2 Tesalonaeka 2:13 - Hano Niu Testamen

¹³ Ira tuaku, kimiu gabe God mwa doron kimiu, God nu gita luago la bwativuna be gov rahu. I gida duluai tav avkari God vataha mahavana hurigo. Giḡo gom rahu gin Vui Sabuga be mwa loligo gom sabuga gin nom binihimwasigi garagusi lol mwasigi.

2 Tesalonaeka 2:13 ပူးပေါင်းရင်းမြစ်များ

Leo Tavuha gabe Luk nu Ravae 1:75

Gin togoana sabuga mai vavtutu la lolmatana vataha gubwen̄ida duluai.”

Leo Tavuha gabe Jon nu Ravae 1:1

Amua nin bwatun ureure, Avoana nu togo huba, kea nu togo mai God, i kea kun God.

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Lalaḡova 13:48

Mahavana be ira Lolobon̄i ram ron̄ avoana geki, ram avkari Ratahigi gin samwarana gaivua, i kera gabe nu uloinira huri rahuana ram bora ira binihimwasigi.

Lalaḡova 15:9

Nu lolia la hala gea nuhav dolua tehe nin kamai; Kea nu binihi kaburai vurora bwatuna gabe ran binihimwasigi.

Ravrava non Pol lalai ata Rom 6:17

Amua gon vora turin vuro, i vuro nu haḡo rahumwa. Ta gov avkari God, gom dabe mwasigi ginau gabe gon lai silo vagahi huria.

Ravrava non Pol lalai ata Rom 8:33

Ihei haḡea vi vev dum avoan hantai lalai atatu be God nu gita luara? Atatu vwate sigai, huribe God haḡea sibona nu lolira ram bavtutu.

Ravrava non Pol lalai ata Rom 9:11

Take amua ira naturigi atamwani gairua ram siv vora, God nu vevea lalai Rebeka be, “Tuagai vi lol rovoga lalai tihigi.” Geki nu loli amua ira naturirigi ram siv lol dum ginau tavuha sage ginau hantai. God mwa bevea kun geki be kea be nu gita luana bwatuna lol vatuvwai non God sibona. Kea nu gita luara bwatuna be kea haḡe vwate be God nu doron be vi uloinia, vorate huria be nu lol ginau vwate.

1 Korin 1:21

Alolon mataisao non God ureure mwa hav ilo te God sivi non mataisao sibona. Haḡe kunia God mwa ḡita luae be vi varahu atatu n̄ano be ram binihihimwasigi toretore bwaḡelega be tam doretore aluna.

Kelesia 3:1

Kimiu ata Kelesia nu vevean melmeloi lalai kimiu huri mateanan Jisas Kraes alun volovolo. Take kimiu ira taltaleana; gim lin̄ atatu vwate mwa ruruhigo.

Ifisas 2:8

Nam bevea gin binihiva be kimiu gin rahu gin hogoi non God sivi binihimwasigi garagusi. Gin hav varahu te kimiu sibomiu; take kea hogoi non God.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

1 Tesalonaeka 1:4

Ira tuaku, God mwa dabe kimiu, i gim iloe be nu gita lua kimiu,

1 Tesalonaeka 2:12

Gan av dura kimiu gam av wasi lalai kimiu, gan doronia be giv togo lol rahuan tavuha huri God. God mwa doron be tav togo lol rahuana be tav tabea vataha mahavana.

1 Tesalonaeka 4:7

God nu hav uloi te gida be tav togo lol vuro, take tav togo melmelo.

1 Tesalonaeka 5:9

God nu hav gita te lua gida be tav ron̄ ḡagarasi gin non lol horo take be tav lai varahuva sivi nonda Ratahigi Jisas Kraes.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

2 Tesalonaeka 2:10

Kea vi lolia gin hal lete ivusi be men sasaruhira gabe ran sala. Kera rav mate, huribe ram barihai didi huri hal mwasigi. (Kebe ras doron mwasigi, kera ras rahu.)

2 Tesalonaeka 2:12

Kera n̄oto gea rav lai silo vevegi wasi, kera ram hav binihimwasigi tehe, ta ram samsamwara be ramen lol ginau lete.

2 Tesalonaeka 2:16

Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

2 Timoti 1:9

Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

2 Timoti 2:15

Gov lol ron̄oe lolmatan God be vi ron̄ mwandavuha ginigo. Gov mai gi atatun rovoga be gom hav busbusi tehe gin nom rovoga. Gov mai gi atatu be mwa bagahi atatu gin mwasin avoana non God la mwasin halana.

2 Timoti 3:15

La mahavana be giḡo naturigi gon ilo Avoan Sabuga kea be mwa domuainigo vai lol varahuva sivi binihimwasigi garagusi lol Kraes Jisas.

Hibru 1:10

Ravrava Sabuga mwa bevea mulei be, “La bwativuna God, giḡo n̄an gaituvwa be, gon tari bwatbwatun ureure i gom dau ureure duluai.

Jemes 1:18

God nu vinihi tuhi be vi lai rahuana sivi avoan mwasigi be tai vora raumatan ginau duluai lol ginau duluai be nu lolia.

1 Jon 4:10

Geki mwasin lolotabetabe: nu hav vora te gida be tan lolotabei God, take nu lolotabetabe gida i nu hora Nituna be vi mate huri gida be men lai dagai vuron ureure.

1 Jon 4:19

Tam dabe atat dodolua bwatuna be God mwa dabe gida.