2 Tesalonaeka 1:9 - Hano Niu Testamen

⁹ Atatu keragea rav lai silo vevegi i ron̄ ḡagarasi be vi tu vai tuai. Rav togo dagai nin God i nin non muramura.

2 Tesalonaeka 1:9 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Matiu 22:13

Haḡe ratahigi mwa bevea lalai non atatun rovoga be, ‘Giv vauhi batugehi limana i bwalagena ba bohainia avare lol ute meto. Aia vi dei i vi gas livona.’ ”

Matiu 24:30

Haḡe dovon̄a huriau Nitun Atatu vi visirai lol mahao, i varan sinombu duluai lol ureure rav mwaḡuruḡuru i rav gitau Nitun Atatu nav mai alun ten lan̄i mai roron̄o i sarisari gaivua.

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Matiu 25:46

Haḡe kera duluai gea rai vano lol silo vevegi gabe si hav nogo te dum, i kera atat vavtutu rai vano lol rahuana vai tuai.”

Matiu 26:24

Inau Nitun Atatu nav mate kun mwa ravae tuai huriau lol Ravrava Sabuga. Take vi hantai maragai lalai wani gea be vi lin̄iau Nitun Atatu vai lol limara. Nu tavuha maragai lalai wani gea be si hav vora tehe!”

Matiu 7:23

I vuvuri nai vev luae lol matara be, ‘Nam hav ilo te kimiu. Gin vis dagai, kimiu ira hantain lalaḡo!’

Leo Tavuha gabe Luk nu Ravae 13:27

Ta kea vi mom bevea mulei be, ‘Nam len̄ai kimiu be giru mai nin halabehe. Giv vis dagai niniau, kimiu ira hantain lalaḡo!’

Leo Tavuha gabe Jon nu Ravae 5:14

Ataguna n̄an gea, Jisas mwa habwe wani gea lol Imwa Tataro haḡe mwa bevea lalainia be, “Ron̄oe, kekadogaha gom rahu mulei, i gosav mom lol te havanau hantai mulei bere ginau hantai liu gim mom dumwigo.”

Filipae 3:19

I la nogonana, rai vora vina kaburai. Ram lol hano n̄ano be rebehira mwa doronia, ram sasagerega huri nora rovogan busbusiana, i ram binihi huri ginau ata lol ureure n̄ano be vi vora nora god.

1 Tesalonaeka 5:3

La mahavana be sinombu ram bevea be, “Gam dogo lol tamwata i gam rahu,” kera vi lol kaburainira. Vi vora kun gagarasi be mwa mai vilvilehi lalai vavine be mwa bav naturigi. Kera gea rasav romaragai te dumwi.

2 Tesalonaeka 2:8

I atatun vui son̄son̄o vi visirai, i ratahigi Jisas vi wehia gin mambuha be mwa mai nin bwan̄ona i vi lol kaburainia gin sarisarin non maiana.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Hibru 10:29

Ke kun hanigi huri atatu be mwa lai binihiv hantai huri Nitun God? Binihin atatu kera gea mwa hantai huri dagan tatauleo non God be vi lol dum melmeloinira nin vurora? Ram bevea be daga gea kea ginau vuroi n̄ano i ram av hantai vai alun hogoi non Vui Sabuga? Atatu gea non vevegi vi wasi liu!

2 Pita 2:17

Ira vagahi tentene kera gea ran kun matavuravura be wai sigai ninia i dodo be lan̄ wasi mwa herei kaburainia. Ute met dodoga lol bon̄i mwa dogo hurira.

2 Pita 3:7

Take God mwa lol dautau ute atamare mai ureure be rav togo radu vaivotu gubwen̄in vevegi vi mai. Vuri vi taura lol gabi i vi lol kaburai atat vuroga duluai.

Ravrava nin Jud 1:13

Ram bora kun navo turu ata lol tahi, be ram domare la lalan̄an rerena mahaḡea. Ram bora kun visiu be mwa lago daltaligi lol mahao be gubwen̄ vwate God vi taua lol ute meton mateana be mwa du vatuvwai hurira vai tuai.

Visirai 20:11

Nam ḡita tanon togotogo maita kun gabe tanon togotogon ratahigi i atatu vwate mwa dogo aluna. Haḡe ureure mai mahao ramuru lol ron̄oe be raru vi rov maragai, take ute vwat sigai mulei be raru vi hili aia.

Visirai 20:14

Atagun vevegi, haḡe enjel mwa bohai kaburai mateana lol tanon mateana vai lol numbun wain gabi tabwalue. (Numbun wain gabi tabwalue geki kea gairuan mateana.)

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.