lolmatana gabe mwa dogo la tanon togotogon ratahigi, i ram ḡogonainia gabe mwa dogo tuai vai tuai. I ram bohai gaisosorin bwatura vai ataa lolmatan tanon togotogon ratahigi, ram bevea be,

Visirai 4:4

Alun tanon togotogon ratahigi be mwa dogo huba, tanon togotogo n̄avul gairua domwan gaivasi ram du dalisia, i alun tanon togotogo gea, ira bwatmetua n̄avul gairua domwan gaivasi ram domahuri aluna gaisagara nu abwaga i gaisosorin bwatura be nu loliana gin vatan̄oga.