2 Tesalonaeka 2:16 - Hano Niu Testamen

^16-17 Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

2 Tesalonaeka 2:16 ပူးပေါင်းရင်းမြစ်များ

Leo Tavuha gabe Luk nu Ravae 16:25

Take Ebraham mwa bevea be, “Gov binihi dumwia nituku, be lol gubwen̄in rahumwa gon haḡo ginau tavtavuha ivusi, i Lasarus nu to ririhai lol rahuna. Ta uhugaha kea mwa samsamwara teti i giḡo gom ron̄ ḡagarasi.

Leo Tavuha gabe Jon nu Ravae 13:1

Haḡe gubwen̄i amua mwasivora gubwen̄in Samsamwaran Halbisḡalau. Jisas nu iloe be tarona mwa mai huria be vi vano nin ureure geki vai aben Tata. Vataha mahavana kea nu tabera gabe ran togo lol ureure kera gabe non atatu sibona, i nu tabera vaivotu nogonana.

Leo Tavuha gabe Jon nu Ravae 15:13

Mwasin lolotabetabe gaivua gabe atatu vi lai dumwia hurira non buluana gabe vi lin̄ rahuna hurira.

Leo Tavuha gabe Jon nu Ravae 15:9

Nam lolotabetabe kimiu kunia gabe Tata mwa lolotabeau: giv togo lol noḡu lolotabetabe.

Leo Tavuha gabe Jon nu Ravae 16:22

Kunia haḡea mulei mai kimiu: kadogaha gim ron̄ mwahantai, take nav gita mulei kimiu, i lolomiu vi masiri gin samwarana, samwarana gabe atatu vwate sihav lai te dagai dumwia nin kimiu.”

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Leo Tavuha gabe Jon nu Ravae 4:14

Take ihei tehe gabe vi mwin wai gabe inau nav laia lalainia sihav mandou te mulei. Wai uhu gabe nav laia lalainia vi mai lalainia gi matavuravuran wai alolona i kea vi laia ninia wain rahuana i rahuana vai tuai.”

Lalaḡova 15:11

Gida tam binihi mwasigi i tam rahu gin hogoi non Ratahigi Jisas, kunia n̄au gabe mwa lolia lalainira.”

Lalaḡova 18:27

Apolos mwa binihia be vi vano vai Akaea, i kunia ira binihimwasigi ata Ivisas ram binihia be rav buluia ba rav letasi lalainira binihimwasigi ata Akaea, be rav laiḡoḡoe. I mahavana be mwa botu mwa bului tavuhai ira binihimwasigi gabe sivi hogoi non God.

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

Ravrava non Pol lalai ata Rom 4:16

Atatu ram lai tatauleo non God be nora binihimwasigi garagusi abena. Geki mwa loli huribe tatauleo vi vora ginau be vi laiana vuroi n̄ano. I ira nitun Ebraham duluai rav haḡo tatauleo geki. Mwa hav vora te hurira n̄ano be ram dogo halaten silo non Moses, ta huri ihei tehe be mwa dogo mai binihimwasigi kun Ebraham, gabe tamanda duluai.

Ravrava non Pol lalai ata Rom 4:4

Lol taro be atatu ram lol rovoga, volira mwa hav laiana te kunabe hogoi, ta ginau be atatu mwa lol rovoga hahavwani huria.

Ravrava non Pol lalai ata Rom 5:8

Ta God mwa bagahi non doroniv muramura huri gida la hala geki: Kraes nu mate huri gida lol taro be tan vuroga radu.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Ifisas 5:25

Ahoai tabe tasalamwa kun Kraes mwa dabe uloilua i nu lin̄ia sibona huria,

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 3:11

Kadogaha nomai God i Tata kea sibora i nonda Ratahigi Jisas mwa lol vatuvwai hala huri kamai be gai mai vai abemiu.

2 Tesalonaeka 2:13

Ira tuaku, kimiu gabe God mwa doron kimiu, God nu gita luago la bwativuna be gov rahu. I gida duluai tav avkari God vataha mahavana hurigo. Giḡo gom rahu gin Vui Sabuga be mwa loligo gom sabuga gin nom binihimwasigi garagusi lol mwasigi.

Taetas 1:2

Binihi mwasigi gea i iloute gea mwa mai nin doronhohov huri rahuana vai tuai, taro mwa siv bwativuga, i God sihav tentene te dumwi.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Hibru 7:19

Silo non Moses gea nu hav dadariha te dumwi be vi vavtutui ginau vwate be nu vavtutu. Take kadogaha alen̄a vwate dolua be nu tavuha nu visirae huba, huria be tav tau nonda doronhohov wasigi aluna. I alen̄a gea mwa do mwa lai gida tan mai sosori gin God.

1 Jon 3:16

Gida tam iloe huri lolotabetabe huba bwatuna be Jisas nu lin̄ rahuna huri gida. I bwatuna haḡea tav lin̄ rahuda huri atat dodolua.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 22:5

I ute bon̄i mulei sigai aia. Atat vwate sigai alolora be ram du aia be vi doron here sa gigitan alo. Ratahigi God vi gigitainira i rav tomua vai tuai.

Visirai 3:9

Giv roron̄tai! Huri tatan̄ana gea be bilan Setan, ira atat tentene gea be ram bevera be kera ira Jius, take ram dentene, inau nav lolira rav mai ba hiv bwaubwau lol bwalagemwa. I kera duluai rav iloe be, inau nam dabego.