2 Timoti 4:5 - Hano Niu Testamen

⁵ Take giḡo gov togonainigo sibomwa vataha taro duluai. Dame ḡoro taro ririhai duluai. Gov lol rovoga be, gov toretore huri Leo Tavuha, i lol haraharai rovoga duluai be non atatun rovoga non God.

2 Timoti 4:5 ပူးပေါင်းရင်းမြစ်များ

Matiu 25:16

Atatun rovoga be nu lai dola vasan̄vul valima mwa bano, mwa lol rovoga aluna, i mwa lai dola vasan̄vul valima mulei aluna.

Leo Tavuha gabe Mak nu Ravae 13:34

Vi ḡun atatu gabe mwa ban dagai nin vanuana vai la vanua dolua hautu i mwa dari non atatun rovoga rituai be rav gitaḡoro vataha tatan̄an rovoga be mwa laia vatvatahara be rav lolia. I mwa bevea lalai wani mwa ḡitaḡoro gatava be vi mamata.

Leo Tavuha gabe Mak nu Ravae 13:37

Havanau gabe nam bevea lalai kimiu, nam bevea lalai atatu duluai be: Giv mamata!”

Leo Tavuha gabe Luk nu Ravae 12:37

Vi vora ginau samsamwara lalai ira atatun rovoga gea batena nora ratahigi mwa habwera be kera ram mamata hohovia vaivotu mwa dabagilu! Nam bevea lalai kimiu be, kea vi tagahi non koti i vi hudalinira duluai be rav to mahuri huri ginaganiana i kea vi lalaḡo lalainira.

Lalaḡova 21:8

Haḡe mwa rani gam derai ute gea gam bano vai la vanua Sisaria i gam hae aute. I gam dogo aia lol imwan Vilip gabe vagahi vwate ninira gaibitu gabe ran gita luara Jerusalem be rav bului lol rovoga non uloilua aia.

Ravrava non Pol lalai ata Rom 15:19

bwatuna, muramuran ira ginau dan̄an̄a i ginau lalavoa be ran gitae, i huribe muramura non Vui Sabuga. Nan toretore la avoan Sabuga nin Jerusalem la hala mwa dalis vanua Ilirikum, i nan nogoi doren noḡu rovoga.

Ifisas 4:11

I Kraes nu lai hogoi lalai sinombu nu lol rituai be rai vora hala, i rituai rav vora atatun vevsera, i rituai be rai vora ira toretore, i rituai be rav haḡo rovoga be ramen haḡoe ba gitaḡoro tavuhai i ba bagahi sinombu non God.

Ifisas 4:12

Kraes nu lai hogoi kera gea be men lol vatuvwai ira sinombu sabuga non God huri rovogan lalaḡova, be men lol vamuramurai rebehin Kraes.

Kolosi 1:25

Nam mai gi atatun rovoga gea kea haḡea be nai vev n̄oto rovoga non God.

Kolosi 4:17

Vevea lalai Akibas, “Gov lol ron̄oe be gov nogoi rovoga gabe God nu laia lalainigo.”

1 Tesalonaeka 5:6

Haḡe gida tasav vora te kun atat dodolua be ram maturu, take tav mamata i tav haḡo sine togonai.

1 Timoti 4:12

Gosav lin̄ te atatu be rav gita bahivoinigo huribe giḡo mwalaḡelo n̄ano, take gov vora malele lalai ira atat binihimwasigi lol nom avoana, nom lalaḡova, nom lolotabetabe, nom binihimwasigi garagusi, i lol nom togoan melmelo.

1 Timoti 4:15

Mwa du be gov lol rovoga kera gea, i gov tau binihimwa duluai vi tu wasi alun ginau kera gea, huri be sinombu rav gitae be giḡo gom ban rahurahu tavuhai lol rahumwa i lol nom rovoga mulei.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

2 Timoti 2:3

Gov bete lol taro ririhai be gam haḡoe kun atatun bwaloan tavuha non Kraes Jisas.

2 Timoti 4:17

Take Ratahigi mwa dogo maiau i mwa lai muramura lalaiau be nai vev dum duluai Leo Tavuha lalainira be ram hav vora te ata la varan Israel. Kunia be nu varahuau nin bwan̄on laeon.

Hibru 13:17

Giv ron̄ silon nomiu tomuai, i giv huri nora avoana. Ram gitaḡoro tavuhai kimiu be ram hav mambu tehe. I rav vev ginau n̄oton̄oto lalai God huri havanau be ram lolia. Be giv ron̄ silora kera rav ron̄ mwandavuha lol nora rovoga. Be gosav ron̄ora tehe kera rav ron̄ mwahantai. Ginau gea barabe vi bului dum kimiu.

1 Pita 1:13

Giv lol vatuvwai binihimiu huri rovoga i giv gitaḡoro rebehimiu. Nomiu doronhohov duluai sivora non hogoi huri vatavuha be vi vora nomiu lol taro be Jisas Kraes vi visirai abemiu.

Visirai 3:2

Mwa du maragai be giv mamata. Rahumiu vi tu wasigi rahurahu kun amua. Huria be nam habwea be havanau be gim lolia, nu hav vavtutu tehe mai noḡu God.