2 Timoti 3:4 - Hano Niu Testamen

⁴ Rai van burigai atatu be ram mwemwearu bulu i rav lol ginau dadaloiga be rasav lai te binihiva huria. Rav lol nora doroniv hahantai sibora, rav tabe nora doroniva sibora lol tanon God.

2 Timoti 3:4 ပူးပေါင်းရင်းမြစ်များ

Lalaḡova 19:36

Atatu vwate mwa hav lol te salil silon ginau kera geki. Haḡe kunia mwa du be nomiu binihiva vi to mahurigi, i gisav lol te hantai ginau vwate.

Lalaḡova 7:52

Matu atatun vevsera vwat sigai be ira sibimiu ran hav vev te hantainia? Ran wehi ira horata non God, gabe nu vevea huri maiana non mwasin non atatun rovoga vavtutu. I kadogaha gim bevegia i gim lol ḡagarasia.

Ravrava non Pol lalai ata Rom 11:20

Kea mwasigi. Take rara keragea ran mosi kaburai bwatuna be ram hav binihi te mwasigi, i giḡo gom ḡaroinia gom bora vatahanan bwatungai gea huria be gom binihimwasigi. Gosav rav ravwega tehe, ta gov matagu.

Ravrava non Pol lalai ata Rom 16:18

Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

1 Timoti 3:6

Take tomuai huri uloilua vi vora atat metuaga sihav vora te malaḡel vuroi lol binihimwasigi garagusi sage kea mwa hav binihi te sagea sibona huribe kea sihav hovi tehe lol gaosani non atmate.

1 Timoti 5:6

Take bwero be lol rahuna mwa lol ginau kun be mwa doron be men ron̄ mwandavuha, kea nu mate mwasigi be mwa rahu radu.

1 Timoti 6:17

Vevea lalainira be ram rosoga gin ginau ata lol ureure geki be rasav sasagerega tehe. Vevea lalainira be rav doronhohov lol God, take sihav vora te alun roso be ram len̄a. God mwa hogoi tavuhai hogoi duluai lalai gida gin samsamwara.

Ravrava nin Jud 1:19

Kera haḡea atatu be ram hara bora kimiu, atatu be binihira huri ureure n̄an geki, be Vui Sabuga sigai maira.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.