2 Timoti 2:19 - Hano Niu Testamen

¹⁹ Take bwatbwatu be God nu taria sihav rihuan te dumwi; ira iha haḡea keragea ram du aluna: “Ratahigi mwa ilo kera be bilana,” i “atatu n̄oto be rai vora bilan Ratahigi rav mambu gin lalaḡov hantai.”

2 Timoti 2:19 ပူးပေါင်းရင်းမြစ်များ

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Matiu 28:19

Bwatuna gea, giv van vai lol sinombu duluai vataha ute, i giv lolira gi noḡu roron̄tai. Giv garuhisabugainira vai lol ihan Tata i Nitui i Vui Sabuga.

Matiu 7:23

I vuvuri nai vev luae lol matara be, ‘Nam hav ilo te kimiu. Gin vis dagai, kimiu ira hantain lalaḡo!’

Matiu 7:25

Ataguna uhe mwa uhe, wai ram rovo, lan̄i mwa here gaivua vai alun imwa gea. Itake imwa mwa hav hovi tehe, bwatuna be wani gea nu lol bwatbwatun imwana alun vatu tu.

Leo Tavuha gabe Mak nu Ravae 12:16

Kunia ram lai homu vwate lalainia i kea mwa hudaligi be, “Nunun hei i ihan hei alun homu uhu?” Haḡe ram bwaliua be, “Nunun Ratahigi lavoa ata Rom.”

Leo Tavuha gabe Mak nu Ravae 13:22

Bwatuna Kraes tentene i atatun vevsera tentene rai visirai i rav lol dovon̄ana i taro ririhai huri be si dumwi ta rav salainira gabe God nu gita luara.

Leo Tavuha gabe Luk nu Ravae 13:27

Ta kea vi mom bevea mulei be, ‘Nam len̄ai kimiu be giru mai nin halabehe. Giv vis dagai niniau, kimiu ira hantain lalaḡo!’

Leo Tavuha gabe Luk nu Ravae 6:48

Kea nu ḡun atatu gabe mwa haḡo imwa. Nu gel lulu roro i mwa dari bwatbwatuna alun vatu. Haḡe wai mwa rovo mwa malivwa i mwa rovo alun imwa gea; take mwa hav rihu te dumwi bwatuna be nu haḡoan tavuha.

Leo Tavuha gabe Jon nu Ravae 10:14

Inau radaiḡoro tavuha. Kun gabe Tata mwa iloau i nam ilo Tata, kunia mulei nam ilo bilaku sipsip i ram iloau. I nam lin̄ rahuku be nav mate hurira.

Leo Tavuha gabe Jon nu Ravae 13:18

“Nam hav avo tehe huri kimiu duluai; nam ilo ira hei gabe nan gita luara. Take mwa du be ravrava Sabuga vi visirai gabe mwa bevea be, ‘Atatu gabe mwa ḡan bul maiau vi van burigaiau.’

Leo Tavuha gabe Jon nu Ravae 3:33

Take ihei tehe gabe mwa lai ḡoḡo non avoana, mwa dovon̄ainia be God kea mwasigi.

Lalaḡova 11:26

I garagusi mahavana be mwa habwea mwa laia vai Antiok, haḡe ira tarua geki ramuru dogo mai sinombun uloilua huri taulu gaituvwa i ramuru bagahi tatan̄an sinombu gaivua. Haḡe mwa siv vora muana be sinombu ram uloi ira binihimwasigi be atatun uloilua.

Lalaḡova 15:17

I kunia atatu duluai lol ureure rav mai huriau, i ira Lolobon̄i gabe nau uloinira be rai vora bilaku siboku.’

Lalaḡova 9:14

I kea nu mai vai Damaskas mai roron̄o nin ira muai tataroi be vi haḡo batugehira be ram ḡogonainigo.”

Ravrava non Pol lalai ata Rom 11:2

God mwa ḡita lua ata Israel i non atatu amua mwasivora nora vorana, i kea nu hav tau te dagai non atatu. Gam ilo havanau haḡea Ravrava Sabuga mwa bevea huri Elaija, kun hanigi nu tataro lalai God huri alen̄ hahantai non sinombu ata Israel.

Ravrava non Pol lalai ata Rom 12:9

Nom lolotabetabe vi vora mwasigi. Gov varihai ginau hantai, i gov haḡo wasi havanau be nu tavuha.

Ravrava non Pol lalai ata Rom 15:20

Nan doron maragai be nav toretore la avoan sabuga lol ute be atatu ram hav ron̄ te ihan Kraes, bwatun be nan hav doron te didi lol mulei rovoga non atatu be ran tau bwativuna huba.

Ravrava non Pol lalai ata Rom 15:9

Nu lolia mulei kungeki bwatun be kera be ram hav vora te ira Jius rav lai dum sarisari lalai God huri sine hagavi be nu laia lalainira. Nu ravana lol ravrava sabuga be, “Nav uloi roroainigo maira Lolobon̄i; Nav lol iboi roroai ihamwa.”

