2 Tesalonaeka 2:3 - Hano Niu Testamen

³ Gosav mahin̄a tehe be atatu vwate vi vataltalego la hala vwate. Gubwen̄in ratahigi si hav mai tehe vai votu be rav van burigai nin God i atatun vui son̄son̄o be mwa lago la halana vai lol ute meto vi visirai.

2 Tesalonaeka 2:3 ပူးပေါင်းရင်းမြစ်များ

Leo Tavuha gabe Jon nu Ravae 17:12

Mahavana be nan togo maira, nan gitaḡorora be rav rahu gin ihamwa be nu muramura, iha gabe gom laia lalaiau. Nan gitaḡorora, i vwate ninira nuhav sala tehe, take atatu n̄an gaituvwa gabe nu taua be vi sala huribe ravrava Sabuga vi visirae.

1 Korin 6:9

Nam bev mwasigi lalai kimiu be atatu ram lalaḡo bahala rasav haḡo te dum houn ute Ratahigi non God. Gosav dadaloiga tehe. Kera gabe ram bulu alun rebehin vavine mai atamwani ram buroga gin bwatigoron lagiana ram ḡogonai nunu buhiga take ram bulbulu alun rebehin lagiana sage ira atamwani gabe ram bol mulei rebehin atamwani dolua ram bulu maia,

Ifisas 5:6

Gosav mahin̄a tehe be atatu vi saruruhigo ginia be men vev ginau lalainigo be ram hav vora te mwasigi, bwatuna be ginau kerageki vi lai lolhoro non God vai alura be ram hav tabe te silona.

1 Jon 2:18

Ira nituku, mwa abena be ureure men nogo. Gim iloe be ivwalu Kraes men mai kadogaha, ira ivwalu non Kraes ran mai huba. Bwatuna haḡea tam iloe be nogonan ureure mwa abena.

1 Jon 4:3

Be atatu si vevea be Jisas nu hav vora te gi atatu, kea gin binihiva vui alolon gea mwa hav mai tehe nin God. Vui gea mwa mai nin ivwalu non Kraes. Gim iloe be ivwalu geki vi mai vai lol ureure, i kea teti kadogaha.

Visirai 17:11

Ginau rahu gea be nu rahu amua kadogaha mwa hav mom rahu tehe. Ginau rahu gea vwate alolon ira ratahigi lavoa gaibitu gabe vi mai mulei kun gabe gaivwelun ira ratahigi lavoa, take n̄an huria be men lol kaburai.

Visirai 17:8

Ginau rahu be gon gitae amua nu rahu take kadogaha mwa hav mom dogo tehe. I sihav n̄ava tehe vi mwalue nin banoi roro, n̄an huri be men lol Kaburai. I atatu gabe ihara nu hav ravan te ḡoro alun bukan rahuana la bwativun ureure radui, rav masiri gin binihiv lalan̄aga i dan̄an̄a. Rav gita ginau rahu geki be nu rahu amua take kadogaha mwa hav mom rahu tehe, take vi mom mai mulei vatuvwa.”