2 Timoti 2:9 - Hano Niu Testamen

⁹ i nam ron̄ ḡagarasi bwatuna Roroi Tavuha, i kadogaha ram bauhiau gin gao talai kun atatun wehi surai. Take silo vagahi non God kea mwa hav togo tehe lol imwa vauvauhi.

2 Timoti 2:9 ပူးပေါင်းရင်းမြစ်များ

Leo Tavuha gabe Luk nu Ravae 23:32

Haḡe ram lai atatu gairua mulei, kera saraḡo hantain lalaḡo, be raru vi mate bul mai Jisas.

Lalaḡova 21:33

Haḡe tomuai ḡoro atatun batoana mwa bano sosori Pol mwa bevea lalai atatun bwaloana be rav haḡo batugehi Pol ba bauhia gin sen gairua. I kea mwa hudaligi be, “Ihei geki, i kea nu lol havanau?”

Lalaḡova 28:31

Kea nu toretore huri Rahuan gara gabe God mwa bora ratahigi ḡoro non sinombu alolona. I nu lai silo vagahi huri Ratahigi Jisas Kraes, kea nuhav matagu tehe be men avo, i atatu sihav tu ḡoro te dum non avoana.

Lalaḡova 9:16

I inau siboku nav seserai lalainia ginau duluai be kea vi ron̄ ḡagarasi ginia huriau.”

Ifisas 3:1

Huri ginau geki, inau Pol atat vauvauhi huri Kraes Jisas huri kimiu ira Lolobon̄i, nam dataro lalai God.

Filipae 1:17

Take kera rituai ram doretore huri Kraes gin bugurana i binihiv bahala, ram doron be rav lolia vi ririhai lalaiau lol imwa vauvauhi.

Filipae 1:7

I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

Kolosi 4:18

Inau, Pol nam lai avoan helheloi lalai kimiu i nam rav avoana geki gin mwasin limaḡu. Gisav vinihi te malioi gao vatu be ram bauhiau aluna lol imwa vauvauhi. Hogoi non God vi togo maigo.

Kolosi 4:3

Giv tataro mulei huri kamai be God vi lai non mwasigi lalai kamai be gav toretore dumwi la ginau dahuligi be God nu lol melmeloinia huri Kraes. Kea haḡea kadogaha nam dogo lol imwa vauvauhi.

1 Tesalonaeka 1:8

I silo vagahi non Ratahigi God mwa bataha ute sivi kimiu, i nu vano vai Masedonia i Kris mulei, take kadogaha nomiu binihimwasigi garagusi alun God mwa iloana vataha ute. Kadogaha mwa hav tu tehe be gamen vev havanau huria.

2 Tesalonaeka 3:1

I kadogaha ira tuaku, giv tataro huri kamai be silo vagahi non God vi tu rahurahu i vi lon̄ahi vilvilehi ute i sinombu rav lol gogonai ira silo vagahi keragea, kunia be nu loli maigo.

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

2 Timoti 1:16

Nam dataro be God vi seserai sine hagavi lalai ira ata lol imwan Onesivoras, kea tagaro nu buluiau i nu hav busbusi tehe be nan togo lol imwa vauvauhi.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

2 Timoti 2:3

Gov bete lol taro ririhai be gam haḡoe kun atatun bwaloan tavuha non Kraes Jisas.

2 Timoti 4:17

Take Ratahigi mwa dogo maiau i mwa lai muramura lalaiau be nai vev dum duluai Leo Tavuha lalainira be ram hav vora te ata la varan Israel. Kunia be nu varahuau nin bwan̄on laeon.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Pita 2:14

i ira tomuai gabe Kea nu horara be rav vevegi kera be ram lol alen̄ hantai i be rav uloi roroai kera be ram lol alen̄ vavtutu.

1 Pita 3:16

take giv vwaliua gin alen̄ maḡemu i binihi marahi. Binihimiu vi melmelo huribe kera be ram bev avoan hahantai huri nomiu rahuan tavuha lol Kraes rav busbusi.

1 Pita 4:15

Gosav ron̄ te ḡagarasi huri wehi bonogai, surana, sage hava te alen̄ lete, sage bwatuna be gom lol bwarebware atat dodolua.