Ravrava non Pol lalai ata Rom 8:28

Tam iloe be lol ginau n̄oto God mwa lol rovoga huri tavuha non atatu be ram doronia. Kera haḡea atatu be nu uloinira, huribe kea haḡea non binbinihi.

Ravrava non Pol lalai ata Rom 9:11

Take amua ira naturigi atamwani gairua ram siv vora, God nu vevea lalai Rebeka be, “Tuagai vi lol rovoga lalai tihigi.” Geki nu loli amua ira naturirigi ram siv lol dum ginau tavuha sage ginau hantai. God mwa bevea kun geki be kea be nu gita luana bwatuna lol vatuvwai non God sibona. Kea nu gita luara bwatuna be kea haḡe vwate be God nu doron be vi uloinia, vorate huria be nu lol ginau vwate.

1 Korin 1:2

Lalai uloilua non God Korin, i lalai kimiu duluai be gin togo sabuga lol Kraes Jisas, nu uloi kimiu be giv vora atat sabuga non God, mai sinombu duluai be ram dataro lol ihan Ratahigi Jisas Kraes, nora God i nonda.

1 Korin 8:3

Take be atatu vwate mwa dabe God, atatu gea God mwa iloe.

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

Kelesia 4:9

Take kadogaha gom ilo God mwasigi. Mwasigi, kea God be mwa ilogo. I huri hano be gom ban mulei huri ira silo mandamanda i silo lete be gon hurira amua? Gom doronia be goi vora turi huri ginau keragea mulei?

Ifisas 2:20

Kimiu gim bora imwa haḡohaḡo be mwa haḡoana alun vatun siguna non ira hala mai ira atatun vevsera. Kraes Jisas sibona kea mwasin raumatan vatu alun haḡohaḡo imwa gea,

Ifisas 3:15

gabe ninia haḡea vara duluai lol ute atamare i lol ureure ram lai mwasin ihara.

Ifisas 4:30

I gosav lol te Vui Sabuga be vi ron̄ mwahantai. Vui kea mwasigi non God be kea bilana God nu lai Vui lalainigo be men seserainia be God vi loligo gov maribwesi mahavana be nogonan gubwen̄ vi mai.

1 Timoti 3:15

Take be ginau vwate vi vahala batena be nam hav mai te radu, vuvuri gaituvwa be nam ravrava, gim ilo halana be giv togo kun be atatu ata lol imwan God. Imwa gea imwa tataro non God be mwa rahu vai tuai, gaitura i bwatutun mwasigi.

1 Timoti 6:19

Rav lolia kunia, rav lol ḡoḡo mwasin roso hurira sibora gi bwatbwatun ara vatu vainon̄oiha. Vuvuri rav haḡo dum rahuana be mwasin rahuana.

Hibru 11:10

Ebraham mwa dogo kunia bwatuna be mwa do mwa hohovi be vi vano vai la bwatutun vanua be God mwa lol vatuvwai halana, i mwa haḡo domareinia. I bwatutun vanua gea bwatbwatuna vi tu bavtutu wasigi vataha mahavana.

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

1 Jon 2:19

Sinombu kera geki tam mai nin nomai vatugigi, take ram bano bwatuna be la mwasigi, kera ram hav vora te mai kamai mwasigi. Be sivora kera bul mai kamai mwasigi ras togo mai kamai. Take kera ram bano i mwa ḡigilaga be kera ram hav vora tehe bul mai kamai.

Visirai 17:8

Ginau rahu be gon gitae amua nu rahu take kadogaha mwa hav mom dogo tehe. I sihav n̄ava tehe vi mwalue nin banoi roro, n̄an huri be men lol Kaburai. I atatu gabe ihara nu hav ravan te ḡoro alun bukan rahuana la bwativun ureure radui, rav masiri gin binihiv lalan̄aga i dan̄an̄a. Rav gita ginau rahu geki be nu rahu amua take kadogaha mwa hav mom rahu tehe, take vi mom mai mulei vatuvwa.”

Visirai 2:13

Inau nam ilo tanomiu huba gea lol vanua Pekamam, gabe Setan mwa lolia kun gabe kea ratahigi lavoa ḡoroe huba. Kimiu gim haḡo wasi ihaku radu, i mahavana be kera ram wehi mwasin gaituraku Antibas, mwa mate la bwatutun vanuamiu, gabe Setan mwa domua ḡoroe huba, take alen̄amiu huri binihimwasigi garagusi gisav tahuli te dumwia giniau.

Visirai 21:14

Vatun sigun bwatutun vanua mwa dariana alun vatu han̄vul domwan gairua. Ihan sipsip gaitutuvwai batvatahara mwa hurin ihan ira hala han̄vul domwan gairua.

Visirai 22:4

Kera rav gita lolmatan God i ihana vi ravana la rera duluai.

Visirai 3:8

Nam ilo alen̄amiu ata Viladelvia i nam iloe be nomiu muramura kolo n̄ano, take gim haḡo batugehi noḡu avoana, i gim hav sigi te ihaku be kimiu noḡu atatu. Nam havan̄ gatava lol matamiu, gabe atatu vwate sihav goro te dumwia.