2 Timoti 1:5 - Hano Niu Testamen

⁵ Nam binihi dum nom binihimwasigi garagusi be nu mwasigi. Binihimwasigi garagusi gea nu togo muana lol tuagamwa Lois i lol ratahimwa Iunis, i nam iloe be giḡo kadogaha gom do mai binihimwasigi gea.

2 Timoti 1:5 ပူးပေါင်းရင်းမြစ်များ

Leo Tavuha gabe Jon nu Ravae 1:47

Mahavana be Jisas mwa ḡita Nataniel be mwa mai huria, mwa bevea huri Nataniel mwa bevea be, “Geki haḡea mwasin ata Israel; kea atat mwasigi!”

Lalaḡova 16:1

Pol mwa lago mulei la vanua Debe mai Listra, i atatu gabe ihana Timoti mwa dogo aia, i ratahina mulei kea ata lol uloilua, vavine ira Jius, take tamana kea ata Krik.

Lalaḡova 26:26

Ratahigi Lavoa Akiriba mwa bevea be! Nav avo lua dum lalainigo bwatuna be giḡo gom ilo didini ginau duluai geki. Nam ilo didininia be gom ilo didinini n̄oto n̄otora, bwatuna be ginau geki mwa hav loli te lol ute dahuligi vwate.

Ravrava non Pol lalai ata Rom 14:14

Nam dogo lol Ratahigi Jisas, i nam iloe be ginaganiana vwate nu hav hantai tehe be vi ganiana. Take be atatu rituai rav vinihi mwasigi be ginau vwate nu vahala, kea nu vahala huria sibona.

Ravrava non Pol lalai ata Rom 14:5

Atatu rituai ram binibe gubwen̄i vwate nu sabuga nin gubwen̄i rituai, i rituai ram binibe gubwen̄i n̄oto dadariha n̄ano. Atatu n̄oto rav ilo tavuhainira lol binihira.

Ravrava non Pol lalai ata Rom 15:14

Ira tuaku, nam iloe be kimiu gin masiri gin tavuha. Nam iloe be kimiu gim do mai mataisao duluai be gim doronia i be kimiu giv vagahi dum kimiu gingin kimiu.

Ravrava non Pol lalai ata Rom 4:21

Ebraham mwa iloe be, God vi lol dum hano gabe nu tatauleo huria.

Ravrava non Pol lalai ata Rom 8:38

Uwe, nam iloe be mateana, sa rahuana, sa ira enjel, sa vui, sa ginau sigai kadogaha, sa ginau sigai lol taro be vi mai, sa muramura,

2 Korin 6:6

Gam seserainia be kamai atatun rovoga non God gin rahumai be nu melmelo, nomai iloilon halan ginau, nomai ron̄ mwan̄ava i alen̄ tavuha non Vui Sabuga, gin mwasin lolotabetabe,

1 Timoti 1:5

Binihiva huri avoan wasi geki huri be sinombu rav haḡo lolotabetabe, kea be mwa mai nin lolo melmelo i binihiva be nu tavuha i binihimwasigi garagusi vavtutu.

1 Timoti 4:6

Be goi vev ginau kera geki lalai ira, tua goi vora atatun rovoga tavuha non Kraes Jisas. Avoana ata lol binihimwasigi garagusi vi loligo gov wasi lol binihimwasigi i silo vagahi tavuha be gov huria.

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

2 Timoti 3:15

La mahavana be giḡo naturigi gon ilo Avoan Sabuga kea be mwa domuainigo vai lol varahuva sivi binihimwasigi garagusi lol Kraes Jisas.

Hibru 11:13

Atatu kera gea ram binihimwasigi garagusi alun God, take mahavana be ram mate, ram hav lai te dum ginau gea radu gabe God nu tatauleo be vi laia lalainira. Kera ram ḡita ginau kera gea kun gabe ram do hautu radu ninira, take ram samsamwara mulei huri be ramen gitara. I kera ram du ram bev luae lol ute melmelo be, kera ram dogo lol ureure geki take mwa du kun be kera tausala n̄ano, ureure geki mwa hav vora te mwasin tanora.

Hibru 6:9

Ira noḡu buluana bisata kamai gam avo lalai kimiu kunia take, bisata nomai binihiva mwa hav hovi tehe huri kimiu n̄an haḡea. Kamai gam iloe be gim lai dum hala gea be God mwa lalaḡo aluna be vi lai varahuva lalai kimiu.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.