2 Tesalonaeka 3:5 - Hano Niu Testamen

⁵ Nam dataro be Ratahigi vi to muai irubwimwa vai lol lolotabetabe non God i tamwata non Kraes. Atatu rav lol rovoga huribe rav lai gara ginau.

2 Tesalonaeka 3:5 ပူးပေါင်းရင်းမြစ်များ

Ravrava non Pol lalai ata Rom 5:5

I doronhohov geki sihav lol te dum lolhoro lalai gida, bwatuna be God nu salil non doroniva be vi vamasiri irubwida. Kea nu lai non doroniva lalai gida sivi non Vui Sabuga, gabe God nu laia lalai gida.

Ravrava non Pol lalai ata Rom 8:25

Take tam dau nonda doronhohov huri ginau be nonda sigai radu, i tam hohovia gin sine maḡemu.

Ravrava non Pol lalai ata Rom 8:28

Tam iloe be lol ginau n̄oto God mwa lol rovoga huri tavuha non atatu be ram doronia. Kera haḡea atatu be nu uloinira, huribe kea haḡea non binbinihi.

1 Korin 8:3

Take be atatu vwate mwa dabe God, atatu gea God mwa iloe.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

1 Tesalonaeka 1:10

I gim hohovi huri nitun God be vi mai nin ute atamare, kea be God Tata nu ragasia nin mateana. Kea Jisas, be nu varahu gida nin silo vevegi non God be mwasigi vi mai.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 3:11

Kadogaha nomai God i Tata kea sibora i nonda Ratahigi Jisas mwa lol vatuvwai hala huri kamai be gai mai vai abemiu.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

1 Pita 4:1

Bwatuna be Kraes nu ron̄ ḡagarasi lol rebehina, giv tu wasigi i giv vinihia la hala n̄an Kun Kraes. Atatu be nu ron̄ ḡagarasi lol rebehina nu nogo nin vuro.

2 Pita 3:12

Kunia be kimiu gim hohovi huria i gim ḡarere dotomua huri maiana non God. Lol taro be gubwen̄i gea vi mai mahao vi lol kaburaiana gin gabi, i ginau duluai alolona vi rovo gin hahavwani.

1 Jon 4:19

Tam dabe atat dodolua bwatuna be God mwa dabe gida.

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.

Visirai 13:10

Ihei tehe gabe mwa binihia be vi vwirihiana vai lol gao vauvauhi, na vwirihiana vai lol gao vauvauhi; i ihei tehe gabe mwa binihia be vi mate gin buan bwaloana, vi mate gin buan bwaloana. Kimiu atatu non God, bwatuna gea giv tu wasigi, i nomiu binihimwasigi garagusi vi tu wasigi alun God.”