2 Tesalonaeka 3:14 - Hano Niu Testamen

¹⁴ Mandovai be atatu rituai rasav gogonai te hano gam bevea lalainigo lol ravrava geki, gov tau nom binbinihi alura. Gosav lol te ginau vwate bul maira huribe rav busbusi.

2 Tesalonaeka 3:14 ပူးပေါင်းရင်းမြစ်များ

Matiu 18:17

Ta be mwa hav ron̄ora te radu, kadogaha vi seseraiana lalai Uloilua. Ataguna gea, be mwa hav ron̄ te Uloilua, gov lolia kun gabe kea len̄len̄aga sage harahara homu.

Ravrava non Pol lalai ata Rom 16:17

Ira tuaku, nam hudali kimiu be giv gita ḡoro hurira be ram lol atatu be ramen vigaigai ginginira, i ram lol hantai binihimwasigi garagusi non atatu. Kera ram hae la mwasin silo vagahi gabe gin huhuinia, i giv togo dagai ninira.

1 Korin 4:14

Inau nam lol ron̄oe kun be nasav lol te kimiu be giv ron̄oe ba busbusi. Nam ravae geki be men lai avoan vevsera dau lalai kimiu kun gabe kimiu mwasin ira nituku.

1 Korin 5:11

Nam ravrava geki be namen vevea lalainigo be gosav bulbulu te maira be ram uloinira sibora be binihimwasigi lol Kraes take ram buroga lol rebehi mai rebehi, sage ram bugura, sage ram susura, sage ram ḡogonai nun vatu, sage ram sani atat dolua gin nora avoana, sage ram mwin wai taltale, sage ram ruruhi atat dodolua. Mwa du be gosav gan te ginau mai sinombu be kera kunia.

1 Korin 5:9

Nan ravae lalainigo la muan noḡu ravrava be gosav bulbulu tehe maira be ram buroga alun rebehi mai rebehi.

2 Korin 10:6

Gam lol vatuvwai be gai vevegi ihei tehe aia be mwa hav ron̄ te maḡemu, take muana gan av mai kimiu be giv masiri gin non maḡemu.

2 Korin 2:9

Nan rav ravrava lalai kimiu be nav haḡo ron̄ kimiu ba ḡitae be giv ron̄ maḡemu lol ginau duluai.

2 Korin 7:15

I non lolotabetabe huri kimiu mwa wasi batena be mwa binihi dumwia be gim lol dautau be giv ron̄ maḡemu. Gin lai ḡoḡoe mai binihi marahi i mataguana.

Filipae 2:12

Ira tabetabe, kun vataha mahavana gim roron̄taiau batena be nam dogo mai kimiu, vi tavuha maragai be giv roron̄taiau batena nam hav togo te mai kimiu. Giv lol rovoga ḡaoḡao gin binihi marahi mai huiruru be giv lai dum rahuana,

Kolosi 4:16

Ataguna be avoana geki nu vasogoana lalai kimiu, gov iloe be vi vasogoana mulei lol imwa tataro Laodisia. I gov vasogo ravrava mulei be ira tuada Laodisia rav horae lalainigo.

1 Tesalonaeka 4:8

Ihei tehe be mwa hav tabe te non silo vagahi, mwa hav daha te atatu, take God gabe mwa lai non Vui Sabuga lalai gida.

2 Tesalonaeka 3:6

Ira tuaku, lol roron̄o non ratahigi Jisas Kraes, gam bevea lalainigo be gov tu dagai nin atat binihimwasigi be mwa hav doron te didi lol rovoga i mwa hav huri te silo vagahi be gam laia lalainigo.

Taetas 2:8

Goi vev mwasigi huri be rasav av te vai alumwa. Vuvuri kera be ram hun̄ainigo rav busbusi bwatuna be ginau hantai sigai be rai vev dumwia vai aluda.

Taetas 3:10

Atagun muan avoan vavanoi i gairuan avoana, tu dagai nin ihei be mwa bwativuga vigaigaiana.

Filimon 1:21

Nam rav ravrava uhu, nam iloe be gov lol hano be nam hudalinigo huria i gov lolia vi liu.

Hibru 13:17

Giv ron̄ silon nomiu tomuai, i giv huri nora avoana. Ram gitaḡoro tavuhai kimiu be ram hav mambu tehe. I rav vev ginau n̄oton̄oto lalai God huri havanau be ram lolia. Be giv ron̄ silora kera rav ron̄ mwandavuha lol nora rovoga. Be gosav ron̄ora tehe kera rav ron̄ mwahantai. Ginau gea barabe vi bului dum kimiu.

2 Jon 1:10

Be atatu vwate vi mai vai abemwa take mwa hav lai te non silo vagahi maia, gosav lai te ḡoḡoe sage gosav dame tehe be vi haroro la imwamwa.