2 Timoti 2:24 - Hano Niu Testamen

²⁴ Atatun rovoga non Ratahigi sihav vigaigai tehe, take vi maḡemu lalai atatu duluai, vagahi tavuha i ron̄ mwan̄ava.

2 Timoti 2:24 ပူးပေါင်းရင်းမြစ်များ

Matiu 12:19

Si hav vigaigai tehe, sage si hav ulo te amare. Si hav av te lalavoa la hal masisivigi.

Leo Tavuha gabe Jon nu Ravae 6:52

Non avoana geki mwa dau bwatun vigaigaian lolhoro bora lolora. Ram bevea be, “Wani uhu vi lai hanini vigohona lalai gida be tav gania?”

Lalaḡova 15:2

Haḡe bwatuna gea Pol mai Banabas ramuru bigaigai maira huri avoana geki, haḡe Pol mai Banabas ramuru binihi tuhi be kera bul mai ata Antiok rituai rai vano vai Jerusalem ba ḡita ira hala rituai mai ira bwatmetua huri ginau geki.

Lalaḡova 23:9

Haḡe batoana i haharigiana i batoana mwa hae amare, i ira vagahin Silo rituai gabe ram huri tatan̄ana non ira Varise ram du amare ram bev lua didini nia be: “Gasav habwe te dum vahalana alun wani geki! Bisata vui sage enjel vwate mwa avo lalainia!”

Lalaḡova 7:26

Haḡe mwa rani kea mwa ḡita ira Jius gairua be ramuru bwalo, i kea mwa doron be vi lol tamwata lol davolara. Haḡe mwa bevea lalainira be, ‘Ira tarua, giru vi ron̄oe, kimiru ira Jius saraḡo, huri hano be gumuru bwalo kungeki?’

2 Korin 10:1

Inau, Pol, nam hudali kimiu gin alen̄ maḡemu i alen̄ tavuha non Kraes. Atatu rituai ram bevea be nam lolia mwa maron̄ron̄o alumiu batena be inau mai kimiu i nam lol alen̄ wasi baten be nam do dagai.

2 Korin 10:4

Gam bwalo gin haḡohaḡon bwaloana be ureure mwa bwalo ginira. Nomai haḡohaḡon bwaloana gam haḡo muramura nin God kea be vi lol kaburai dum tanon ivwalu be nu wasi. Gam lol kaburai dum vigaigaiana ivusi,

2 Korin 6:4

Take la hala duluai gam seserainia be kamai atatun rovoga non God: aluna be gam damei ginau ririhai, i lol hal ririhai lalavoa.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Ifisas 4:2

Giv lin̄ maḡemu vataha mahavana i giv togo ḡoḡonai, i giv ron̄ mwa n̄ava, i giv dame ḡoro vatvataha kimiu lol lolotabetabe.

Filipae 2:14

Gisav ḡurutu tehe lol ginau duluai be gin lolia gin vigaigaiana.

Filipae 2:3

Batena be gim lol ginau gisav lolia tehe gin bugurana sa binihiv sage be vi tomuai kimiu. Hala kun geki, giv haḡo binihiv bahivoi i giv lai binihi marahi lalai atat dodolua liua be huri kimiu sibomiu.

Kolosi 3:13

Gov mwemwearu mai ira tuamwa i gov binihi kaburai vurora. Be atatu vwate mwa lol vahala lalainigo, gov vinihi kaburai vuron atatu gea bwatun be God mwa binihi kaburai vuromwa.

1 Tesalonaeka 2:7

gaituvwa be ira hala non Kraes, gas haḡo dum nomai roron̄o ḡoro kimiu. Take gam maḡemu mai kimiu, kun ratahi be mwa ḡitaḡoro ira nituna be ririgi radu.

1 Timoti 6:11

Take giḡo, atat non God gov romaragai nin ginau kera gea. Ninia gea, gov togo la hal vavtutu, lol rovoga lalai God, haḡo binihimwasigi garagusi, lolotabetabe, alen̄ mahuri i alen̄ maḡemu.

Taetas 1:1

Nin Pol, atatun rovoga non God i hala non Jisas Kraes nu horau be nav huhui ira sinombu gin binihimwasigi garagusi be God mwa ḡita luara i be nai buluira be rav ilo mwasigi kea be mwa seserainia lalai sinombu kunhanigi rav lol rovoga lalai God.

Taetas 1:7

Vwalaua non God tomuai, atatu be mwa hav vuroga tehe be vi lol bwatigoro be vi bugura sage vi lolhoro vilvilehi. Sihav mwin te daltalei waen, be vi doron be men bwalo, sa vi lol ron̄oe be vi rosoga alun hal lete alun atat dodolua.

Taetas 1:9

Vi haḡo batugehi avoana be tanon butuana kea be tam bagahi ginia, tomuai vi bului sinombu gin mwasin silo vagahi i vi seserai dumwia lalainira be ram banburigai mwasin silo vagahi huri be kera ram bahala.

Taetas 3:2

rasav vev te ginau hantai lalai ihei tehe, rav togo lol tamwata, i rav maḡemu i rav lol alen̄ vavtutu lalai sinombu duluai.

Jemes 1:1

Inau Semes atatun rovoga non Ratahigi i Jisas Kraes: Avoan helheloi i mwa bano lalai sinombu non God be ram du vataha ute lol ureure.

Jemes 3:17

Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

Jemes 4:2

Gom doron ginau duluai, take ram hav mai te lalainigo. Gom dogo la vavaun bwaloana, i gom binihi hantai atat dodolua, take ginau duluai be gom doronia ram hav mai te dum abemwa radu. I gom bigaigai i gom bwalo. Gosav lai te ginau duluai be gom doronia, bwatuna be gom hav hudali te God.

1 Pita 3:8

Nogonana, kimiu duluai gis togo lol dameana, giv ilo kimiu gaitutuvwai, giv tabetabe kimiu kun abe ata lol imwa gaituvwa, giv maḡemu i giv tavuha.

Ravrava nin Jud 1:3

Ira tuaku, nam doron maragai be nav ravae lalai kimiu huri varahuva be tam dogo alolona lol God. Take nav ravae i nav hudali kimiu be giv bwalo mwasigi huri binihimwasigi garagusi be God nu laia lalai non atatu.