2 Timoti 1:9 - Hano Niu Testamen

⁹ Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

2 Timoti 1:9 ပူးပေါင်းရင်းမြစ်များ

Matiu 1:21

Mere vi haḡo nituna atamwani. Gov huri ihana gi Jisas, bwatuna be kea vi varahu non sinombu nin vurora.”

Leo Tavuha gabe Luk nu Ravae 10:21

Lol mahavan gea Jisas mwa masiri gin samwarana gin Vui Sabuga, i mwa bevea be, “Tata, giḡo Ratahigi ḡoro amare i lol ureure! Nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao. Mwasigi, Tata, geki haḡea halana gon doron be vi loli kunia.”

Leo Tavuha gabe Jon nu Ravae 17:24

“Tata! Gon laira lalaiau, i nam doron be rav togo maiau lol ute be nav to aia, huribe rav gita sarisariku, sarisari gabe gon laia lalaiau; huribe gon tabeau la bwativuna vuvuri mwa siv tau ureure.

Leo Tavuha gabe Jon nu Ravae 17:9

“Nam dataro hurira. Nam hav tataro te huri ureure take hurira gabe gon laira lalaiau, huri be kera bilamwa.

Leo Tavuha gabe Jon nu Ravae 6:37

Kera gabe Tamaḡu mwa laira lalaiau rav mai vai abeku. Nasav vev te kaburai ihei tehe gabe mwa mai huriau,

Lalaḡova 15:18

Haḡe Ratahigi, gabe nu vev sera ginau geki tuai huba.”

Lalaḡova 2:47

ram lol roroai God, ram bulu mai nora samwarana la doroniva non sinombu. Haḡe vataha gubwen̄i Ratahigi mwa hara atatu rituai buluira la vatugi gaituvwa ira hei gabe ran rahu.

Ravrava non Pol lalai ata Rom 11:14

Nam binihia be nav lol noḡu atatu siboku rav binbinihi hantai, i hala geki vi bului be nav varahu dum tavalura.

Ravrava non Pol lalai ata Rom 11:29

God mwa hav leahi te hohoi binihina mai non sinombu be nu uloinira i vataha ginau be nu laia lalainira.

Ravrava non Pol lalai ata Rom 16:25

Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

Ravrava non Pol lalai ata Rom 3:20

bwatuna be atatu vwat sigai be vi lol vavtutu mai God be vi huri ira silo. Silo ram bagahi gida be tav ilo vuroda.

Ravrava non Pol lalai ata Rom 9:11

Take amua ira naturigi atamwani gairua ram siv vora, God nu vevea lalai Rebeka be, “Tuagai vi lol rovoga lalai tihigi.” Geki nu loli amua ira naturirigi ram siv lol dum ginau tavuha sage ginau hantai. God mwa bevea kun geki be kea be nu gita luana bwatuna lol vatuvwai non God sibona. Kea nu gita luara bwatuna be kea haḡe vwate be God nu doron be vi uloinia, vorate huria be nu lol ginau vwate.

Ravrava non Pol lalai ata Rom 9:24

i gida haḡea sinombu be God nu uloi gida. Nu hav uloi te gida n̄an nin ira Jius take nu uloinira Lolobon̄i mulei.

1 Korin 1:18

Silo vagahi huri volovolo kea mwa bora bwaḡele lalainira gabe ran sala, take lalai gida be tam rahu lol binihimwasigi, kea muramura non God.

Ifisas 1:11

Lol Kraes mwa gita lua gida be tai vora sinombu non God, bwatuna be la bwativuna radui, God nu tari halana geki gin non taritari. I kea haḡea atatu gaituvwa be nu lol ginau duluai mwa dame alun ginau be kea nu vinihia i nu doronia.

Ifisas 1:9

tav ilo bwatuna be mwa lol taritari dahuligi. Geki havanau be God nu doronia, i nu tari halana be vi lolia sivi Kraes.

Ifisas 2:5

Mwasigi be gida tan mate lol vui, bwatuna be ginau hantai be tan lolia vai alun God, take kea mwa lai rahuan gara lalai gida mai Kraes. Kimiu gim rahu mai hogoi non God.

Ifisas 3:11

Geki mwa dame haragaituvwa mai bwatutun binbinihi be God nu togo maia la bwativun ureure, i kea mwa lol haraharai non binbinihi sivi Kraes Jisas Ratahigi gida.

Filipae 3:14

Nam lol ron̄oe tagaro be nai votui tovtovo gea i nav lai tavwe kea be God nu uloiau sivi Kraes Jisas huri rahuana amare.

1 Tesalonaeka 4:7

God nu hav uloi te gida be tav togo lol vuro, take tav togo melmelo.

1 Timoti 1:1

Nin Pol, hala non Kraes Jisas, gin avoan wasi non God varahuda i Kraes Jisas nonda doron hohovi.

2 Timoti 1:1

Nin Pol, hala non Kraes Jisas hurin doroniva non God. God nu horau be nai vevea huri tatauleon rahuana kea be lol Kraes Jisas.

Taetas 1:2

Binihi mwasigi gea i iloute gea mwa mai nin doronhohov huri rahuana vai tuai, taro mwa siv bwativuga, i God sihav tentene te dumwi.

Hibru 3:1

Ira tuaku mai ira hogosiku, God nu uloi lua gida huba. I Jisas kea atatu vwate be God nu uloi luae, be vi vora hala i muai Tataroi lalai gida be tam haḡo binihimwasigi garagusi.

1 Pita 1:20

Kraes nu gita luana amua mwa siv tau ureure, take kea nu vagahiana lalai ureure lol nogonan taro geki huri kimiu.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 17:8

Ginau rahu be gon gitae amua nu rahu take kadogaha mwa hav mom dogo tehe. I sihav n̄ava tehe vi mwalue nin banoi roro, n̄an huri be men lol Kaburai. I atatu gabe ihara nu hav ravan te ḡoro alun bukan rahuana la bwativun ureure radui, rav masiri gin binihiv lalan̄aga i dan̄an̄a. Rav gita ginau rahu geki be nu rahu amua take kadogaha mwa hav mom rahu tehe, take vi mom mai mulei vatuvwa.”