2 Timoti 3:3 - Hano Niu Testamen

³ Rasav tabe te atat dodolua, rav lol bwarebware atat dodolua, rai vora atatu be mwa bwalbwalo, i rav lololhoroga. Ram barihai ginau n̄oto be nu vavtutu.

2 Timoti 3:3 ပူးပေါင်းရင်းမြစ်များ

Matiu 10:21

“Ira huhugaituvwa rav lin̄ mulei ira tuara huri mateana. Ira tama rav lin̄ ira nitura, ira naturigi rai van burigai tamara i ratahira ba lin̄ira huri mateana.

Matiu 4:1

Haḡe Vui Sabuga mwa domuai Jisas vai la vanua vuroi be Vui hantai men lol ron̄oe.

Leo Tavuha gabe Luk nu Ravae 10:16

Haḡe Jisas mwa bevea lalai non roron̄tai be, “Ihei tehe mwa ron̄ kimiu mwa ron̄oau; take ihei tehe mwa barihai kimiu mwa barihaiau; i ihei tehe mwa barihaiau mwa barihai wani gabe nu horau.”

Leo Tavuha gabe Luk nu Ravae 16:14

Haḡe batena be ira Varise ram ron̄ ginau duluai uhu, ram sovui Jisas bwatuna be kera ram dabe homu.

Leo Tavuha gabe Jon nu Ravae 6:70

Haḡe Jisas mwa bwaliura mwa bevea be, “Matu nan hav gita te lua kimiu han̄vul domwan gairua? Take vwate nin kimiu atmate!”

Ravrava non Pol lalai ata Rom 1:29

Kera ran hogon bamasirira gin lalan̄an vuro duluai, kun hala lete, bugurana, atat varihai, ran masiri gin binbinihi hantai, wehi bamat atatu, bwaloana, tenteneana, i ram binihi hantai ira tuara. Ram hun̄ahun̄a

Ravrava non Pol lalai ata Rom 1:31

Kera ram hav lai te dum binbinihi tavuha, ram hav huri te nora tatauleo, ram hav doron te atat dolua, i ram hav hagav te dum atatu.

1 Korin 7:5

Gosav bugurai te rebehimwa be gomen hogoinia mai vwaliumwa, vaivotu be kimiru saraḡo giru vi dame haragaituvwa be giru vi togo dagai huba nin rebehin lagiana huri taro vwate; take taro gea n̄an huri tataro. I ataguna gea vi mai bulbulu mulei i setan sihav ḡal te dumwigo sibomwa bwatuna be gom bwalaunigo sibomwa.

1 Korin 7:9

Take be rasav vwalaui te dumwira sibora, mwa du be rav lagi. Nu tavuha liu be gov lagi ninia be gom onda gin binihivanan bwatigoron lagiana.

1 Tesalonaeka 4:8

Ihei tehe be mwa hav tabe te non silo vagahi, mwa hav daha te atatu, take God gabe mwa lai non Vui Sabuga lalai gida.

1 Timoti 3:11

La hala n̄an gea, ira vavine mwa du be atatu rav binihi marahinira. Kera rasav vev te bwarebware atat dodolua. Rav vwalaunira sibora, i rav binihimwasiginira lol ginau duluai.

Taetas 1:8

Tomuai wani be mwa lol vatuvwai be vi lai ḡoḡo tausala, vi tabe havanau be nu tavuha, vi mataisaoga, i vi to bavtutu, vi togo la hala be nu sabuga, vi togoinia sibona.

Taetas 2:3

Kunia n̄an mulei, goi vagahi ira vavin mituaga be rav togo lol togoana be nu sabuga lol alen̄ara

Jemes 2:6

Take gom hav vinihi te marahi ira hiru. Atatu rosoga ram domuai rahumiu tagaro. Kera haḡea ram domuai kimiu vai lol imwan harahara. Kera haḡea ram domuai kimiu vai lol imwan harahara.

2 Pita 2:14

Vataha mahavana ram ḡita vavine be ram doronia, i nora doroniva huri vuro mwa hav haraharai tehe. Ran tomuai sinombu be ran mandamanda vai lol vidin vuro, i ran Vagahi sibwen̄ira be rav doron liu. God vi vevegira!

2 Pita 2:19

Ram datauleo lalainira be rav maribwesi, take kera sibora ram hav maribwesi tehe. Kera ram bora turin rovoga huri ginau be vi lolian kaburai. Huri atatu ram bora atat vauhi huri havanau tehe be mwa domuai nira.

2 Pita 3:3

Nu tavuha maragai huri kimiu be giv ilo tavuhai havanau be vi loli lol ira nogonan gubwen̄i. Atatu rav manuhi kimiu. Kera rav rahu ba lol ira bwatigoro kun be ram doroni.

Ravrava nin Jud 1:16

Atatu kerageki ram av wasi i ram dultuli mai vai la kera dodolua, ram lol ginau vahala be ram doron be rav lolia. Ram av ravravwega hurira sibora, i ram lol alen̄ wasi maia atat dodolua be ramen lol hano be ram doronia.

Ravrava nin Jud 1:18

Ran vevea lalainigo be, “La nogonan taro, vi vora atatu be ram manuhi God, ram huri nora doroniva sibora be nu vahala la silo non God.”

Visirai 13:15

Haḡe mwa mahin̄ai gairuan ginau rahu vi mambuhai rahuana vai alolon muan ginau rahu, huria be nunun ginau rahu vi avo dumwi i non muramura abena be vi wehi bamate ira hei gabe ram hav gogonainia tehe.

Visirai 13:17

Atatu vwate sihav volvoligi te dum sage sihav salei te dum non ginau vaivotu be dovon̄a geki aluna, kea gabe ihan ginau rahu sage dovon̄a gabe mwa du kun ihan ginau rahu.

Visirai 16:6

Kera gea ram salil dagan sinombu non God mai ira atatun vevsera, i gom lai daga lalainira be rav mwinua. Ram lai vevegi huri nora vahalana!”

Visirai 17:6

Nai vev dumwia be vavine mwa wehi maragai gin wai, huribe mwa mwinmwinu alun dagan sinombu non God gabe ram lin̄ rahura huri Jisas. Ginau geki mwa lolia nam dan̄an̄a,