2 Timoti 2:25 - Hano Niu Testamen

²⁵ Atatun rovoga non Ratahigi vi haḡo sine maḡemu vi vagahira gin maḡemu kera be ram bigaigai. Haḡe God vi lin̄ira rav leahi binihira be rav dame ḡoro mwasigi.

2 Timoti 2:25 ပူးပေါင်းရင်းမြစ်များ

Matiu 11:29

Giv haḡo lua noḡu gai tatauleo vai la isibwamiu, i giv huhui ginau niniau, bwatuna inau nam maḡemu i nam do tirigi lol binihiva. I giv habwe mabuana.

Matiu 21:32

Bwatuna Jon Garuhisabuga nu mai mwa bagahi kimiu gin matanhala tavuha be giv huria, itake gim hav binihi te mwasiginia. Ta ira harahara homu maira vavin rovrovoi homu kera ram binihimwasiginia. Kimiu gin gitae, take gim hav binihi te dori huria, be gimen binihimwasiginia.”

Leo Tavuha gabe Mak nu Ravae 1:15

Mwa bevea be, “Mwasin mahavana nu votu huba i Rahuan gara gabe God mwa Ratahigi ḡoro non sinombu alolona mwa sosori! Giv van burigai nin vuromiu ba binihimwasigi Roroi Tavuha!”

Leo Tavuha gabe Jon nu Ravae 5:34

Nam hav avo te kunia gin binihiva be nam doron atatu vwate be vi vora gaituraku, take nam avo kun geki liuhage huri be giv rahu.

Lalaḡova 11:18

Haḡe mahavana be ram ron̄oe kunia, ram hav mom avte hantai vai aluna, take ram uloi roron God ram bevea be, “I mulei be God mwa lai mahavana lalai ira Lolobon̄i tanon binihi leahi i rahuana.”

Lalaḡova 2:38

Haḡe Pita mwa bwaliura mwa bevea lalainira be, “Vatvataha atatu nin kimiu duluai vi vinihi leahi nin vurona duluai i vi lai garuhisabuga lol ihan Jisas Kraes Wani Vurai, huri be vuromiu duluai vi binihi kaburaiana, i giv lai hogoi non God, Vui Sabuga.

Lalaḡova 20:21

Lalai ira Jius mai ira Lolobon̄i be rav van burigai nin vurora lalai God i rav binihimwasigi alun nonda Ratahigi Jisas.

Lalaḡova 5:21

Haḡe ira hala ram dabe avoana non enjel, ram haroro mabon̄ gaituvwa ram dau bwatuna ram bagahi. Haḡe ira muai Tataroi maira rituai ram uloi ḡoḡora bwat metua nin ira Jius huri ḡoḡoan gaivua, i kera ram hora avoana vai lol imwa vauvauhi huri ira hala be rav laira vai abera.

Lalaḡova 5:31

God nu lol domareinia vai la mwatuana kun gabe Tomuai i Varahu, be vi lai lalai sinombu ira Jius mahin̄ana huri tanon binihi leahi i, vi tugu kaburai vurora.

Lalaḡova 8:22

Gov vinihi nom taritari hantai geki, i gov tataro lalai Wani Vurai be vi binihi kaburai Vuromwa huribe gom binbinihi alun ginau kun geki.

Kelesia 6:1

Ira tuaku, be atatu vwate lol nomiu tatan̄ana mwa lol ginau vahala, giḡo gabe gom dogo lol Vui gos vano aben wani gea ba buluia ba lol bavtutu muleinia. Take giv gitaḡoro, bere gim ḡal kimiu vai lol vuro mulei.

1 Timoti 2:4

kea mwa doron sinombu duluai be rav rahu i rav ilo huri mwasigi.

1 Timoti 6:11

Take giḡo, atat non God gov romaragai nin ginau kera gea. Ninia gea, gov togo la hal vavtutu, lol rovoga lalai God, haḡo binihimwasigi garagusi, lolotabetabe, alen̄ mahuri i alen̄ maḡemu.

2 Timoti 3:7

Vavine uhu tagaro ram huhui silo vagahi gara, take ram hav haḡo te batugehi mwasigi be rav ilo halana.

Taetas 1:1

Nin Pol, atatun rovoga non God i hala non Jisas Kraes nu horau be nav huhui ira sinombu gin binihimwasigi garagusi be God mwa ḡita luara i be nai buluira be rav ilo mwasigi kea be mwa seserainia lalai sinombu kunhanigi rav lol rovoga lalai God.

Taetas 3:2

rasav vev te ginau hantai lalai ihei tehe, rav togo lol tamwata, i rav maḡemu i rav lol alen̄ vavtutu lalai sinombu duluai.

Jemes 1:17

Lalaḡov tavuha duluai i hogoi tavuha duluai ram mai nin God. Ginau tavtavuha keragea ram mai nin God be nu lol alo, vula, ira visiu, i kea mwa hav leahi tehe kun gigitan ginau keragea be ram leahi.

1 Pita 3:15

Take giv vinihi marahi Kraes kun abe Ratahigi sabuga lol lolomiu. Giv lol vatuvwai tagaro be giv vwaliu atatu duluai be ram hudaligi be giv vevea huri nomiu doronhohov,

1 Jon 5:16

Be gis gita tuada vwate be mwa buroga la hala gabe nu hantai. Giv tataro dumwi, i wani gea vi lai dum rahuana vai tuai.