2 Tesalonaeka 3:2 - Hano Niu Testamen

² I giv tataro be gav tu wasigi nin ira vui son̄son̄o i atat vuroga, huribe mwa hav vora te atatu n̄oto be ram binihimwasigi.

2 Tesalonaeka 3:2 ပူးပေါင်းရင်းမြစ်များ

Matiu 17:17

Haḡe Jisas mwa bwaliua be, “O kimiu ata garigi nomiu binihimwasigi sigai, i gim bahala maragai! Nav togo mai kimiu vain̄ava kun hanigi? Nav haḡo mai kimiu vaiviha mulei? Gin lai naturigi gea vai abeku.”

Matiu 23:23

“Hahagavi lalai kimiu, ira vagahin Silo maira Varise! Kimiu ira hoḡoiḡoro! La mahavana gim hogoi lalai God gin han̄vulun bilamiu ginau, gim hav binihi te malioi han̄vulun ginau ririgi kun ruḡuruḡu i an̄o, take gim binihi malioi ginau mutai ata lol Silo, kun silo vavtutu i lolohagavi i silo mwasigi. Amua giv lol ginau mutai kera geki, ta gisav tau te dagara ginau ririgi kera geki.

Leo Tavuha gabe Luk nu Ravae 18:8

Nam bevea lalai kimiu be, vi vevev hurin non doroniva i vi lol vilvilehi nia? Take Nitun Atatu vi habwe dum binihimwasigi lol ureure lol mahava be vi mai?”

Lalaḡova 13:45

Mahavana be ira Jius ram ḡita sinombu gaivua be ram ḡoḡo, sinera mwa hantai ram bigaigai alun havanau gabe Pol mwa bevea ram rav kaburainia.

Lalaḡova 13:50

Take ira Jius ram suvwai ira tomuai ḡoro sinombu la bwatutun vanua i ira vavin binihi marahi alolon ira Lolobon̄i gabe ram binihimwasigi God. I ram dau bwatuna ram lol ḡagaras Pol mai Banabas i ram bohai kaburainira nin vanuara.

Lalaḡova 14:2

Take ira Israel rituai gabe ram hav binihi te mwasigi ram lol loḡeloḡe ira Lolobon̄i i ram ban burigai ira binihimwasigi.

Lalaḡova 17:5

Take ira Jius sinera mwa hantai i ram hara ḡoḡo atat hahantai be ram lago mai taval ten lalaḡova la hal lalavoa i ram bul nora binihiv hahantai. I ram duḡoro bwatutun vanua duluai i ram momogai gatavan imwan Jason, huri be ramen habwe Pol mai Sailas ba lai bwihivareinira vai alolon sinombu.

Lalaḡova 25:27

Huri be nam ḡitae be nu vahala lalaiau huri be namen hora atatu vwate vai lol imwa vauvauhi vuroi kunia be avoan melmelo vwate sigai huria be vi vevegia.”

Lalaḡova 28:24

Atatu rituai alolora ram ron̄ron̄ non avoana ram binihimwasigi, ta atatu dodolua rituai ram hav vinihi te mwasigi.

Ravrava non Pol lalai ata Rom 10:16

Ta mwa hav vora te ira Jius n̄oto be ram dara alun Roroi Tavuha. Aesaia mwa bevea be, “God, ihei mwa binihimwasigi ginau be gan vevea lalainira?”

Ravrava non Pol lalai ata Rom 15:31

Giv tataro be nav rahu nin kera be ram hav binihi te mwasigi Judia i mai buluiana geki be nav laia vai Jerusalem rav ron̄ mwandavuha ginia na sinombu non God.

1 Korin 15:32

Be nav bwalo mai ira ginau turu ata Ivisas mai ira binihin atatu n̄ano, nasav lai te dum ginau vwate. Be atat mate rasav tomare te mulei, “tav gan ginau i tav mwinmwinu, huribe vaigogo tav mate.”

1 Tesalonaeka 2:18

Gan doron be gav mai vai abemiu. Inau, Pol, nan lol ron̄oe vai vusi, take Setan nu tuḡoroau.

2 Timoti 4:17

Take Ratahigi mwa dogo maiau i mwa lai muramura lalaiau be nai vev dum duluai Leo Tavuha lalainira be ram hav vora te ata la varan Israel. Kunia be nu varahuau nin bwan̄on laeon.