2 Timoti 4:3 - Hano Niu Testamen

³ Bwatuna be taro vi mai, batena be sinombu tasav mom roron̄tai tehe huri silo vagahi mwasigi. Rav huri havanau be nora doroniva mwa doronia sibora. Ram hiḡehiḡe huri ira vagahi dodolua, be ram bev ginau lalainira vataha ginau be kera ram doronia huba.

2 Timoti 4:3 ပူးပေါင်းရင်းမြစ်များ

Leo Tavuha gabe Luk nu Ravae 20:19

Haḡe ira vagahin silo mai ira muai tataroi ram lol ron̄oe be rav haḡo batugehi Jisas lol ute gea bwatuna ram iloe be kea mwa bev avoan dalogai geki hurira; take ram matagui sinombu.

Leo Tavuha gabe Luk nu Ravae 6:26

“Hagavi lalai kimiu batena sinombu ram bev tavuhai kimiu bwatuna be ira sibimiu ran lol n̄an kunia lalai ira atatun vevsera dentene.”

Leo Tavuha gabe Jon nu Ravae 8:45

Nam bev mwasigi lalai kimiu be, bwatuna higea gim hav vinihi te mwasigiau.

Lalaḡova 17:21

(Huribe kera duluai ata la vanua Atens mai ira tausala gabe ram dogo aia, ram doron be rav lai mahavana lalainira sibora ba bevea i ba roron̄tai alun ginau gara kunia.)

1 Korin 2:1

Ira tuaku mai ira hogosiku, mahavana be nan mai huri kimiu be namen toretore huri avoan dahuligi non God, nan hav vev toretore tehe gin avoan lalavoa sa avoan ririhai.

1 Korin 2:4

Ira noḡu silo vagahi mai toretore nu hav vora te gin avoana vuroi alun mataisao non atatu be men lol atatu gim matagu take gin mwasigin mataisao be Vui mwa hogoinia.

Kelesia 4:16

Kadogaha nam bora nomiu ivwalu bwatuna be nam bevea lalai kimiu huri mwasigi?

1 Timoti 1:10

Ram bulu lol bwatigoro lol rebehi, be atamwani mai atamwani sa vavine mai vavine, kera be ram surai turin rovoga, kera be ram dentene, kera be ram bev avoan tentene, i ram lol ginau duluai ḡoro silo vagahi mwasigi God.

2 Timoti 1:13

Gov huri halan mwasin silo vagahi kea be gon ron̄oe niniau lol binihimwasigi garagusi i lolotabetabe, kea be lol Kraes Jisas.

Ravrava nin Jud 1:18

Ran vevea lalainigo be, “La nogonan taro, vi vora atatu be ram manuhi God, ram huri nora doroniva sibora be nu vahala la silo non God.”