2 Timoti 2:12 - Hano Niu Testamen

¹² Be tav mahin̄a ḡoro ron̄ ḡagarasi, gida mulei tav gitaḡoro bul maia. Be tav visigai ḡoroe, Kea mulei vi varihai be vi dame ḡoro gida.

2 Timoti 2:12 ပူးပေါင်းရင်းမြစ်များ

Matiu 10:33

Kunia mulei ihei tehe mwa bevea lalai sinombu be kea mwa barihaiau, inau mulei nai varihainia aben Tamaḡu amare.

Matiu 26:35

Pita mwa bwaliu Jisas be, “Nasav tugugo tehe, gaituvwa n̄an be nas mate maigo.” I ira roron̄tai duluai ram bevea n̄an kunia.

Matiu 26:75

i Pita mwa binihi mulei avoana gabe Jisas nu vevea lalainia be, “Tao si hav totoreto te radu, gov tuguau vatolu.” Haḡe mwa bute avare, mwa dei mamaragai.

Leo Tavuha gabe Mak nu Ravae 10:33

Mwa bevea lalainira be, “Giv roron̄tai hano be nai vevea. Gida tav hae vai Jerusalem, aia Nitun Atatu vi lin̄iana lalainira muai tataroi mai ira vagahin Silo. Kera rai vevegi bamatea i rav lin̄ia lalai ira Lolobon̄i,

Leo Tavuha gabe Mak nu Ravae 8:38

Inau Nitun Atatu nav mai vai non̄oiha mai noḡu enjel mai ginau tavtavuha be tamaḡu vi laira lalaiau. La mahavana gea inau nav tavwe vataha atatu hurin nora lalaḡova. Be, atatu mwa busbusi giniau mai noḡu silo vagahi abera sinombu hantai be ram dogo garigi be God sigai abera, kunia inau mulei Nitun Atatu nav busbusi ginia batena nav mai mai ira enjel sabuga, lol sarisarin Tamaḡu.”

Leo Tavuha gabe Luk nu Ravae 12:9

Take be ihei tehe mwa bevea lalai sinombu be kea mwa barihaiau, inau Nitun Atatu nav varihainia mulei la lolmatan ira enjel non God.”

Leo Tavuha gabe Luk nu Ravae 22:29

kunia be Tamaḡu nu lai roron̄o lalaiau be nav gitaḡoro, i nav lol kunia mulei lalai kimiu.

Leo Tavuha gabe Luk nu Ravae 22:30

Giv gangan i giv mwinmwin la noḡu tebol lol noḡu Rahuan Gara, i giv to mahuri la tanon togotogo be gimen tomuai ḡoro varan Israel han̄vul domwan gairua.”

Leo Tavuha gabe Luk nu Ravae 9:26

Be atatu mwa busbusi giniau mai noḡu silo vagahi kunia mulei inau Nitun Atatu nav busbusi ginia mahavana gabe nav mai lol noḡu ginau sarisari mai non Tata mai nora enjel sabuga.

Lalaḡova 14:22

Ramuru lol wasi ira binihimwasigi i ramuru av durara be rav tu wasi alun nora binihimwasigi garagusi. Haḡe ramuru bevea be, “Mwa du be tai van sivi ute ririhai ivusi vuvuri tam siv van lol Rahuan gara gabe God mwa bora ratahigi alolona.”

Ravrava non Pol lalai ata Rom 5:17

Vuron atat gaituvwa, i mateana mwa domuai sinombu duluai bwatuna atat gaituvwa. Take kadogaha kera be ram lai sarisari non God mai hogoi gaivua be ram bavtutu lolmatana kera rav lai rahuan mwasigi i atat gaituvwa vi tomuainira, Jisas Kraes.

Ravrava non Pol lalai ata Rom 8:17

Kebe tai vora ira nitun God, tau lai vatavuha nin God saraḡo mai Kraes. Tav tau ron̄ḡagarasi kunia be Kraes nu ron̄ḡagarasi huribe tav sarisari kunia be Kraes nu sarisari.

Filipae 1:28

I be gisav mataguinira tehe be ram lol ḡoro kimiu. Ginau duluai geki mwasigi huria be nomiu ivwalu duluai rai vora i vero nogonogo take kimiu giv rahu mai God.

1 Timoti 5:8

Ihei tehe be mwa hav gitaḡoro te rahun ira havana sibona, liuhage ata lol mwasin imwana, kea mwa ban burigai binihimwasigi garagusi i kea nu hantai liu wani be mwa hav binihi te mwasigi God.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.

Visirai 1:6

Kea Ratahigi Lavoa i mwa lolia be tam mai gi non ira muai tataroi be tamen lalaḡo lalai God Tata. Lalainia roroai i muramura vai tuai vai tuai! Amen.

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.

Visirai 2:13

Inau nam ilo tanomiu huba gea lol vanua Pekamam, gabe Setan mwa lolia kun gabe kea ratahigi lavoa ḡoroe huba. Kimiu gim haḡo wasi ihaku radu, i mahavana be kera ram wehi mwasin gaituraku Antibas, mwa mate la bwatutun vanuamiu, gabe Setan mwa domua ḡoroe huba, take alen̄amiu huri binihimwasigi garagusi gisav tahuli te dumwia giniau.

Visirai 20:4

I nan gita ira tanon togotogon ratahigi, i alun tanon togotogon ratahigi gea kera gabe nu tarira gi ira harahara. I nan gita vuin sinombu gabe ran wehira huribe ran toretore huri roroi non God. Kera geki haḡea atatu gabe ran hav gogonai te ginau rahu mai nun vatu, i ran hav mahin̄a tehe be vi tauana na nora dovon̄a non ginau rahu sage ginau rahu alun limara, sage alun rera. Kera geki rav rahu, i rav tomua mai Kraes huri taul vasan̄vulu.

Visirai 3:10

Bwatuna be kimiu gim du wasigi alun noḡu tatauleo, i nav gita ḡoro tavuhai kimiu mulei lol taro ririhai be mwa mai lol ureure be men lol ron̄ sinombu duluai ata lol ureure.

Visirai 3:21

I lalainira be ram muramura, nav lai tanoi lalainira be rav tomahuri bul maiau lol tanon togotogon ratahigi, kun gabe inau nam muramura, i garigi inau bul mai Tamaḡu lol non tanon ratahigi.”

Visirai 3:8

Nam ilo alen̄amiu ata Viladelvia i nam iloe be nomiu muramura kolo n̄ano, take gim haḡo batugehi noḡu avoana, i gim hav sigi te ihaku be kimiu noḡu atatu. Nam havan̄ gatava lol matamiu, gabe atatu vwate sihav goro te dumwia.

Visirai 5:10

Gom lolira gi varan ira tataroi, be rav lalaḡoi God gida, i rav tomua lol ureure.”