2 Timoti 3:16 - Hano Niu Testamen

¹⁶ Avoan sabuga duluai God nu hagainia i ran tavuha huri silo vagahi, huri be rav seserainia lalai sinombu havanau be nu vahala lol rahura, be vi vavtutui vahalana duluai, i be vi vagahi kun hanigi be atatu vi to bavtutu.

2 Timoti 3:16 ပူးပေါင်းရင်းမြစ်များ

Matiu 13:52

Haḡe mwa bwaliura be, “Geki gin binihiva be vagahin Silo gabe mwa roron̄tai huri Ute Lavoa atamare, kea kun vuigin imwa mwa lai lua ginau i maleiga nin vwavwan imwana.”

Matiu 21:42

Haḡe Jisas mwa bevea lalainira be, “Matu gim hav vasogo tehe lol Ravrava Sabuga be mwa bevea be, ‘Gai mahan̄an imwa gabe kera ran vohai kaburainia kadogaha mwa bora mwasin gain imwa. Ginau gea Ratahigi sibona nu lolia, ginau dan̄an̄a la lolmatamai!’

Matiu 22:43

Haḡe Jisas mwa bevea be, “Be kunia, huri hano Vui Sabuga nu hogoinia lalai Deved be men uloi Kraes be non Ratahigi? Bwatuna be Deved mwa bevea be,

Matiu 26:54

Take be nav lolia kunia, si hav loliana te seserai dum na avoana mwa bevea alolon Ravrava Sabuga be mwa bevea be vi vora kunia.”

Matiu 26:56

Take mwa loli kungeki be vi lol seserai avoana nora atatun vevsera be ran ravae.” Haḡe ira roron̄tai duluai ram bis dagai ninia, ram romaragai.

Leo Tavuha gabe Mak nu Ravae 12:24

Take Jisas mwa bwaliura be, “Gim bahala maragai! Gim iloe bwatuna hano? Geki bwatuna be gim hav ilo te ravrava sabuga i muramura non God.

Leo Tavuha gabe Mak nu Ravae 12:36

Vui Sabuga nu hogoinia lalai Deved be vi vevea be: ‘God Ratahigi mwa bevea lalai noḡu Ratahigi be, Gov togo la mwatuaku, vava nav tau nom ivwalu gi tanon vavarahin bwalagemwa.’

Leo Tavuha gabe Jon nu Ravae 10:35

Tam iloe be havanau be ravrava Sabuga mwa bevea kea mwasigi vai tuai; i God mwa uloi atatu kera gea be ira god, atatu kera gea gabe God mwa lai non avoana lalainira.

Leo Tavuha gabe Jon nu Ravae 3:20

Ihei tehe gabe mwa lalaḡo hantai kea mwa barihai gigita i sihav dalin̄oro tehe vai lol gigita, bwatuna mwa hav doron tehe be non lalaḡov hantai vi maserasera.

Lalaḡova 1:16

I mwa bevea be, “Ira tuaku, mwa du be Ravrava Sabuga vi visirae la halan Vui Sabuga, gabe nu avo sivi Deved, mwa bev sera huri Judas, tomuai ḡoro atatu gabe ran haḡo batugehi Jisas.

Lalaḡova 18:25

Kea nu vagahi vatuvwai ana huri Halan Ratahigi, haḡe gin non samwarana non avoana i non silo vagahi nu vavtutu maragai huri halan Jisas. Take kea nu ilo garuhisabuga non Jon n̄ano.

Lalaḡova 20:20

Gom iloe be nam hav haḡo te dau havanau be vivora buluiana lalainigo, kunia be nam doretore i nam bagahi huria lol ute bulbulu i la imwamiu.

Lalaḡova 20:27

Huri be nam hav sigi te dum ginau vwate gin kimiu gabe mwa du be nai vevea, take nav seserai ginau duluai gabe God mwa doronia.

Lalaḡova 28:25

Haḡe kunia ram bano, take ram hav dara tehe alun nora binihiva sibora ataguna be Pol mwa avo huri ginau gaituvwa geki: Pol mwa bevea be “Nu vavtutu mahaḡea be Vui Sabuga nu avo sivi atatun vevsera Aesaia lalainira ira sibimiu!

Ravrava non Pol lalai ata Rom 15:4

Ginau duluai be nu ravana tuai nu ravae be vi vagahi gida. Ravrava sabuga mwa lol gida tam lin̄ maḡemu i mwa lai avoan dura lalai gida huri be vi lol gida tav doronhohov.

Ravrava non Pol lalai ata Rom 2:20

Gom binibe gov vagahi atat dadaloiga gin hano be nu vavtutu i gov vagahi ira naturirigi. Gom haḡo silo, i gom binibe gom ilo ginau n̄oto i gom haḡo mwasigi duluai.

Ravrava non Pol lalai ata Rom 3:2

Uwe, mwasigi, mwa du lol hala duluai. Ginau be mwa du maragai haḡe geki: God mwa binihimwasigi ira vara ira Jius mai non vagahi.

Ravrava non Pol lalai ata Rom 4:23

Avoana keragea be, “God mwa dara alun binihimwasigi non Ebraham,” mwa hav ravana te huri Ebraham n̄an gahena

1 Korin 12:7

Ginau nin Vui Sabuga vi gitana lol vatvataha atatu, huri tavuha duluai.

Kelesia 3:8

Ravrava sabuga, mwa bevea huri hano be vi loli lol taro vai atagu, mwa bevea be God vi lolira be ira Lolobon̄i rav vavtutu sivi nora binihimwasigi garagusi. Roroi Tavuha geki nu veveana lalai Ebraham amua ram siv hagainia lalainia. “Kunia be ravrava sabuga mwa bevea be; Ira bwatun Vanua lavoa duluai rav lai vatavuha sivinigo.”

2 Timoti 2:25

Atatun rovoga non Ratahigi vi haḡo sine maḡemu vi vagahira gin maḡemu kera be ram bigaigai. Haḡe God vi lin̄ira rav leahi binihira be rav dame ḡoro mwasigi.

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

Hibru 11:1

Binihimwasigi garagusi kea havanau be tam doronhohov huria, tam iloe be nu mwasigi len̄len̄a be tam hav gitae tehe.

Hibru 3:7

Huri ginau gea, vi ḡunia be Vui Sabuga mwa bevea be,

Hibru 4:12

Avoana non God ginau rahu, i mwa lol rovoga, kun gabe bua mamagani, take liu nin buan bwaloana gabe mata daldali. I vi van sivigi dum lol ute be binihin atatu mai rahuna mwa bulu aia, kun gabe buan bwaloana mwa ban sivigi lol ute bulbulun hui alolon wain hui. Avoana non God vi lol bavtutui dum ginau n̄oto lol binihin atatu i ginau be atatu mwa doronia.